Jaceuq 86:12 - Akha

¹² Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nui ma gʼawˇ mawˇ dawˬ tawˆ luꞈ nawˬ-ahˇ ja ceuˬ ma. Nawˇ huiˬ dui mahˇ dui dui-eu gaˇ kawˆ mˬ maˬ maˬ byaˆ zaˇ ziˇ ngaˇ ja gaˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngaq-euq Miqyaer pyeuf-eu Sanqpaq Miqyaer-or! Ngaq-euq nuima dawqtawvluf nae, Ngar, nawq-anr ciqhuiq ciqmanr ma. Arsaq saq-eu maqbawni, ngar, nawq-euq tsawrmyanr-anr jaceuq ma.

Jaceuq 86:12 Iomraidhean Croise

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

1 Laˬsaˬbaˬ 29:20

Kʼoeˇ naˇ, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ” lehˇ, tsawˇ haˬ aˇ maꞈ-ahˇ Daˬbiˇ ehˇ nehˬ-euˬ meh. Tsawˇ haˬ aˇ maꞈ dawˬ tawˆ luꞈ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-euˬ meh. Kʼoeˇ naˇ, aˬ yawꞈ maꞈ awˆ byaˆ-awˇ, Sahˬpaˬ Miˬyehˇ hawˇ-eu aˬ yawꞈ-euˬ sahˬ paˬ-ahˇ yaw zeu baw nehˬ-euˬ meh.

Jaceuq 104:33

Ngaˬ-euˬ tiˬ ziˇ Sahˬpaˬ Miˬyehˇ-ahˇ caˇ-awˇ ja ceuˬ ma. Ngaˇ saꞈ kʼaˇ gʼawˇ kʼoeˇ keuˆ ni, ngaˬ-euˬ Miˬyehˇ-ahˇ caˇ-awˇ ja ceuˬ ma.

Jaceuq 34:1

SahˬpaˬMiˬyehˇ-euˬguiˬlahˬ-ahˇ, aˬmyah luꞈmaˬbi tsehˆleˇni, ngaˬ-euˬkʼaˬmeh ja ceuˬ-eu ma.

Jaceuq 9:1

Sahˬpaˬ Miˬyehˇ-oˇ, ngaˬ-euˬnui ma gʼawˇmawˇdawˬtawˆ, nawˬ-ahˇja ceuˬdui dui-eu ma. Nawˬneh mˇdoˆtaˬ-euˬgaˇdeuˬ, zahˬdui dui leˇpaˬ-ehˇgʼeh-eu, maˬja gaˬ-ehˇ maˬjawˇcoeˇnya.

Jaceuq 9:2

Nawˇbaˬda neh ngaˬ-euˬkʼaˬmeh, laˬkʼaˬcehˇ-eu caˇdawˬcaˇma. Baoˬhuiˬdui dui-eu Miˬyehˇ-oˇ, nawˬ-ahˇcaˇ-awˇ ja ceuˬ-eu ma.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Lormav 15:6

Kʼoeˇ miˇ neh, naw maꞈ dawˬ tawˆ luꞈ teˇ saˇ tiˬ saˇ tehꞈ-ehˇ aˬ dui-euˬ Sahˬpaˬ Yeˬsuˇ ka liˬ-euˬ Aˬda Miˬyehˇ-ahˇ ja ceuˬ nya luꞈ-uˇ.

1 Gawˇliˬtu 10:31

Kʼoeˇ miˇ neh, dzaˬ-eu maˬ ehˇ, dawˇ-eu maˬ ehˇ, kʼaˇ mˇ kʼaˇ shaˇ-eu yawˬ jeˬ na luꞈ Miˬyehˇ-euˬ yaw shehꞈ kʼahˬ sehˇ doˆ laˇ ni mˇ-awˬ.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

Eˇpeˇsu 5:19

Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.