Jaceuq 84:5 - Akha

⁵ Nawˬ neh biꞈ-euˬ gʼaˬ baˬ da neh, Ziˇoˬ gawˬ jawˬ-ahˇ le mawꞈ-eu nui ma jaˆ-eu deuˬ, laˬ kʼaˬ cehˇ-eu jeˬ byah luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Guiqlanq povgeuf-eu laer garma dov-ir-eu nuima anr-awr, Nawq-euq lafkhoer ghaq ghoe-eu tsawrhaq-aq, guiqlanqhuiq taef-a.

Jaceuq 84:5 Iomraidhean Croise

Jaceuq 122:1

Sahˬpaˬ Miˬyehˇ-euˬ nymˇ-ahˇ le kaˇ-euˇ lehˇ aˬ cawˬ ngaˬ-ahˇ ehˇ ngeh, ngaˇ laˬ kʼaˬ cehˇ-euˬ ma.

Jaceuq 134:1

Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Jaceuq 42:4

Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

Jaceuq 55:14

Aˇ nyaꞈ dawˬ gʼoeˇ ngehˬ-awˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tiˬ kawˆ loꞈ-ehˇ tahˬ-euˬ ma.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 81:1

Aˬ dui-ahˇ haw piˇ-eu Miˬyehˇ-ahˇ laˬ kʼaˬ cehˇ-awˇ guˇ-awˬ. Yaˬkoˆ-euˬ Miˬyehˇ-ahˇ caˇ-awˇ ja ceuˬ-awˬ.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

2 Gawˇliˬtu 12:9

Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.