Jaceuq 86:2 - Akha

² Ngaˇ nawˬ-ahˇ saˇ jaˇ ziꞈ-eu miˇ neh, shiˇ-eu jeˬ laꞈ kʼoeˇ ka kʼoꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-awˇ nawˬ-ahˇ gʼoe-eu miˇ neh, ngaˬ-ahˇ ka kʼoꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar, yawshawr mirnae, ngaq-euq daefzir hawlanr naeqlaf-awq. Nawr-aq, ngaq-euq Miqyaer mae. Nawq-anr ghoe-eu, nawq-euq kuirlaf zaqkhav-anr, Bibuq-ir naeqlaf-awq.

Jaceuq 86:2 Iomraidhean Croise

Jaceuq 119:94

Ngaˇ nawˬ-euˬ ma. Ngaˬ-ahˇ ka kʼoꞈ nehˬ laꞈ-awˬ. Nawˬ-euˬ zahˇ dawˬ kʼoꞈ dawˬ-ahˇ ngaˇ leh jeh-awˇ caw teh luꞈ ma.

Jaceuq 13:5

Maˬtsehˆleˇ-eu nawˇgaˬ-eu jeˬ, ngaˇaˬmyah luꞈgʼoe luꞈ-eu ma. Nawˇka kʼoꞈlaꞈ-eu guiˬlahˬ-ahˇ, ngaˬ-euˬnui ma laˬkʼaˬcehˇma.

Jaceuq 143:12

Nawˇ ngaˬ-ahˇ gaˬ-euˬ baˬ da neh, ngaˬ-ahˇ muiˇ-eu deuˬ-ahˇ sehꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu baˬ da neh, ngaˬ-ahˇ kʼehˬ-eu deuˬ-ahˇ laˆ luˬ laˆ seˇ nehˬ laꞈ.

Jaceuq 16:1

Miˬyehˇngaˬ-ahˇhaw piˇnehˬlaꞈ. Nawˬ-ahˇngaˇtahˬshaˇlaˇ-eu ma.

Jaceuq 18:19

Aˬyawꞈngaˬ-ahˇnui kʼahˇshiˇ-awˇ, guˆ-eu gaˆ-eu jeˬkeuˆle ngeh, yaw lawˬ-ahˇciˬdoˆlaꞈ-eu meh.

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 31:1

Sahˬpaˬ Miˬyehˇ-oˇ, nawˬ-ahˇngaˇtahˬshaˇlaˇ-euˬma. shaꞈdawˇ-eu jeˬtaˬbi pi laꞈ. Nawˬ-euˬyaw tsaˬyaw dawˇlaꞈkʼoeˇ, ngaˬ-ahˇmaˬbyehˇni ka kʼoꞈlaꞈ.

Jaceuq 31:14

Ehˇkʼawꞈni, SahˬpaˬMiˬyehˇ-oˇ, nawˬ-ahˇngaˇgʼoe-eu ziꞈluꞈ-awˇ, nawˇngaˬ-euˬMiˬyehˇpyeuꞈ-eu ma.

Jaceuq 37:28

Yaw tsaˬyaw dawˇjeˬkeuˆle ni, SahˬpaˬMiˬyehˇgaˬ-eu miˇneh, muiˬ-eu shawˇ-eu tsawˇhaˬdeuˬ-ahˇ, aˬyawꞈbyehˇdzeh-eu maˬbaw-ehˇ, mˬmaˬmaˬbyaˆdah teˬ-eu meh. Ehˇkʼawꞈyaw haiˬ-euˬzaˬdeuˬ-ahˇ, teh dzeh nehˬ-awˇbi shaˬtehꞈ-a.

Jaceuq 4:3

Yaw tsaˬyaw dawˇ tsawˇhaˬdeuˬ-ahˇ SahˬpaˬMiˬyehˇ tseˇdoˆgeuꞈ-awˇ, ngaˇkuˇ-eu teˇsaˇ-ahˇaˬyawꞈ, naˇhaˬmeh lehˇnaw maꞈsiˬ-awˬ.

Jaceuq 50:5

Lawˇ-eu shehˇ-eu laꞈ kʼoeˇ ngaˬ nehˬ-ehˇ dawˬ ma saˇ jaˇ dzaˬ taꞈ-euˬ, ngaˬ-ahˇ saˇ jaˇ ziꞈ-eu ngaˬ-euˬ tsawˇ haˬ deuˬ ngaˇ jawˇ gaˇ uiˬ laˇ-awˬ lehˇ aˬ yawꞈ ehˇ-eu meh.

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 17:11

Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Ngaˇ-aˬ, miˇ tsaˬ kʼoeˇ taˆ maˬ paˇ jawˇ ma. Ehˇ kʼawꞈ, aˬ yawꞈ maꞈ miˇ tsaˬ kʼoeˇ taˆ ya jawˇ-a siˬ. Muiˬ-eu shawˇ-eu Aˬda-oˇ, aˇ nyaꞈ Da zaˬ tiˬ gʼaˬ tehꞈ-ehˇ pyeuꞈ luꞈ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya ni, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ nehˬ-awˬ.

Lormav 9:18

Kʼoeˇ miˇ neh, Miˬyehˇ-aˬ, aˬ yawꞈ gʼawˬ shaˬ gaˬ mawꞈ-eu tsawˇ haˬ-ahˇ gʼaw shaˬ gaˬ-awˇ, aˬ yawꞈ nui ma bi gʼahˇ mawꞈ-eu tsawˇ haˬ-ahˇ nui ma bi gʼahˇ-eu meh.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.