Jaceuq 88:11 - Akha

¹¹ Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ gaˇ kawˆ, lmˬ bymˇ laꞈ kʼoeˇ ja nya ta loˇ. Ya luˬ-iˇ ya seˇ-iˇ-eu jawˇ duˬ laꞈ kʼoeˇ nawˇ saˇ jaˇ ziꞈ-eu gaˇ kawˆ ja nya ta loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nawq-euq ghoer-awr gaq-eu garkawv, Lmqbymr-euq lafkhoer dawqdzawr mr taef-a laq? Lavcawv-eu jawrduq-euq lafkhoer, Nawr sarjax zif-eu garkawv dawqdzawr mr taef-a lor?

Jaceuq 88:11 Iomraidhean Croise

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Yawˇbaˆ 26:6

Shiˇ-eu miˇ kʼahˬ dehˬ kaˬ taˬ-euˬ jeˬ maˬ jaˆ-ehˇ, Miˬyehˇ mehˬ shi bya tsehˆ ni jaˆ-eu meh.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Jaceuq 6:6

Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

Jaceuq 73:18

Aˬ kuiˇ maˬ nawˬ tehˬ ziꞈ nya-eu juˇ dui dui-eu jawˇ duˬ-ahˇ, aˬ yawꞈ maꞈ-ahˇ nawˇ sheuˬ taˬ-awˇ, bi luˬ bi seˇ-iˇ tehꞈ-a.

Dawqdaq 15:11

Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Iˇsaˬyaˇ 26:19

Shiˇ dzeuˇ-euˬ nga maꞈ tsawˇ haˬ deuˬ, paˇ gʼoꞈ doˆ laˇ tehꞈ-a. Aˬ yawꞈ maꞈ-euˬ gʼawˇ mawˇ paˇ gʼoꞈ dehꞈ laˇ tehꞈ-a. Lmˬ bymˇ-ahˇ yuꞈ-eu deuˬ gʼoꞈ dehꞈ doˆ laˇ jiˇ-awˇ, laˬ kʼaˬ cehˇ-eu caˇ dawˬ paˇ caˇ tehꞈ-a. Ceuˬ ga ngeh jawˇ miˇ tsaˬ dehꞈ zoˇ laˇ-eu loꞈ-ehˇ, aˇ hu neh shiˇ dzeuˇ-euˬ tsawˇ haˬ deuˬ-ahˇ, Sahˬpaˬ Miˬyehˇ bi dehꞈ zoˇ laˇ tehꞈ-a.

Yeˬsaˬgeˬlaˇ 37:3

“Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Lormav 9:22

Miˬyehˇ neh mˇ-euˬ jeˬ kʼawꞈ, kʼoeˇ loꞈ-ehˇ duˇ-eu meh. Aˬ yawꞈ-euˬ nui ma pehˇ-eu jeˬ bi mawˇ mawꞈ-awˇ, aˬ yawꞈ-euˬ baoˬ bi siˬ nya mawꞈ-eu meh. Ehˇ kʼawꞈ, aˬ yawꞈ nui ma pehˇ-awˇ laˆ cawˆ nehˬ-eu lehˇ gʼeh-eu miˇ tsaˬ oeˬ lahˬ deuˬ-ahˇ aˬ yawꞈ oˇ dui dui-eu meh.

2 Beˬtuˆluˆ 2:1

Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.