Jaceuq 88:8 - Akha

⁸ Ngaˬ-euˬ cawˬ deuˬ ngaˬ-ahˇ byehˇ dzeh ni nawˇ jahˇ-euˬ meh. Aˬ yawꞈ maꞈ ngaˬ-ahˇ nui ma naˇ ni nawˇ jahˇ-euˬ meh. Ngaˇ laꞈ coeˇ-ahˇ tehˬ leˇ taˬ-awˇ, buˬ-iˇ-eu gaˇ ma maˬ dahˇ nya. Shaˬ zahˬ naꞈ-eu miˇ neh myaˆ nuiˆ maˬ paˇ gahˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawq nae ngar shuq-eu deuq, ngaq-anr nae garmanr kaq-eu gar bijawr-awr; Aqyawfmaf, ngaq-anr nuidav davni, nawr janrnaeq laf-euq mae. Ngar-aq, bi kaflanr taq-awr, maqpar dov-ir nya mir-a.

Jaceuq 88:8 Iomraidhean Croise

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Yawˇbaˆ 19:8

Miˬyehˇ gaˇ ma laˆ tsoeˬ taˬ-awˇ, ngaˬ-ahˇ maˬ iˇ doˆ nya nya. Ngaˬ-euˬ gaˇ ma-ahˇ yaw zahˇ laꞈ kʼoeˇ aˬ yawꞈ laˆ zaꞈ taˬ-euˬ meh.

Yawˇbaˆ 30:10

Aˬ yawꞈ maꞈ ngaˬ-ahˇ nui daˆ daˆ-eu meh. Aˬ yawꞈ maꞈ ngaˇ naˆ maˬ tseˇ muiˬ dzehˬ ma lehˇ noeˬ-awˇ, ngaˬ-euˬ myaˆ pyawˬ-ahˇ duˬ kʼaˬ kʼa shehˬ laˇ-eu meh.

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Jaceuq 143:4

Kʼoeˇ miˇ neh ngaˇ noeˬ tmˬ duˬ maˬ jaˆ-ehˇ, nui ma shaˬ zahˬ naꞈ dui dui nya.

Jaceuq 31:11

Muiˇ-eu deuˬngaˬ-ahˇnaˬgʼa-awˇ, cawˬdeuˬehˇniˇgʼa laˇ-eu meh. Yaw beh gʼoeˇdui dui-euˬdeuˬkʼawꞈ, ngaˬ-ahˇhaw-awˇguˆ-iˇ-euˬmeh. Kʼaˇpuˬkʼaˇmawˇle-eu tsawˇhaˬ, dawˬpeh maˬoe ni cehˆ-eu meh.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 88:18

Gʼoeˇ dui dui-eu cawˬ deuˬ ngaˬ-ahˇ byehˇ dzeh ni nawˇ jahˇ-awˇ, ngaˬ-euˬ gʼaˇ duˬ dzeˇ luꞈ-eu cawˬ-aˬ, zahˇ tsui ni gʼeh-eu jeˬ tehꞈ ma.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Yeˬlaˬmiˇ 32:2

Aˇ yamˬ kʼoeˇ yamˬ laꞈ kʼoeˇ, Baˬbuˇloˬ sahˬ paˬ-euˬ guiˇ maꞈ deuˬ Yeˬluˇsaˬlehˬ meuˬ-ahˇ guiˇ deuˆ luꞈ-awˇ, sahˬ paˬ-euˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˇ uˇ luꞈ-eu ma.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Yoˇhaˬ 11:57

Yeˬsuˇ jawˇ-eu kʼaˇ mawˇ-euˬ tsawˇ haˬ ya tsaꞈ gaˬ laˇ meh lehˇ, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh dawˬ biꞈ taˬ-euˬ meh. Aˬ yawꞈ maꞈ Yeˬsuˇ-ahˇ nyehꞈ mi nya ni kʼoeˇ loꞈ-ehˇ dawˬ biꞈ-euˬ jeˬ pyeuꞈ-eu meh.