Jaceuq 80:13 - Akha

¹³ Zaꞈ teˬ deuˬ aˬ gaꞈ baw duˆ kʼoeˇ nawˬ pahˬ-awˇ, bawˇ tsahˬ jeˬ zaˬ deuˬ ga uiˬ-awˇ dzaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yarsaq-euq zafteq deuq, aqgaf bawduv-euq duqcir boeqlaev-awr, Daega-anr gav-eu bawrtsanq-euq jeqzaq deuq, aqgaf dzaqjir-eu mae.

Jaceuq 80:13 Iomraidhean Croise

2 Sahˬpaˬ 17:20

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma naˇ dui dui-awˇ, doeˇ dui dui-eu muiˇ-eu tsawˇ haˬ deuˬ neh bi kʼehˬ-eu laꞈ kʼoeˇ, maˬ mawˇ laˇ gaˇ bi iˇ byoˆ jiˇ-euˬ meh.

Jaceuq 89:42

Muiˇ-eu deuˬ neh aˬ yawꞈ-ahˇ nawˇ bi gʼaˬ leˇ-awˇ, kʼoeˇ deuˬ-ahˇ nawˇ laˬ kʼaˬ bi cehˇ-euˬ meh.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬlaˬmiˇ 52:7

meuˬ meuˬ lahˇ pehꞈ-iˇ-euˬ meh. Baˬbuˇloˬ tsawˇ haˬ deuˬ neh meuˬ-ahˇ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ dzeuˇ jiˇ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ iˇ-awˇ, meuˬ lahˇ nyiˬ tiˆ aˇ kaˬ-ahˇ dahˇ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

Yeˬsaˬgeˬlaˇ 19:12

Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.

Naˬhmˬ 2:3

Muiˇ-eu deuˬ-euˬ guiˇ maꞈ yehˇ deuˬ, dehˬ daˬ duˬ yaw neˇ baꞈ luꞈ-awˇ, mehˬ tsoeˬ yaw neˇ dm luꞈ-eu meh. Guiˇ deuˆ-eu lehˬ hmˬ dah taˬ-awˇ, mahˬ laˆ lawˬ guiˇ nyiˬ ni jaˆ-awˇ, mahˬ deuˬ liˆ liˆ-ehˇ teuˆ luꞈ meh.