Jaceuq 86:16 - Akha

¹⁶ Ngaˇ jawˇ gaˇ oe-awˇ gʼawˬ shaˬ gaˬ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu loꞈ-ehˇ, ngaˬ-ahˇ gʼaˬ biꞈ le-awˇ ka kʼoꞈ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Ngar jawr-eu paw ciqpyawr naeqlaf-awr, Ngaq-anr ghawqshaq gaqnaeq laf-awq! Nawq-euq kuirlaf zaqkhav-anr nawq-euq ghaq bifnaeq laf-awr; Nawq-euq aqbur zaqkhav-euq zaqyo-anr bibuq-ir naeqlaf-awq.

Jaceuq 86:16 Iomraidhean Croise

Jaceuq 116:16

Sahˬpaˬ Miˬyehˇ-oˇ, ngaˇ nawˬ-euˬ zaˬ kʼaˆ ma. Nga maꞈ loꞈ-ehˇ nawˬ-ahˇ ngaˇ saˇ jaˇ ziꞈ ma.

Jaceuq 119:132

Nawˬ-ahˇ gaˬ-eu tsawˇ haˬ deuˬ-ahˇ nawˇ ngehˬ gʼeh nehˬ-eu loꞈ-ehˇ, ngaˬ-ahˇ haw-awˇ gʼawˬ shaˬ gaˬ nehˬ laꞈ.

Jaceuq 119:94

Ngaˇ nawˬ-euˬ ma. Ngaˬ-ahˇ ka kʼoꞈ nehˬ laꞈ-awˬ. Nawˬ-euˬ zahˇ dawˬ kʼoꞈ dawˬ-ahˇ ngaˇ leh jeh-awˇ caw teh luꞈ ma.

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 25:16

SahˬpaˬMiˬyehˇ ciˬpyawˇleꞈ-awˇ, ngaˬ-ahˇgʼawˬshaˬgaˬnehˬle-awˬ. Cawˬmaˬbaw-ehˇ gʼaˬbaˬluꞈma.

Jaceuq 41:5

Muiˇ-eu deuˬdawˬdoeˇngehˬlaˇ-awˇ, ngaˇshiˇbyoˆgaˇmawˇmawꞈ-eu meh.

Jaceuq 69:16

Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Jaceuq 84:5

Nawˬ neh biꞈ-euˬ gʼaˬ baˬ da neh, Ziˇoˬ gawˬ jawˬ-ahˇ le mawꞈ-eu nui ma jaˆ-eu deuˬ, laˬ kʼaˬ cehˇ-eu jeˬ byah luꞈ-uˇ.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Luˇkaꞈ 1:38

Maˬliˇ ehˇ-eu, “Ngaˇ-aˬ, SahˬpaˬMiˬyehˇ-euˬ zaˬ kʼaˆ ma. Nawˬ neh ehˇ-euˬ jeˬ ngaˬ-euˬ kʼoeˇ taˆ pyeuꞈ le luꞈ-uˇ.” Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ doˆ-iˇ-euˬ meh.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.