Jaceuq 89:12 - Akha

¹² Miˇ tsaˬ tahˬ kʼawˇ laꞈ oˆ pyawˬ laꞈ taˆ pyawˬ baw ni nawˬ neh beh taˬ-euˬ meh. Taˬbawˬ gawˬ jawˬ hawˇ-eu Heˬlaˬmoˬ gawˬ jawˬ, laˬ kʼaˬ tiˬ cehˇ nawˬ-ahˇ ja ceuˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Mirtsaq lafov pyawq hawr-eu laftav pyawq bawni, Nawq nae baetaq-euq mae. Taqbor hawr-eu Heqlaqmoq gawqjawq, Nawq-euq tsawrmyanr-euq lafkhoer laqkhaq caer-eu mae.

Jaceuq 89:12 Iomraidhean Croise

Yawˇbaˆ 26:7

Laꞈ taˆ pyawˬ-ahˇ jaˆ-eu mˬ-ahˇ Miˬyehˇ toˆ pyeh-awˇ, miˇ tsaˬ tahˬ kʼawˇ-ahˇ tiˬ gaˇ-iˬ maˬ tuˆ ni jaˬ myawꞈ-ahˇ bi ceuˬ-euˬ meh.

Jaceuq 115:16

Mˬ-aˬ, Sahˬpaˬ Miˬyehˇ-euˬ tehꞈ-ehˇ pyeuꞈ kʼawꞈ, tsawˇ haˬ zaˬ-ahˇ miˇ tsaˬ tahˬ kʼawˇ biꞈ taˬ-euˬ meh.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 24:1

Miˇtsaˬtahˬkʼawˇboeˬboeˬluˆluˆ, kʼaˇdehꞈkʼaˇjawˇ-eu dawˬtawˆluꞈ, SahˬpaˬMiˬyehˇ-euˬpyeuꞈ-eu meh.

Jaceuq 24:2

Laˆshaˆkʼoeˇtaˆmiˇmaˬciˬ-awˇ, laˆshaˆdawˬdah naꞈdui dui gaˇ, zeuˇka ziꞈdah ni jaˆ-eu meh.

Jaceuq 98:8

Iˇ cuꞈ lawˇ baˬ deuˬ laꞈ kʼawˆ tehˆ-awˬ. Gawˬ jawˬ deuˬ laˬ kʼaˬ tiˬ cehˇ uiˬ laˇ-awˇ, Sahˬpaˬ Miˬyehˇ mehˬ shi caˇ dawˬ caˇ-awˬ.

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Yeˬlaˬmiˇ 46:18

Ngaˇ, Baoˬ huiˬ-eu Sahˬpaˬ Miˬyehˇ-aˬ, dzoeˬ dzaˬ sahˬ paˬ pyeuꞈ-awˇ, dehꞈ luꞈ-eu Miˬyehˇ ma. Gawˬ jawˬ dawˬ tawˆ kʼoeˇ taˆ Taˬbawˬ gawˬ jawˬ goˇ-eu loꞈ-ehˇ, laˆ shaˆ kʼoeˇ taˆ Kaˬlaˬmeˬlaˇ gawˬ jawˬ uˆ-eu loꞈ-ehˇ, naw maꞈ-ahˇ guiˇ deuˆ le-eu gʼaˬ, gʼaˬ kʼaˆ aˬ cawˬ taꞈ-ehˇ dzehˬ ma.

Yawˇshuˆ 12:1

Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh.

Yawˇshuˆ 19:22

Aˬ yawꞈ maꞈ-euˬ miˇ kaˬ-aˬ, Taˬbawˬ meuˬ, Shaˬhaˬzuˇmaˬ meuˬ hawˇ-eu, Behˬsheˬmehˇ meuˬ heu deuˬ caw caw-ehˇ iˇ gʼeh-awˇ, Yawˇdaˬ lawˇ baˬ-ahˇ iˇ dahˬ-euˬ meh. Miˇ kʼahˬ kʼoeˇ kʼahˬ laꞈ kʼoeˇ, meuˬ tseˇ koꞈ meuˬ hawˇ-eu meuˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ jaˆ-eu meh.

Yaˇ kʼaˬ daˇ 4:12

Taˬbawˬ gawˬ jawˬ kʼoeˇ taˆ Baˬyehˇ daˆ leˇ-euˬ gaˇ, Siˇseˬlaˇ ya siˬ ngeh,

Yaˇ kʼaˬ daˇ 4:6

Tiˬ nah keuˆ laˇ ngeh, Naˬtaˬliˇ miˇ kʼahˬ Geˬdeˬshaˆ meuˬ-ahˇ jawˇ-eu Aˬbiˇnamˬ-euˬ aˬ li Baˬyehˇ jawˇ gaˇ aˬ yawꞈ iˇ-awˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ heu loꞈ-ehˇ dawˬ biꞈ leꞈ-euˬ meh. ‘Naˬtaˬliˇ tsawˇ jeuˬ hawˇ-eu Zeˬbuˬluˬ tsawˇ jeuˬ laꞈ kʼoeˇ, tsawˇ haˬ tiˬ muiˇ gʼaˬ sheuˬ-awˇ, Taˬbawˬ gawˬ jawˬ-ahˇ le-awˬ.