Jaceuq 89:14 - Akha

¹⁴ Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Tsaq-awr dawr-eu jeq hawr-eu dawr-awr tsaq-eu jeq-aq, Nawq-euq nuirmanq-euq dawqpaeq duqpur mae. Ghawqshaq gaq-eu jeq hawr-eu yawtsaq yawdawr-aq, Nawq-euq maeqshi canluf-eu mae.

Jaceuq 89:14 Iomraidhean Croise

Neˬhaˬmiˇ 1:10

“Sahˬpaˬ Miˬyehˇ-oˇ, tsawˇ haˬ heu deuˬ-aˬ nawˬ-euˬ zaˬ kʼaˆ pyeuꞈ-awˇ, nawˬ-euˬ tsawˇ jeuˬ pyeuꞈ-eu meh. Nawˬ-euˬ huiˬ-eu baoˬ hawˇ-eu gʼaˬ-ahˇ gʼoe-awˇ, aˬ yawꞈ maꞈ-ahˇ nawˇ ka kʼoꞈ doˆ nehˬ-euˬ meh.

Jaceuq 145:17

Sahˬpaˬ Miˬyehˇ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, yaw tsaˬ yaw dawˇ jeˬ hawˇ-eu gʼawˬ shaˬ gaˬ-eu jeˬ ahˇ-eu meh.

Jaceuq 85:13

Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Jaceuq 89:2

Nawˬ-euˬ gʼoeˇ-eu gaˬ-eu jeˬ byoˆ-iˇ-eu maˬ baw-ehˇ, nawˇ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ ngaˇ siˬ nya ma.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Jaceuq 98:1

Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Dawqdaq 16:12

Yaw tsaˬ yaw dawˇ jeˬ kʼoeˇ taˆ dzoeˬ dzaˬ ciˬ nuiˇ taˬ-euˬ miˇ neh, yaw haiˬ jeˬ-ahˇ sahˬ paˬ sahˬ ma deuˬ nui daˆ daˆ-eu meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.