Jaceuq 85:9 - Akha

⁹ Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqdui-euq mirkhanq-euq lafkhoer yawshaef khanqsaer javni; Aqyawf-anr guv-eu deuq-euq dawqpae, Aqyawf-euq kakhof-eu jeq aqdir javluf-eu mae.

Jaceuq 85:9 Iomraidhean Croise

Jaceuq 119:155

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, ka kʼoꞈ-eu jeˬ maˬ za nya-a.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Iˇsaˬyaˇ 46:13

Gʼaˬ leˇ-eu aˇ nah kʼoeˇ ngaˇ bi peh le luꞈ ma. Gaˇ mahˇ maˬ paˇ kaˬ meh. Ngaˇ gʼaˬ leˇ-eu aˇ nah maˬ paˇ nyi naˬ nya meh. Yeˬluˇsaˬlehˬ meuˬ-ahˇ ngaˇ ka kʼoꞈ-awˇ, Iˇsaˬleˬlaˆ-ahˇ kʼoeˇ gaˇ ciˬ huiˬ nehˬ ma.”

Yeˬlaˬmiˇ 23:35

Kʼoeˇ loꞈ-ehˇ maˬ ehˇ ni, yawˬ ha-euˬ aˬ yuiꞈ aˬ nyiˇ hawˇ-eu yawˬ ha-euˬ cawˬ yaw kaˬ, ‘Sahˬpaˬ Miˬyehˇ aˬ joˆ-ehˇ ehˇ kʼoꞈ nehˬ laꞈ ta’ lehˇ hawˇ-eu, ‘Sahˬpaˬ Miˬyehˇ aˬ joˆ-ehˇ ehˇ taˬ ta’ lehˇ ja cawˬ-eu tsaˬ tehꞈ-a.

Yeˬlaˬmiˇ 23:37

Yeˬlaˬmiˇ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ, ‘Sahˬpaˬ Miˬyehˇ naw maꞈ-ahˇ aˬ joˆ-ehˇ ehˇ kʼoꞈ nehˬ laꞈ taˬ’ lehˇ hawˇ-eu, ‘Sahˬpaˬ Miˬyehˇ aˬ jeˬ ehˇ ta’ lehˇ naˇ haˬ-awˬ.

Yeˬlaˬmiˇ 29:11

Ngaˬ neh naw maꞈ gʼaˇ duˬ gaˇ kawˆ kawˆ taˬ-euˬ jeˬ-ahˇ, ngaˇ tehꞈ-ehˇ siˬ nya-eu ma. Naw maꞈ-ahˇ maˬ bi shaˬ maˬ bi zahˬ ni, bi dehꞈ dzaˬ laˇ-eu gʼaˇ duˬ maˬ ehˇ, naw maꞈ noeˬ tmˬ kʼaˇ za-eu aˇ nah aˇ yamˬ bi keuˆ le-eu gʼaˇ duˬ maˬ ehˇ, ngaˬ neh gaˇ kawˆ kawˆ taˬ-euˬ ngaˇ tiˬ gʼaˬ tehꞈ-ehˇ siˬ nya -eu ma.

Yeˬsaˬgeˬlaˇ 26:20

Aˇ hu ziˇ-ahˇ dehꞈ-euˬ tsawˇ haˬ deuˬ nehˬ-ehˇ bi jawˇ-iˇ-eu gʼaˇ duˬ, miˇ oˆ kʼahˬ-ahˇ nawˬ-ahˇ ngaˇ sheuˬ gʼeh ma. Miˇ kʼahˬ kʼoeˇ tsahˇ-ahˇ, shiˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, mˬ maˬ maˬ byaˆ zaˇ ziˇ luˬ-iˇ seˇ-iˇ-eu jeˬ laꞈ kʼoeˇ, nawˬ-ahˇ ngaˇ bi jawˇ ma. Dehꞈ luꞈ-euˬ tsawˇ haˬ deuˬ jawˇ-eu miˇ kʼahˬ-ahˇ nawˇ maˬ paˇ ya jawˇ meh.

Yeˬsaˬgeˬlaˇ 3:10

Miˬyehˇ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, ngaˬ neh kʼaˇ ehˇ-euˬ jeˬ-ahˇ yaw muiˬ paˬ-ehˇ naˇ haˬ duˬ-awˇ juiˇ uiˬ taˬ-awˬ.

Haˬbaˬkuˆ 2:1

Ngaˬ neh ehˇ-euˬ dawˬ kʼoeˇ deuˬ-ahˇ, Sahˬpaˬ Miˬyehˇ ehˇ kʼoꞈ leꞈ gaˇ, nymˇ goˇ uˬ du ngaˇ loꞈ leˇ-awˇ, dawˬ tmˇ mˇ-eu shaˇ sawˇ leˇ ma.

Zaˬkaˬliˇ 2:5

Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Zaˬkaˬliˇ 2:8

“Naw maꞈ-ahˇ kʼaˇ laˆ ciˆ-eu tsawˇ haˬ ngaˬ-euˬ myaˆ nuiˆ myaˆ naˆ-ahˇ laˆ ciˆ laˇ gaˇ duˇ tehꞈ-a” lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ smˇ kʼoeˬ tahˇ joe joe-euˬ tsawˇ jeuˬ deuˬ jawˇ gaˇ, Baoˬ huiˬ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Luˇkaꞈ 2:32

Lawˇ ciꞈ zaˬ deuˬ mawˇ nya laˇ ni, yaw shehꞈ bya nehˬ-eu jeˬ pyeuꞈ-awˇ, nawˬ neh kuˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ haˬ deuˬ-ahˇ, Yaw shehꞈ kʼahˬ sehˇ bi huiˬ-euˬ meh.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 7:17

Miˬyehˇ-euˬ nui kʼahˇ mˇ mawꞈ-eu tsawˇ haˬ aˬ geu gʼaˬ maˬ kaˬ, ngaˇ mehˬ-eu dawˬ heu Miˬyehˇ-euˬ dawˬ nga loˇ, ngaˬ-euˬ baoˬ-ahˇ gʼoe-awˇ mehˬ-eu tsoˆ-eu dawˬ nga loˇ lehˇ, tseˇ paˆ geuꞈ nya tehꞈ-a.

Gʼaˬkʼehˇ 13:16

Kʼoeˇ ngeh, Pawˇluˆ tsawˬ tuˇ laˇ-awˇ, laꞈ dzawˇ dzawˇ dzawˇ-ehˇ, heu loꞈ-ehˇ dawˬ ngehˬ ngehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu tsawˇ jeuˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ.

1 Saˬmeuˬlaˆ 3:9

Kʼoeˇ miˇ neh, Saˬmeuˬlaˆ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ gʼoꞈ yuꞈ-iˇ-awˬ. Nawˬ-ahˇ tiˬ poˆ paˇ kuˇ laˇ naˇ, ‘Sahˬpaˬ Miˬyehˇ-oˇ, nawˬ-euˬ dawˬ-ahˇ nawˬ-euˬ zaˬ kʼaˆ naˇ haˬ luꞈ ma’ lehˇ ehˇ kʼoꞈ nehˬ-awˬ” lehˇ ehˇ nehˬ-euˬ meh. Kʼoeˇ ngeh, Saˬmeuˬlaˆ paˇ gʼoꞈ yuꞈ-iˇ-euˬ meh.