Jaceuq 81:12 - Akha

¹² Kʼoeˇ miˇ neh aˬ yawꞈ maꞈ nui ma gʼahˇ-eu loꞈ-ehˇ yawˬ ha-euˬ nui noeˬ nui loˆ bi geuꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, ngar, aqyawfmaf nuima ghanr-eu lof-aer bidaef-awr; Aqyawf ha-euq maeqbawq kharjav-eu lof-aer bican-euq ma.

Jaceuq 81:12 Iomraidhean Croise

Aˇ dahˬ 6:3

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-ahˇ aˇ kʼoꞈ gʼawˬ myahˇ ni maˬ paˇ bi dehꞈ ma. Aˬ yawꞈ maꞈ-aˬ, gʼawˬ myahˇ ni maˬ gmˬ-eu shiˬ shaˬ jiˇ gʼawˇ mawˇ pyeuꞈ-eu meh. Aˬ kaˇ naˇ, aˬ yawꞈ maꞈ-ahˇ tiˬ yaˇ nyiˬ tseˇ kʼoꞈ taꞈ-ehˇ maˬ paˇ bi dehꞈ dzehˬ ma.”

2 Sahˬpaˬ 18:12

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ maˬ naˇ haˬ geuꞈ-ehˇ, aˬ yawꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ puiˬ-euˬ uˬ taꞈ, Sahˬpaˬ Miˬyehˇ-euˬ zaˬ kʼaˆ Moˇseˬ-ahˇ gʼoe-awˇ Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ kʼoeˇ deuˬ dawˬ tawˆ luꞈ-euˬ mehˬ nah maˬ caw teh-a. Kʼoeˇ miˇ neh, Saˬmaˬliˆ meuˬ aˬ cawˬ tsawˇ jeuˬ-euˬ laꞈ-ahˇ ahˇ leˇ-euˬ meh.

Neˬhaˬmiˇ 9:16

Ehˇ kʼawꞈ nga maꞈ-euˬ poeˬ piˬ deuˬ nui ma gʼahˇ-awˇ, nawˬ-euˬ dawˬ-ahˇ maˬ naˇ haˬ-a.

Yawˇbaˆ 8:4

Nawˬ-euˬ zaˬ deuˬ Miˬyehˇ-ahˇ mˇ bahˬ-euˬ paˬ. Kʼoeˇ miˇ neh aˬ yawꞈ maꞈ-ahˇ geuˇ-eu loꞈ-ehˇ kʼehˬ nehˬ-euˬ paˬ.

Doˆ-iˇ 11:9

“Zahˬ leˇ paˬ-ehˇ gʼeh-eu jeˬ Iˇjiˇtuˆ miˇ kʼahˬ kʼoeˇ taˆ paˇ bi keuˆ le ni, sahˬ paˬ kʼoeˇ gʼaˬ nawˬ-euˬ ehˇ dawˬ maˬ naˇ haˬ-ehˇ jawˇ tehꞈ-a” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ meh.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 42:24

Iˇsaˬleˬlaˆ-ahˇ tahˇ joe bi joe byoˆ leꞈ ni, tahˇ joe laꞈ-ahˇ dehˬ ahˇ nehˬ-euˬ aˬ suˇ gʼaˬ-a. Aˬ dui mˇ bahˬ-euˬ Sahˬpaˬ Miˬyehˇ neh, tahˇ joe laꞈ-ahˇ dehˬ ahˇ nehˬ laꞈ-euˬ meh. Aˬ yawꞈ nui kʼahˇ aˬ dui maˬ dehꞈ byah-ehˇ, aˬ yawꞈ mehˬ gaˇ aˬ dui maˬ naˇ haˬ geuꞈ nehˬ-aˬ.

Yeˬlaˬmiˇ 42:21

Ehˇ kʼawꞈ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ-awˇ, naw maꞈ-ahˇ bi ehˇ gaˬ le-euˬ yawˬ jeˬ na luꞈ-ahˇ nymˬ-mˇ naw maꞈ maˬ naˇ haˬ geuꞈ-a.

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Hawˇseˬ 9:17

Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.

Uˬ duˬ 26:14

Sahˬpaˬ Miˬyehˇ ehˇ-eu, “Ngaˬ-euˬ zahˇ dawˬ kʼoꞈ dawˬ-ahˇ naw maꞈ maˬ naˇ haˬ geuꞈ naˇ, kʼehˬ-eu kʼaˆ-eu jeˬ-ahˇ ya daˬ tehꞈ-a.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Lormav 1:24

Kʼoeˇ miˇ neh, Miˬyehˇ neh tsawˇ haˬ kʼoeˇ deuˬ-ahˇ aˬ yawꞈ maꞈ nui kʼahˇ jaˆ-eu jawꞈ dui dui-eu jeˬ laꞈ kʼoeˇ a dzeh nehˬ-awˇ, aˬ yawꞈ maꞈ tiˬ gʼaˬ tiˇ gʼaˬ shaꞈ dawˇ dui dui paˬ-ehˇ gʼeh-eu jeˬ mˇ taꞈ-eu meh.

1 Saˬmeuˬlaˆ 8:19

Ehˇ kʼawꞈ, Saˬmeuˬlaˆ neh ehˇ-euˬ dawˬ-ahˇ tsawˇ haˬ kʼoeˇ deuˬ-euˬ naˬ bawˇ maˬ gaˬ leˇ-a. Aˬ yawꞈ maꞈ ehˇ-eu, “Ehˬ-ehˇ ngeuˇ-iˬ. Nga maꞈ sahˬ paˬ tiˬ gʼaˬ geuꞈ mawꞈ-eu ma.