Jaceuq 84:2 - Akha

² Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Jaceuq 84:2 Iomraidhean Croise

Yawˇbaˆ 23:3

Aˬ yawꞈ-ahˇ aˬ gaˇ poˆ mawˇ-awˇ, aˬ yawꞈ jawˇ gaˇ aˬ joˆ-ehˇ le keuˆ nya-eu siˬ nya law nmˇ-aˬ lehˇ noeˬ laˇ nya.

Jaceuq 119:20

Nawˇ yaˇ kʼaˬ daˇ-euˬ jeˬ-ahˇ siˬ mawꞈ mawˇ mawꞈ-eu nui kʼahˇ, ngaˬ-euˬ nui ma laꞈ kʼoeˇ aˬ myah luꞈ jaˆ luꞈ ma.

Jaceuq 119:81

Sahˬpaˬ Miˬyehˇ-oˇ, nawˇ ka kʼoꞈ le gaˇ maˬ dawˬ coeˇ laˇ miˇ-a. Nawˬ-euˬ dawˬ-ahˇ ngaˇ jah-eu ma.

Jaceuq 143:6

Ngaˬ-euˬ aˬ laꞈ cawˬ diˇ-awˇ nawˬ-ahˇ guiˬ lahˬ shaˇ luꞈ-eu ma. Miˇ tsaˬ yaw gui iˇ cuꞈ mehꞈ-eu loꞈ-ehˇ, nawˬ-ahˇ ngaˇ mehꞈ luꞈ-eu ma.

Jaceuq 73:26

Ngaˬ-euˬ nui ma gʼawˇ mawˇ gʼaˬ baˬ-iˇ kʼawꞈ, Miˬyehˇ ngaˬ-euˬ gʼaˬ pyeuꞈ-eu ma. Aˬ yawꞈ-ahˇ za naˇ dawˬ tawˆ luꞈ byah jiˇ-eu ma.

Dawˬ caˇ 5:8

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Ngaˬ-euˬ zaˬ kʼaˬ-ahˇ naw maꞈ ya mawˇ naˇ, ngaˇ aˬ yawꞈ-ahˇ gaˬ dui dui-eu miˇ neh, jawˇ saˇ tiˬ pawꞈ-iˬ maˬ doˆ nya lehˇ ehˇ nehˬ ma lehˇ, ngaˬ-ahˇ saˇ jaˇ dzaˬ-awˬ.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Iˇsaˬyaˇ 64:1

Gawˬ jawˬ gawˬ duˇ nawˬ-ahˇ mawˇ-awˇ yaw dzuˬ dzuˬ ni, aˬ jeˬ miˇ neh mˬ gʼeu paˆ-awˇ maˬ oe ka te.

Bawˇtsahˬ 24:5

Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,