Jaceuq 85:4 - Akha

⁴ Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nga’maf-anr kakhof-eu ghaq pyeuf-eu Miqyaer-or! Nga’maf-anr lavmuiqkhof naeqlaf-awq. Nawr, nga’maf-anr nuima paer-eu jeq bibyov-ir naeqlaf-awq.

Jaceuq 85:4 Iomraidhean Croise

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 80:19

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 80:3

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 80:7

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Ngoeˇ dawˬ 5:21

Sahˬpaˬ Miˬyehˇ-oˇ, nga maꞈ-ahˇ, nawˇ jawˇ gaˇ sheuˬ kʼoꞈ nehˬ laꞈ-awˬ. Aˇ hu ba-euˬ yaw shehꞈ kʼahˬ sehˇ, nga maꞈ paˇ bi geuꞈ kʼoꞈ laꞈ-awˬ.

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Hawˇseˬ 11:9

Ngaˬ-euˬ nui pehˇ huiˬ-eu baˬ da, nawˬ-ahˇ ngaˇ maˬ paˇ kʼehˬ nehˬ ma. Iˇsaˬleˬlaˆ-oˇ, nawˬ-ahˇ ngaˇ, tiˬ jawˇ-iˬ maˬ paˇ laˆ cawˆ ma. Aˬ jeˬ miˇ neh ehˇ naˇ, ngaˇ Miˬyehˇ ma. Tsawˇ haˬ maˬ ngeuˇ. Muiˬ-eu shawˇ-eu gʼaˬ pyeuꞈ-eu ngaˇ, naw maꞈ nehˬ-ehˇ jawˇ-eu gʼaˬ ma. Nui naꞈ nui pehˇ ahˇ-eu laꞈ kʼoeˇ, naw maꞈ jawˇ gaˇ maˬ paˇ oe ma.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Maˬlaˬkiˇ 4:6

Aˬ da hawˇ-eu zaˬ deuˬ dehꞈ taꞈ dehꞈ dzoeˇ nya ni aˬ yawꞈ jahˇ le tehꞈ-a. Kʼoeˇ loꞈ-ehˇ maˬ ngeuˇ naˇ, naw maꞈ-euˬ miˇ kʼahˬ-ahˇ ngaˇ oe-awˇ, yaˬ kʼehˇ yaˬ-awˇ laˆ cawˆ paˬ-ehˇ gʼeh nya.”

Yoˇhaˬ 4:22

Naw maꞈ Saˬmaˬliˆ tsawˇ haˬ deuˬ-aˬ, yawˬ ha uˬ duˬ tahˬ luꞈ-eu gʼaˬ-ahˇ yaw duˬ duˬ-ehˇ maˬ siˬ nya-a. Aˬ jeˬ miˇ neh ehˇ naˇ, ka kʼoꞈ-eu jeˬ Yuˇdaˆ tsawˇ haˬ laꞈ kʼoeˇ neh doˆ le-euˬ meh.

Yawˇshuˆ 7:26

Aˬ yawꞈ-euˬ kʼoeˇ taˆ kʼaˬ lo lo bymˇ bymˇ ma baꞈ bymˇ-awˇ, iˬ nah keuˆ ni kʼoeˇ loꞈ-ehˇ jaˆ luꞈ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Shaˬ zahˬ Deh kʼawꞈ lehˇ kuˇ-eu meh. Kʼoeˇ naˇ, Sahˬpaˬ Miˬyehˇ nui ma pehˇ-eu taˬ leˇ-euˬ meh.