Jaceuq 88:5 - Akha

⁵ Shiˇ-euˬ tsawˇ haˬ deuˬ-euˬ baꞈ dzah laꞈ kʼoeˇ ngaˬ-ahˇ sawˇ ahˇ taˬ-euˬ meh. Lmˬ bymˇ laꞈ kʼoeˇ bi sehꞈ ahˇ dzeuˇ-awˇ, nawˇ maˬ paˇ ka kʼoꞈ nehˬ nya-eu, nawˬ neh byehˇ dzeh-euˬ tsawˇ haˬ-ahˇ duˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Bisaef-awr lmqbymr-euq lafkhoer galuf-eu lof-aer, Shirdzeur-euq tsawrhaq-euq ghanrcae bi byaerdzae taq-euq lof-aer dur-awr; Nawr tiqjawr-iq maqpar noeqkeuv-eu, Nawq-euq aqlaf-anr nae deuvtsaev dzae-euq deuq-anr khawf dur mir-a.

Jaceuq 88:5 Iomraidhean Croise

Aˇ dahˬ 19:29

Lawˇtaˬ jawˇ luꞈ-eu deh ga laꞈ kʼoeˇ jaˆ-eu meuˬ kʼoeˇ nyiˬ meuˬ-ahˇ Miˬyehˇ laˆ cawˆ-euˬ kʼawꞈ, Miˬyehˇ-euˬ nui ma laꞈ kʼoeˇ Aˬbyaˬhaˬ-ahˇ noeˬ mawˇ-eu baˬ da neh, Lawˇtaˬ-ahˇ luˬ-iˇ seˇ-iˇ-eu jeˬ laꞈ kʼoeˇ bi buˬ-iˇ-euˬ meh.

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Yawˇbaˆ 11:10

Miˬyehˇ nawˬ-ahˇ nyehꞈ-awˇ yaˇ kʼaˬ daˇ naˇ, laˆ tsoeˬ peuˬ-eu aˬ suˇ gʼaˬ jawˇ nmˇ.

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Yawˇbaˆ 6:9

Aˬ yawꞈ ngaˬ-ahˇ sehꞈ law nmˇ-aˬ, ngaˬ-euˬ gʼaˇ duˬ zaˬ dzehˬ tehꞈ-a.

Jaceuq 136:23

Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 28:1

Ngaˇgʼoe-eu SahˬpaˬMiˬyehˇ-oˇ, ngaˇkuˇgaˇ naˇhaˬnehˬlaꞈ-awˬ. Ngaˬ-euˬ ziꞈ duˬlo guˇ-oˇ, maˬnaˇhaˬni taˬbyehˇnehˬlaꞈ. Ngaˇkuˇgaˇ maˬnaˇhaˬlaꞈnaˇ, shiˇ-eu duˬkʼahˬ-ahˇga ahˇ-awˇ, ya shaˬluꞈ-eu tsawˇhaˬnehˬ-ehˇ, ngaˇya shaˬ-eu yaw duˬbaw meh.

Jaceuq 31:12

Shiˇ-euˬdeuˬ-ahˇngehˇ-eu loꞈ-ehˇ, yawˬ gʼaˬna luꞈngaˬ-ahˇngehˇ-awˇ, oeˬlahˬlahˬpyehˬmaˬtawˬmiˇ-a.

Jaceuq 31:22

“Ngaˬ-ahˇteh dzeh laꞈ-euˬngaˇ” lehˇ, ngaˇguˆ-eu laꞈkʼoeˇ ehˇ-euˬma. Ehˇ kʼawꞈ, caw ba laꞈlehˇguˇngeh, nawˇnaˇhaˬgeuꞈnehˬlaꞈ-euˬmeh.

Jaceuq 88:16

Nawˇ nui ma pehˇ-eu jeˬ ngaˬ-ahˇ ciˬ tahˬ ci tuˆ laˇ-awˇ, nawˇ laˆ coeˬ laˆ ciˆ-eu baˬ da neh ngaˇ ya cawˆ-iˇ miˇ-a.

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.