Jaceuq 83:2 - Akha

² Haw sheˇ, nawˬ-ahˇ muiˇ-eu deuˬ tsawˬ tuˇ laˇ-awˇ, nawˬ-ahˇ bye-eu deuˬ puiˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqjeq mirnae aernar-aq, hawsher-eq, Nawq-anr muir-eu deuq luiqgha lar-awr, Nawq-anr byae-eu deuq, Aqyawf maf-euq uqduq bafdir laf-euq mae.

Jaceuq 83:2 Iomraidhean Croise

2 Sahˬpaˬ 19:28

Nawˇ ngaˬ-ahˇ muiˇ-awˇ kʼahˬ sehˇ jehˆ luꞈ-eu gaˇ kawˆ, aˬ cawˬ ngaˇ jawˇ gaˇ tsaꞈ keuˆ laˇ-euˬ meh. Nawˬ-euˬ naˇ mehˇ-ahˇ ngaˇ kuˆ seuˬ neh naˇ kʼaoˬ smˇ-awˇ, nawˬ-euˬ kʼaˬ meh ahˇ mehˬ tsahˬ tsahˬ-awˇ, nawˬ neh kʼaˇ oe-euˬ gaˇ ma law caw-ehˇ tsahˇ kʼoꞈ gʼeh ma’ lehˇ, Sahˬpaˬ Miˬyehˇ ehˇ-eu meh”

Jaceuq 109:1

Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Dawˬ maˬ tmˇ ni taˬ jawˇ nehˬ laꞈ.

Jaceuq 74:23

Nawˬ-ahˇ muiˇ-eu deuˬ nui ma pehˇ-awˇ guˇ gaˇ taˬ ngehˇ. Nawˬ-ahˇ muiˇ-eu kʼoeˇ deuˬ maˬ naˬ leˇ ni guˇ luꞈ gaˇ taˬ ngehˇ.

Jaceuq 74:4

Nawˬ-ahˇ muiˇ-eu deuˬ nawˬ-euˬ Uˬ duˬ tahˬ nymˇ nymˇ ma laꞈ kʼoeˇ guˇ-eu meh. Aˬ yawꞈ maꞈ-euˬ paˇ loˬ paˇ lehˇ kʼoeˇ gaˇ ka tuˇ-awˇ, aˬ yawꞈ maꞈ gʼaˬ leˇ-euˬ gaˇ kawˆ saˇ kiˇ bi geuꞈ-euˬ meh.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Jaceuq 93:3

Sahˬpaˬ Miˬyehˇ-oˇ, naꞈ dui dui-eu iˬ ma laˆ shaˆ teˇ saˇ mahˇ-eu meh. Laˆ shaˆ iˇ cuꞈ teˇ saˇ haˬ haˬ-ehˇ mahˇ-eu meh.

Iˇsaˬyaˇ 17:12

Naˇ haˬ sheˇ. Iˬ ma laˆ shaˆ iˇ luˆ dzeh-eu teˇ saˇ loꞈ-ehˇ, miˇ kʼahˬ tsawˇ jeuˬ luiˬ gʼa luꞈ meh. Naˇ haˬ sheˇ. Huiˬ-eu iˇ kʼawˇ ciˬ tahˬ ciˬ tuˆ-eu loꞈ-ehˇ, miˇ kʼahˬ tehˬ laˇ-euˬ teˇ saˇ mahˇ luꞈ meh.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Gʼaˬkʼehˇ 16:22

Kʼoeˇ naˇ, tsawˇ haˬ aˇ maꞈ kʼoeˇ deuˬ gʼeh, Pawˇluˆ hawˇ-eu Siˬlaˆ aˬ nyaꞈ-ahˇ muiˇ-eu tsawˇ haˬ deuˬ jawˇ paw gm leˇ-awˇ tuˇ laˇ-euˬ meh. Yaw huiˬ yaw mahˇ kʼoeˇ deuˬ Pawˇluˆ hawˇ-eu Siˬlaˆ aˬ nyaꞈ-euˬ mehˬ tsoeˬ gʼeu paˆ dzeh jiˇ-awˇ, yahˬ caˆ neh bi juiꞈ-eu gʼaˇ duˬ dawˬ biꞈ-euˬ meh.

Gʼaˬkʼehˇ 17:5

Ehˇ kʼawꞈ, Yuˇdaˆ tsawˇ haˬ deuˬ myaˆ naˆ-eu miˇ neh, aˬ dzawˬ aˇ gah deuˬ deh uiˬ-awˇ aˇ muˇ tiˬ muˇ muˇ doˆ-eu laꞈ kʼoeˇ, meuˬ meuˬ lah-ehˇ laˆ luiˬ-euˬ meh. Pawˇluˆ hawˇ-eu Siˬlaˆ aˬ nyaꞈ-ahˇ miˇ kʼahˬ zaˬ-euˬ mehˬ shi gʼeu doˆ leꞈ-eu gʼaˇ duˬ, Yaˬsoˬ-euˬ nymˇ-ahˇ aˬ yawꞈ maꞈ ga jawˬ-iˇ-euˬ meh.

Gʼaˬkʼehˇ 21:30

Meuˬ meuˬ lah-ehˇ luiˬ gʼa laˇ-awˇ, baˬ maꞈ puˇ jeˬ-ehˇ cehˆ gʼeh laꞈ-awˇ, Pawˇluˆ-ahˇ tsuˆ tehˬ-awˇ Uˬ duˬ tahˬ nymˇ nymˇ ma laꞈ nyiˇ gʼeu doˆ leꞈ-euˬ meh. Uˬ duˬ tahˬ nymˇ nymˇ ma-euˬ laˇ gʼoˆ deuˬ tiˬ poˆ tehꞈ-ehˇ piˬ tehˬ-euˬ meh.

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 23:10

Aˬ yawꞈ maꞈ yaw kaˬ ja dzaˬ-eu kʼoeˇ aˇ dzehˬ dzeuˇ-awˇ, Pawˇluˆ-ahˇ gʼeu paˆ gʼeu shaˆ paˬ-ehˇ pyeuꞈ laˇ taˬ-euˬ miˇ neh, Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ kʼahˬ lahˇ laˇ-euˬ meh. Kʼoeˇ miˇ neh, tsawˇ haˬ aˇ maꞈ jawˇ gaˇ iˇ ka-awˇ, Pawˇluˆ-ahˇ gʼeu doˆ laˬ-iˇ-awˇ taˆ-ahˇ sheuˬ kʼoꞈ gʼeh-eu gʼaˇ duˬ aˬ yawꞈ-euˬ yehˇ deuˬ-ahˇ dawˬ biꞈ-euˬ meh.

Yaˇ kʼaˬ daˇ 8:28

Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ Miˇdiˬyaˬ tsawˇ haˬ-ahˇ deuˆ gʼaˬ-awˇ, guˆ kʼaˇ maˬ za ni pyeuꞈ-iˇ-euˬ meh. Giˇdoˬ shiˇ ngeh keuˆ ni, oeˬ tseˇ kʼoꞈ byah ni, miˇ kʼahˬ kʼoeˇ kʼahˬ laꞈ kʼoeˇ guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.