Jaceuq 83:7 - Akha

⁷ Geˬbaˬlaˆ tsawˇ jeuˬ, Aˬmoˬ tsawˇ jeuˬ, Aˬmaˬlehˇ tsawˇ jeuˬ, Piˇtiˇtiˆ tsawˇ jeuˬ hawˇ-eu Duˇlu tsawˇ jeuˬ maˬ ehˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Geqbaqlav, Aqmoq hawr-eu Aqmaqlaer, Pirlirtiv hawr-eu Durlu mirtsaq-anr jawr-eu deuq,

Jaceuq 83:7 Iomraidhean Croise

1 Laˬsaˬbaˬ 5:10

Sahˬ paˬ Sawˇluˆ uˆ lahˇ-eu aˇ yamˬ laꞈ kʼoeˇ, Luˇbeˬ tsawˇ jeuˬ neh Haˬgaˬliˇ tsawˇ jeuˬ-ahˇ guiˇ deuˆ-eu laꞈ kʼoeˇ sehꞈ-awˇ, Giˇlaˆ miˇ kʼahˬ nahˇ ma doˆ kʼehˬ paw pyawˬ-ahˇ jaˆ-eu aˬ yawꞈ maꞈ-euˬ miˇ kʼahˬ yuˇ geuꞈ-euˬ meh.

Yeˬsaˬgeˬlaˇ 27:3

Iˬ ma laˆ shaˆ dawˬ peh jaˆ-awˇ, iˬ ma laˆ shaˆ lawˇ deh-ahˇ kʼaˇ jawˇ-eu tsawˇ haˬ deuˬ nehˬ-ehˇ jeˬ gaꞈ taꞈ-eu meuˬ kʼoeˇ meuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. Yawˬ ha aˇ gʼehˇ muiˬ-eu gaˇ kawˆ, Duˇlu nawˇ kʼahˬ sehˇ jehˆ-euˬ meh.

Yeˬsaˬgeˬlaˇ 27:9

Saˇ baoˬ-euˬ laꞈ saˇ maˇ deuˬ-aˬ, Biˇbaˬlawˆ meuˬ-ahˇ neh oe-euˬ, nya dui dui-eu tsawˇ haˬ deuˬ meh. Laˆ shaˆ saˇ baoˬ kʼaˇ dziˬ-eu deuˬ, nawˬ-ahˇ jeˬ gaꞈ taꞈ-eu tehꞈ meh.

Aˬmoˆ 1:9

Sahˬpaˬ Miˬyehˇ ehˇ-eu, “Duˇlu meuˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Miˇ kʼahˬ tiˬ kʼahˬ kʼahˬ lah ni Eˬdoˬ miˇ kʼahˬ-ahˇ aˬ yawꞈ maꞈ nyehꞈ byoˆ gʼeh-awˇ, cawˬ cawˬ taꞈ ma lehˇ aˬ yawꞈ maꞈ neh saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ dehꞈ-a.

Yawˇshuˆ 13:5

Geˬbaˬlaˆ tsawˇ jeuˬ-euˬ miˇ kʼahˬ maˬ ehˇ, Heˬlaˬmoˬ gawˬ jawˬ-euˬ laꞈ oˆ jaˆ-eu Baˬlaˇgaˆ-ahˇ neh Haˬmaˆ gʼaˬ lahˇ-ahˇ keuˆ ni, nahˇ ma doˆ kʼehˬ paw jaˆ-eu Leˬbaˬnoˬ miˇ kʼahˬ kʼahˬ lah ni maˬ ehˇ, za paˬ-ehˇ jaˆ-eu meh.

1 Saˬmeuˬlaˆ 15:2

Aˬmaˬlehˇ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-eu lehˇ gʼeh-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬmaˬlehˇ tsawˇ haˬ-euˬ aˬ poeˬ aˬ bawˇ deuˬ gaˇ ma-ahˇ loꞈ tsoeˬ-euˬ meh.

1 Saˬmeuˬlaˆ 4:1

Aˇ nah aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Kʼoeˇ miˇ neh, Iˇsaˬleˬlaˆ tsawˇ haˬ deuˬ kʼawꞈ, aˬ yawꞈ maꞈ-ahˇ guiˇ deuˆ-iˇ-eu lehˇ doˆ-iˇ-euˬ meh. Iˇsaˬleˬlaˆ tsawˇ haˬ deuˬ Eˇbaˬneˬzaˬ lehˇ kuˇ-eu jawˇ duˬ-ahˇ taˆ tsoˆ-awˇ jawˇ-awˇ, Piˇliˇtiˆ tsawˇ haˬ deuˬ Aˬpyehˇ meuˬ-ahˇ taˆ tsoˆ-awˇ jawˇ-euˬ meh.