Jaceuq 82:5 - Akha

⁵ “Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf maq siqnya-aer, aqyawfmaf maq ghovshaw nya’ni, Aqyawfmaf, yawzanr-euq lafkhoer canluf-eu mae. Mirtsaq-euq dawqpaeq duqpur dawqtawvluf maqzif-a.

Jaceuq 82:5 Iomraidhean Croise

Yawˇbaˆ 8:9

Aˬ dui-euˬ ziˇ nymˇ dui dui-awˇ, aˬ dui tiˬ jeˬ-iˬ maˬ siˬ maˬ nya-a. Aˬ dui-euˬ aˇ nah aˇ yamˬ-aˬ, naˇ shmˇ shmˇ gaˇ duˇ-eu meh.

Jaceuq 11:3

Yawˬjeˬna luꞈ puˇngawˬciˇlehˆ, yaw cawˆoꞈ-eu aˇyamˬheu-ahˇ, yaw sui deuˬ aˬjeˬgʼeh nya ta.”

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 53:4

Ngaˬ-euˬ tsawˇ haˬ deuˬ-ahˇ deh dzaˬ nawˬ dzaˬ-awˇ, ngaˬ-ahˇ guiˬ lahˬ maˬ shaˇ ni dehꞈ luꞈ-eu, haiˬ-eu tsawˇ haˬ teu deuˬ noeˬ siˬ noeˬ mawˇ nya-eu nui ma maˬ ahˇ ta loˇ lehˇ, Miˬyehˇ naˇ haˬ luꞈ meh.

Jaceuq 75:3

Miˇ tsaˬ tahˬ kʼawˇ nyeh nyeh-ehˇ pyeuꞈ laˇ-awˇ, yaw dehꞈ kʼaˇ dehꞈ-eu jeˬ dawˬ tawˆ luꞈ yaw dzuˬ dzuˬ laˇ kʼawꞈ, miˇ tsaˬ dawˬ pehˬ duˬ puˇ-ahˇ ziꞈ dah ni ngaˇ bi jaˆ ma.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 2:13

Yaw tsaˬ yaw dawˇ gaˇ ma-ahˇ byehˇ dzeh-awˇ, yaw zahˇ laꞈ kʼoeˇ cah-eu tsawˇ haˬ kʼoeˇ deuˬ,

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Dawˬ tsoˆ 2:14

Zaˬ siˬ tsawˇ gahˇ ahˇ-eu deuˬ yawˬ ha ya iˇ-eu gaˇ ma siˬ nya kʼawꞈ, aˬ dzawˬ-aˬ, yaw zahˇ laꞈ kʼoeˇ cah luꞈ gaˇ duˇ-eu meh. Ehˇ kʼawꞈ, aˬ yawꞈ tiˬ gaˇ shiˇ leˇ-eu tehꞈ meh lehˇ ngaˇ siˬ nya ma.

Dawˬ tsoˆ 3:16

Kʼoeˇ uˬ taꞈ, nahˇ ma heu siˬ uˬ moˆ yaw tsaˬ yaw dawˇ jeˬ jaˆ paˬ-ehˇ gʼeh-eu tsahˇ-ahˇ, maˬ tsaˬ maˬ dawˇ-eu jeˬ tehꞈ-ehˇ byah luꞈ gaˇ ngaˇ ya mawˇ-euˬ ma.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 59:9

Iˇsaˬleˬlaˆ tsawˇ haˬ deuˬ heu loꞈ-ehˇ ehˇ-eu meh. “Nga maꞈ-ahˇ kʼehˬ luꞈ-eu deuˬ-euˬ aˬ laꞈ laꞈ kʼoeˇ, aˬ jeˬ miˇ neh Miˬyehˇ maˬ ka kʼoꞈ nehˬ laꞈ-eu gaˇ kawˆ, nymˬ-mˇ nga maꞈ siˬ duˬ-eu ma. Yaw shehꞈ laꞈ kʼoeˇ nga maꞈ cah mawꞈ-eu kʼawꞈ, yaw zahˇ nga maꞈ-ahˇ uˆ lahˇ luꞈ-eu meh.

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yoˇhaˬ 3:19

Yaˇ kʼaˬ daˇ-eu kʼoeˇ-aˬ, heu loꞈ-ehˇ meh. Yaw shehꞈ kʼoeˇ miˇ tsaˬ kʼoeˇ taˆ oe-euˬ kʼawꞈ, tsawˇ haˬ zaˬ deuˬ yaw shehꞈ-ahˇ naˆ maˬ tseˇ yaw zahˇ-ahˇ gaˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yaw haiˬ jeˬ mˇ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

1 Yoˇhaˬ 2:11

Ehˇ kʼawꞈ, yawˬ ha-euˬ cawˬ Ka li zaˬ deuˬ-ahˇ bye-eu tsawˇ haˬ-aˬ, yaw zahˇ laꞈ kʼoeˇ jawˇ luꞈ-eu meh. Yaw zahˇ laꞈ kʼoeˇ cah luꞈ-awˇ, yawˬ ha aˬ gaˇ iˇ luꞈ-eu gaˇ kawˆ maˬ siˬ nya-a. Aˬ jeˬ miˇ neh ehˇ naˇ, yaw zahˇ kʼoeˇ aˬ yawꞈ-ahˇ myaˆ behꞈ bi behꞈ-iˇ-euˬ meh.