Jaceuq 80:6 - Akha

⁶ Nga maꞈ-euˬ tiˬ jawˬ jawˇ-eu aˬ cawˬ tsawˇ jeuˬ deuˬ-ahˇ, nga maꞈ-euˬ miˇ kʼahˬ-ahˇ nawˇ bi deuˆ laˇ-awˇ, nga maꞈ-ahˇ muiˇ-eu tsawˇ haˬ kʼoeˇ deuˬ neh, nga maꞈ-ahˇ yehˬ bawˬ-ehˇ bi gʼeh laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nawr, nga’maf-anr, nga’maf-euq dawqpae jawr-eu deuq naeq-aer bi caedzaq naeqlaf-awr, Nga’maf-anr muir-eu deuq, aqyawfmaf yawkaq uirluf-eu mae.

Jaceuq 80:6 Iomraidhean Croise

Jaceuq 42:4

Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

Jaceuq 79:4

Dawˬ peh jawˇ-eu tsawˇ haˬ deuˬ nga maꞈ-ahˇ kʼaˇ ehˇ mawꞈ-eu ehˇ-awˇ, uiˇ uiˇ-ehˇ ja bu ja doeˇ-eu meh.

Iˇsaˬyaˇ 36:8

Nga maꞈ-euˬ sahˬ paˬ-euˬ tsawˇ myahˇ uˬ moˆ neh naw maꞈ-ahˇ ngaˇ heu loꞈ-ehˇ lawˬ haw ma. Naw maꞈ-ahˇ ngaˇ mahˬ nyiˬ heˇ mawˇ biꞈ nyaˇ. Mahˬ dziˬ-eu tsawˇ haˬ naw maꞈ poˆ doˆ nya ma loˇ.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬsaˬgeˬlaˇ 36:4

Gawˬ jawˬ gawˬ duˇ deuˬ, lawˇ gawˆ gʼaˬ lawˬ deuˬ bi laˆ cawˆ-euˬ jawˇ duˬ deuˬ hawˇ-eu, dawˬ peh jawˇ-eu tsawˇ jeuˬ deuˬ neh pyuˇ shuiˇ myawˬ gah bi ceh geuꞈ jiˇ-awˇ, kʼaˇ ehˇ doeˇ mawꞈ-eu bi ehˇ doeˇ bi ehˇ doeˇ-ehˇ, ciˬ cuˇ ni jaˆ-euˬ meuˬ deuˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ gaˇ naˇ haˬ-awˬ.

Panmaeq 11:10

Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Yaˇ kʼaˬ daˇ 16:25

Aˬ yawꞈ maꞈ yaw kʼaˆ-ehˇ byawˬ gʼa-eu laꞈ kʼoeˇ, “Saˬsoˬ-ahˇ sheuˬ doˆ laꞈ-awˇ nga maꞈ-ahˇ bi laˆ byawˬ laˇ-awˬ” lehˇ guˇ-eu meh. Kʼoeˇ ngeh, aˬ cawˬ Saˬsoˬ-ahˇ paꞈ kuˆ laꞈ kʼoeˇ neh sheuˬ doˆ laꞈ-awˇ, aˬ yawꞈ maꞈ-ahˇ Saˬsoˬ laˆ byawˬ nehˬ-euˬ meh. Kʼawˇ zeuˇ deuˬ-euˬ yaw kaˬ-ahˇ, aˬ yawꞈ-ahˇ bi yawꞈ-euˬ meh.