Jaceuq 86:4 - Akha

⁴ Sahˬpaˬ Miˬyehˇ-oˇ, Ngaˬ-euˬ shaˇ dawˬ nawˇ jawˇ gaˇ le keuˆ-eu miˇ neh, ngaˬ-euˬ nui ma-ahˇ laˬ kʼaˬ bi cehˇ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Sanqpaq Miqyaer-or! Ngar, ngaq-euq nuima saflar, Nawq-anr ciqnaeq-eu mirnae; Nawq-euq kuirlaf zaqkhav-euq nuima saflar-anr, Laqkhaq bicaer naeqlaf-awq.

Jaceuq 86:4 Iomraidhean Croise

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Jaceuq 25:1

Sahˬpaˬ Miˬyehˇ-oˇ, nawˬ-ahˇngaˇnoeˬtmˬluꞈ-eu ma.

Jaceuq 51:12

Nawˬ-euˬ ka kʼoꞈ-eu guiˬ lahˬ yaw dzahˇ laꞈ kʼoeˇ doˆ le-euˬ laˬ kʼaˬ cehˇ-eu jeˬ ngaˬ-ahˇ biꞈ nehˬ laꞈ-awˇ, nawˬ-euˬ ehˇ dawˬ naˇ haˬ nya ni ngaˬ-ahˇ caw ba nehˬ laꞈ.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 65:18

Ngaˬ neh beh-euˬ jeˬ-ahˇ, mˬ maˬ maˬ byaˆ zaˇ ziˇ laˬ kʼaˬ cehˇ-awˬ. Ngaˬ neh beh-euˬ Yeˬluˇsaˬlehˬ yaw shuiꞈ laꞈ kʼoeˇ, laˬ kʼaˬ cehˇ duˬ tiˬ byah jaˆ-awˇ, kʼoeˇ gaˇ jawˇ-eu tsawˇ haˬ deuˬ laˬ kʼaˬ cehˇ tehꞈ-a.