Jaceuq 85:13 - Akha

¹³ Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawf-euq maeqhu tsaq-awr dawr-eu jeq candov ghae-awr; Aqyawf nae ciq-euq kuirtof, aqdui-euq cankawv bi pyeuflar taef-a.

Jaceuq 85:13 Iomraidhean Croise

Jaceuq 119:35

Ngaˬ-euˬ laˬ kʼaˬ cehˇ duˬ zahˇ dawˬ kʼoꞈ dawˬ laꞈ kʼoeˇ jaˆ-eu miˇ neh, dawˬ kʼoeˇ deuˬ-ahˇ naˇ haˬ geuꞈ nya ni caw ba nehˬ laꞈ.

Jaceuq 89:14

Yaw tsaˬ yaw dawˇ jeˬ kʼoeˇ taˆ, nawˬ-euˬ miˇ kʼahˬ nawˇ bi ziꞈ-euˬ meh. Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ ya mawˇ-eu meh.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Yeˬlaˬmiˇ 31:14

Piˇ ma deuˬ-ahˇ dzaˇ muiˬ oꞈ-awˇ, nui kʼahˇ tiˬ shiˇ bi dzaˬ dehˆ ma. Ngaˬ-euˬ tsawˇ haˬ deuˬ dzaˬ tuiˆ dawˇ tuiˆ jaˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Yoˇhaˬ 13:34

Nymˬ-mˇ ngaˇ naw maꞈ-ahˇ zahˇ dawˬ kʼoꞈ dawˬ yaw shuiꞈ biꞈ yaꞈ-eu ma. Tiˬ gʼaˬ tiˇ gʼaˬ gaˬ-awˬ. Ngaˇ naw maꞈ-ahˇ gaˬ gaˇ duˇ ni, naw maꞈ tiˬ gʼaˬ tiˇ gʼaˬ ya gaˬ meh.

2 Gawˇliˬtu 3:18

Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.

1 Yoˇhaˬ 2:6

Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.