Jaceuq 81:14 - Akha

¹⁴ Aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-ahˇ bye-eu tsawˇ jeuˬ-ahˇ ngaˇ deuˆ gʼaˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ghawqmyanr maqghae-aer, Ngar, aqyawf maf-anr muir-eu deuq-anr zuivghaq-awr, Ngaq-euq aqlaf bafpyawr-awr, Aqyawf maf-anr caelar-eu deuq-anr deuvghaq ma.

Jaceuq 81:14 Iomraidhean Croise

Jaceuq 47:3

Aˬ yawꞈ neh aˬ dui-ahˇ tsawˇ haˬ dawˬ tawˆ luꞈ kʼoeˇ taˆ bi gʼaˬ leˇ nehˬ laꞈ-awˇ, tsawˇ jeuˬ dawˬ tawˆ luꞈ kʼoeˇ taˆ bi uˆ lahˇ laꞈ-euˬ meh.

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Aˬmoˆ 1:8

Aˬshaˬdoˇ meuˬ hawˇ-eu Aˬshaˇgaˬloˇ meuˬ-ahˇ uˆ lahˇ-eu tsawˇ haˬ deuˬ-ahˇ ngaˇ coeˇ tsehˆ ma. Eˇkaˬloˬ meuˬ-ahˇ ngaˇ kʼehˬ nehˬ kʼaˆ nehˬ-awˇ, kʼaˇ dzeˇ yaꞈ-euˬ Piˇliˇtiˆ tsawˇ haˬ dawˬ tawˆ luꞈ ya shiˇ tehꞈ-a.”

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Bawˇtsahˬ 14:45

Kʼoeˇ naˇ, kʼoeˇ gaˇ jawˇ-eu Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ aˬ yawꞈ maꞈ-ahˇ guiˇ deuˆ le-awˇ, aˬ yawꞈ maꞈ-ahˇ deuˆ gʼaˬ-euˬ uˬ taꞈ, Hawˇmaˬ meuˬ-ahˇ keuˆ ni teh keuˆ-euˬ meh.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Dawˬmehˬ 10:12

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh naw maꞈ-ahˇ bi mˇ-euˬ jeˬ-ahˇ naˇ haˬ geuꞈ-awˇ mˇ-awˬ. Sahˬpaˬ Miˬyehˇ-ahˇ uˬ duˬ tahˬ-awˇ, aˬ yawꞈ neh dawˬ kʼaˇ biꞈ taˬ-euˬ jeˬ mˇ-awˬ. Aˬ yawꞈ-ahˇ gaˬ-awˇ, naw maꞈ-euˬ nui ma dawˬ tawˆ luꞈ aˬ yawꞈ-euˬ gaˇ mˇ-awˬ.

Yawˇshuˆ 23:13

naw maꞈ mehˬ hu paw dehꞈ gʼeh leꞈ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tsawˇ jeuˬ kʼoeˇ deuˬ-ahˇ maˬ paˇ teh doˆ nehˬ-eu yaw duˬ baw meh lehˇ naw maꞈ siˬ nya-awˬ. Kʼoeˇ naˆ maˬ tseˇ, tsawˇ jeuˬ kʼoeˇ deuˬ-aˬ, naw maꞈ gʼaˇ duˬ guˆ laˇ paˬ-ehˇ gʼeh-eu lahˇ ju hawˇ-eu duˬ kʼahˬ loꞈ-ehˇ pyeuꞈ-awˇ, naw maꞈ-euˬ daˇ tsuiꞈ-ahˇ diˬ-eu daˇ cuiˇ hawˇ-eu, naw maꞈ-euˬ myaˆ nuiˆ-ahˇ tsawˆ-eu aˬ gah loꞈ-ehˇ pyeuꞈ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ-ahˇ naw maꞈ tiˬ gʼaˬ-iˬ maˬ jawˇ nya-ehˇ pyeuꞈ-iˇ ngeh keuˆ ni, kʼoeˇ loꞈ-ehˇ ya daˬ tehꞈ-a.