Jaceuq 84:9 - Akha

⁹ Miˬyehˇ-oˇ, nawˬ neh tseˇ doˆ-euˬ sahˬ paˬ pyeuꞈ-eu nga maꞈ-euˬ sahˬ paˬ-ahˇ guiˬ lahˬ biꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Miqyaer-or! Nga’maf-euq daeqdaqduq-anr hawsher-eq! Nawq nae tsaqtsov-euq ghaq-euq myavpyawq-anr hawcawq naeq-awq.

Jaceuq 84:9 Iomraidhean Croise

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

2 Saˬmeuˬlaˆ 23:1

Yeˬshehˇ-euˬ aˬ li Daˬbiˇ-aˬ, Miˬyehˇ neh ciˬ huiˬ ciˬ mahˇ nehˬ-euˬ tsawˇ haˬ pyeuꞈ-awˇ, sahˬ paˬ geuꞈ-eu gʼaˇ duˬ Yaˬkoˆ-euˬ Miˬyehˇ neh tseˇ doˆ-euˬ gʼaˬ kʼawꞈ pyeuꞈ-eu meh. Iˇsaˬleˬlaˆ tsawˇ jeuˬ gʼaˇ duˬ naˇ haˬ muiˬ-eu caˇ dawˬ deuˬ aˬ yawꞈ caˇ yaꞈ-euˬ meh. Aˬ yawꞈ-euˬ aˇ saˬ saˬ-eu dawˬ-aˬ, heu loꞈ-ehˇ meh.

2 Laˬsaˬbaˬ 6:42

Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh tseˇ doˆ-euˬ sahˬ paˬ-ahˇ taˬ byehˇ dzeh nehˬ laꞈ. Nawˬ-euˬ zaˬ kʼaˆ Daˬbiˇ-ahˇ nawˇ gaˬ-euˬ gaˇ kawˆ-ahˇ taˬ ngehˇ nehˬ laꞈ.”

Jaceuq 132:17

Heu gaˇ Daˬbiˇ-euˬ zaˬ deuˬ uˆ deuˬ laꞈ kʼoeˇ, huiˬ-eu sahˬ paˬ tiˬ gʼaˬ ngaˇ bi doˆ laˇ-awˇ, ngaˬ neh tseˇ doˆ-euˬ sahˬ paˬ heu gaˇ bi uˆ lahˇ ma.

Jaceuq 17:1

Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Jaceuq 3:3

Ehˇ kʼawꞈ Sahˬpaˬ Miˬyehˇ nawˇ-aˬ, guˆgaˆdawˬtawˆdehˬpiˇluꞈ-eu, ngaˬ-euˬdehˬdaˬduˬ pyeuꞈ-eu ma. Nui ma-ahˇ gʼaˬbiꞈlahˬlaꞈ-awˇ, muiˇ-eu deuˬ-ahˇgʼaˬleˇ-euˬma.

Jaceuq 59:11

Miˬyehˇ-oˇ, aˬ yawꞈ maꞈ-ahˇ ngaˬ-euˬ tsawˇ haˬ deuˬ maˬ bi ngehˇ-eu gʼaˇ duˬ aˬ yawꞈ maꞈ-ahˇ nawˇ taˬ sehꞈ dzeh. Nga maꞈ-ahˇ haw piˇ-eu Sahˬpaˬ Miˬyehˇ-oˇ, nawˬ-euˬ gʼaˬ neh aˬ yawꞈ maꞈ-ahˇ miˇ kʼahˬ doe ni teh byaˆ-awˇ, guiˇ deuˆ gʼaˬ nehˬ-awˬ.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Jaceuq 89:20

Muiˬ-eu shawˇ-eu tsiˇ shehˆ daˆ nehˬ-awˇ, ngaˬ-euˬ zaˬ kʼaˆ Daˬbiˇ-ahˇ sahˬ paˬ ka nehˬ-euˬ ma.

Jaceuq 98:1

Caˇ dawˬ yaw shuiꞈ caˇ-awˇ Sahˬpaˬ Miˬyehˇ-ahˇ ja ceuˬ-awˬ. Kʼaˆ jeˬ-ehˇ gʼeh-eu gaˇ aˬ yawꞈ mˇ-euˬ meh. Aˬ yawꞈ-euˬ baoˬ hawˇ-eu muiˬ-eu shawˇ-eu gʼaˬ baˬ da neh, aˬ yawꞈ gʼaˬ leˇ-eu gʼaˬ pyeuꞈ-eu meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

1 Saˬmeuˬlaˆ 16:6

Aˬ yawꞈ maꞈ laˇ keuˆ ngeh, Yeˬshehˇ-euˬ aˬ li Eˇliˇbaˆ-ahˇ Saˬmeuˬlaˆ ya mawˇ-awˇ, “Heu gaˇ Sahˬpaˬ Miˬyehˇ-euˬ mehˬ shi yawꞈ luꞈ-eu heu gʼaˬ-aˬ, aˬ diˇ aˬ maˇ aˬ yawꞈ neh tseˇ doˆ-euˬ gʼaˬ ngeuˇ-eu jeˬ nga” lehˇ aˬ yawˇ yawꞈ shaˇ noeˬ-euˬ meh.

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”