Jaceuq 88:4 - Akha

⁴ Shiˇ-eu miˇ kʼahˬ-ahˇ iˇ luꞈ-eu tsawˇ haˬ deuˬ-ahˇ duˇ leˇ-awˇ, gʼaˬ tiˬ pawꞈ-iˬ maˬ paˇ ahˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqcawq, ngaq-anr duqkhanq-anr irluf-eu deuq naeq-aer sawxkeuq naeqlaf-awr, Ngar, ghaq maqanr-eu tsawrhaq-anr dur-eu mir-a.

Jaceuq 88:4 Iomraidhean Croise

Yawˇbaˆ 17:1

Ngaˇ ziˇ jiˇ le-eu peh laˇ miˇ-a. Ngaˬ-ahˇ saꞈ maˬ paˇ gʼawˇ coeˇ laˇ miˇ-a. Ngaˬ-euˬ gʼaˇ duˬ lmˬ bymˇ maˬ ngeuˇ naˇ nui jeˬ maˬ paˇ jaˆ meh.

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 28:1

Ngaˇgʼoe-eu SahˬpaˬMiˬyehˇ-oˇ, ngaˇkuˇgaˇ naˇhaˬnehˬlaꞈ-awˬ. Ngaˬ-euˬ ziꞈ duˬlo guˇ-oˇ, maˬnaˇhaˬni taˬbyehˇnehˬlaꞈ. Ngaˇkuˇgaˇ maˬnaˇhaˬlaꞈnaˇ, shiˇ-eu duˬkʼahˬ-ahˇga ahˇ-awˇ, ya shaˬluꞈ-eu tsawˇhaˬnehˬ-ehˇ, ngaˇya shaˬ-eu yaw duˬbaw meh.

Jaceuq 30:9

Shiˇ-eu duˬkʼahˬ-ahˇngaˇkeuˆnaˇ, nawˬ-ahˇmuiˬlaˇduˬjaˆta loˇ. Shiˇ-awˇkʼaˬlehˇpyeuꞈjiˇ-euˬdeuˬ, nawˬ-ahˇpaˇja ceuˬnya ta loˇ. Nawˇsaˇjaˇziꞈ-eu gaˇkawˆ-ahˇ, kʼaˬlehˇkʼoeˇdeuˬja nya ta loˇ.

Jaceuq 31:12

Shiˇ-euˬdeuˬ-ahˇngehˇ-eu loꞈ-ehˇ, yawˬ gʼaˬna luꞈngaˬ-ahˇngehˇ-awˇ, oeˬlahˬlahˬpyehˬmaˬtawˬmiˇ-a.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Ngoeˇ dawˬ 3:15

Jaˆ gaˆ yaw kʼaˬ bi dzaˬ laꞈ-awˇ, pyaˬ kuiˇ bi dawˇ nehˬ laꞈ-euˬ meh.

Yeˬsaˬgeˬlaˇ 26:20

Aˇ hu ziˇ-ahˇ dehꞈ-euˬ tsawˇ haˬ deuˬ nehˬ-ehˇ bi jawˇ-iˇ-eu gʼaˇ duˬ, miˇ oˆ kʼahˬ-ahˇ nawˬ-ahˇ ngaˇ sheuˬ gʼeh ma. Miˇ kʼahˬ kʼoeˇ tsahˇ-ahˇ, shiˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, mˬ maˬ maˬ byaˆ zaˇ ziˇ luˬ-iˇ seˇ-iˇ-eu jeˬ laꞈ kʼoeˇ, nawˬ-ahˇ ngaˇ bi jawˇ ma. Dehꞈ luꞈ-euˬ tsawˇ haˬ deuˬ jawˇ-eu miˇ kʼahˬ-ahˇ nawˇ maˬ paˇ ya jawˇ meh.

Yawˇnaˆ 2:6

Gawˬ jawˬ ciˇ tahˬ dawˬ dah jaˆ-awˇ, gʼoˆ kaꞈ tiˬ jawˇ-iˬ maˬ pah-eu, miˇ kʼahˬ-ahˇ ngaˇ ga keuˆ-euˬ kʼawꞈ, naꞈ-eu miˇ oˆ miˇ kʼahˬ-ahˇ neh, ngaˬ-euˬ Miˬyehˇ Sahˬpaˬ Miˬyehˇ, ngaˬ-ahˇ sheuˬ kʼoꞈ doˆ laꞈ-euˬ meh.

Lormav 5:6

Aˬ dui laꞈ jeuˬ shaˇ kʼaˇ maˬ za-ehˇ shaˬ luꞈ ngeh, Miˬyehˇ neh tseˇ doˆ taˬ-euˬ aˇ yamˬ-ahˇ, haiˬ-eu tsawˇ haˬ deuˬ pyeuꞈ luꞈ-eu aˬ dui-euˬ gʼaˇ duˬ Ka li shiˇ dah-euˬ meh.

2 Gawˇliˬtu 1:9

Nga maꞈ-ahˇ bi shiˇ-eu gʼaˇ duˬ yaˇ kʼaˬ daˇ tsehˆ gʼaˬ-euˬ nga lehˇ nga maꞈ noeˬ-euˬ ma. Ehˇ kʼawꞈ, kʼoeˇ loꞈ-ehˇ pyeuꞈ laˇ-euˬ kʼoeˇ-aˬ, nga maꞈ yawˬ haˇ yawˬ ha maˬ gʼoe-ehˇ, shiˇ-euˬ tsawˇ haˬ-ahˇ bi gʼoꞈ dehꞈ laˇ nya-eu Miˬyehˇ-ahˇ tehꞈ-ehˇ gʼoe nya laˇ-eu gʼaˇ duˬ pyeuꞈ-eu meh.

2 Gawˇliˬtu 13:4

Aˬ jeˬ miˇ neh ehˇ naˇ, nahˬ jawˆ ni gʼeh-eu laꞈ kʼoeˇ aˬ yawꞈ-ahˇ laꞈ yaꞈ kʼoeˇ taˆ bi taꞈ sehꞈ-euˬ kʼawꞈ, Miˬyehˇ-euˬ baoˬ baˬ da neh nymˬ-mˇ aˬ yawꞈ dehꞈ luꞈ meh. Aˬ yawꞈ-ahˇ taꞈ-eu laꞈ kʼoeˇ nga maꞈ kʼawꞈ nahˬ jawˆ ni gʼeh-eu ma. Ehˇ kʼawꞈ, naw maꞈ nehˬ-ehˇ nga maꞈ dehꞈ taꞈ luꞈ-eu heu-aˬ, Miˬyehˇ-euˬ baoˬ-ahˇ gʼoe-awˇ Ka li nehˬ-ehˇ dehꞈ luꞈ-eu miˇ neh deuˇ geuˆ ni jaˆ luꞈ ma.