Jaceuq 89:1 - Akha

¹ Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar, li-eu maqbawni, Ya’we Miqyaer-euq ghawqshaq gaq-eu garkawv car ma. Ngar, ngaq-euq khaqmae nae, nawq-euq sarjax zif-eu garkawv, Yawqzir navluf-anr bisiqni dzawrgaq ma.

Jaceuq 89:1 Iomraidhean Croise

1 Sahˬpaˬ 4:31

Eˇzaˬlahˬ tsawˇ jeuˬ pyeuꞈ-eu Eˇdaˬ hawˇ-eu, Maˬhawˇlaˆ-euˬ aˬ li deuˬ pyeuꞈ-eu Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ naˆ maˬ tseˇ aˬ yawꞈ tsawˇ gahˇ ahˇ-awˇ, tsawˇ haˬ zaˬ dawˬ tawˆ luꞈ kʼoeˇ taˆ aˬ cawˬ naˆ maˬ tseˇ tsawˇ gahˇ ahˇ dzehˬ-eu miˇ neh, aˬ yawꞈ nehˬ-ehˇ miˇ kaˬ taꞈ-eu miˇ kʼahˬ deuˬ laꞈ kʼoeˇ, aˬ yawꞈ tsawˇ myahˇ huiˬ dui dui-eu meh.

1 Sahˬpaˬ 5:11

Sawˇlaˬmoˬ kʼawꞈ, Hiˇlamˬ-euˬ tsawˇ haˬ deuˬ bi dzaˬ-eu gʼaˇ duˬ, aˬ yawꞈ kʼoꞈ yawꞈ cehˇ gʼoeˬ muiˇ daˇ hawˇ-eu, saˬ loˬ tsiˇ oeˬ tseˇ muiˇ jawꞈ-i Hiˇlamˬ-ahˇ biꞈ-euˬ meh.

1 Laˬsaˬbaˬ 2:6

Aˬ yawꞈ-euˬ mehˇ nmˇ Zeˬlahˬ gʼaˬ-aˬ, aˬ li ngaˬ li jawˇ-eu meh. Zmˇliˬ, Eˇdaˬ, Heˬmaˬ, Kaˬlaˬkawˇlaˆ, Daˬdaˬ aˬ ha mehˇ nmˇ meh.

Jaceuq 101:1

Saˇ jaˇ ziꞈ-eu jeˬ hawˇ-eu yaw tsaˬ yaw dawˇ jeˬ gaˇ kawˆ, ngaˇ caˇ-awˇ ja ceuˬ ma. Sahˬpaˬ Miˬyehˇ-oˇ, nawˬ-ahˇ ngaˇ caˇ-awˇ ja ceuˬ ma.

Jaceuq 106:1

Sahˬpaˬ Miˬyehˇ-ahˇ ja ceuˬ-awˬ. Aˬ dui kʼoeˇ taˆ aˬ yawꞈ muiˬ-eu miˇ neh, Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 119:90

Nawˇ saˇ jaˇ ziꞈ-eu jeˬ tiˬ ziˇ saˇ-iˬ tiˬ ziˇ ziꞈ-awˇ, nawˬ neh ciˬ tsaˬ taˬ-euˬ miˇ tsaˬ tahˬ kʼawˇ, maˬ poˆ maˬ paˇ ni jaˆ tehꞈ-a.

Jaceuq 36:5

SahˬpaˬMiˬyehˇnawˇgaˬ-eu jeˬ, mˬ-ahˇkeuˆni huiˬ-awˇmahˇ-awˇ, nawˬ-euˬ saˇjaˇziꞈ-eu jeˬ-aˬ, maˬtaˆmˬdmˇ-ahˇtuˆ-eu meh.

Jaceuq 59:16

Ehˇ kʼawꞈ, nawˇ gʼaˬ huiˬ-eu gaˇ kawˆ ngaˇ caˇ ma. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu gaˇ kawˆ yawˬ shawˬ na luꞈ ngaˇ guˇ guˇ-ehˇ caˇ ma. Nawˇ ngaˬ-euˬ gʼoe duˬ lo guˇ pyeuꞈ-awˇ, shaˬ ngeh zahˬ ngeh tahˬ shaˇ duˬ pyeuꞈ-eu meh.

Jaceuq 71:8

Nawˬ-ahˇ ngaˇ nah ga-ehˇ ja ceuˬ-awˇ, nawˬ-euˬ yaw shehꞈ kʼahˬ sehˇ gaˇ kawˆ ja gaˬ-euˬ ma.

Jaceuq 88:11

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ gaˇ kawˆ, lmˬ bymˇ laꞈ kʼoeˇ ja nya ta loˇ. Ya luˬ-iˇ ya seˇ-iˇ-eu jawˇ duˬ laꞈ kʼoeˇ nawˇ saˇ jaˇ ziꞈ-eu gaˇ kawˆ ja nya ta loˇ.

Jaceuq 89:24

Ngaˇ aˬ yawꞈ-ahˇ gaˬ-awˇ saˇ jaˇ ziꞈ ma. Aˬ myah luꞈ aˬ cawˬ kʼoeˇ taˆ gʼaˬ leˇ-eu gʼaˬ bi pyeuꞈ ma.

Jaceuq 89:33

Ehˇ kʼawꞈ Daˬbiˇ-ahˇ ngaˇ gaˬ-eu maˬ bi byoˆ-iˇ lehˇ, aˬ yawꞈ-ahˇ saˇ jaˇ ziꞈ ma.

Jaceuq 89:49

Sahˬpaˬ Miˬyehˇ-oˇ, yaw beh nawˬ neh bi mawˇ-euˬ nawˬ-euˬ gʼoeˇ-eu gaˬ-eu jeˬ aˬ gaˇ iˇ taˬ. Nawˬ neh Daˬbiˇ-ahˇ saˇ jaˇ dzaˬ taˬ-euˬ aˬ gaˇ jaˆ ta.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Jaceuq 92:2

Maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ yawˬ shawˬ na luꞈ maˬ ehˇ, nawˇ saˇ jaˇ ziꞈ-eu jeˬ-ahˇ yawˬ miˇ na luꞈ maˬ ehˇ,

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Ngoeˇ dawˬ 3:23

yawˬ shawˬ na luꞈ shuiꞈ teˇ poˬ ni, saˇ jaˇ huiˬ-eu ziꞈ dah ni meh.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.