Jaceuq 80:1 - Akha

¹ Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yawrmaf-anr sheuqghae-eu lof-aer Yorsaev-anr sheuqghae-awr, Yawr bo-eu lof-aer Irsaqleqlav-anr bosav-eu ghaq-or, Nga’maf-anr naqbawr ciqkhmr naeqlaf-awq. Jeqlurbeq-euq yawkaq-anr jawrluf-eu ghaq-or, Yawshaef byadov lef-awq.

Jaceuq 80:1 Iomraidhean Croise

2 Saˬmeuˬlaˆ 6:2

Daˬbiˇ tsawˇ haˬ kʼoeˇ deuˬ sheuˬ-awˇ, Dawˬ ma saˇ jaˇ Bahˬ keuˆ baꞈ laˬ-iˇ-eu lehˇ, Yuˇdaˆ miˇ kʼahˬ Baˬlahˬ meuˬ-ahˇ iˇ-euˬ meh. Dawˬ ma saˇ jaˇ Bahˬ keuˆ kʼoeˇ, Baoˬ huiˬ-eu Sahˬpaˬ Miˬyehˇ-euˬ tsawˇ myahˇ pi luꞈ-awˇ, bahˬ keuˆ kʼoeˇ taˆ jaˆ-eu jeˬluˇbeˬ mawˇ kawˇ kʼoeˇ taˆ, aˬ yawꞈ-euˬ nuiˇ mahˬ jaˆ-eu meh.

2 Sahˬpaˬ 19:15

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Jeˬluˇbeˬ mawˇ kawˇ kʼoeˇ taˆ jaˆ-eu dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ kʼahˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Mˬ hawˇ-eu miˇ, nawˬ neh beh-euˬ meh.

Yawˇbaˆ 10:3

Nawˇ gʼawˬ shaˬ gaˬ-eu nui ma tiˬ pawꞈ-iˬ maˬ ahˇ ni, nawˬ neh beh-euˬ jeˬ-ahˇ yaw zeu maˬ baw-ehˇ, haiˬ-eu tsawˇ haˬ deuˬ-euˬ gaˇ kawˆ-ahˇ nui kʼahˇ shiˇ-eu tsaˬ tehꞈ-a loˇ.

Jaceuq 45:1

Sahˬ paˬ gʼaˇ duˬ caˇ dawˬ heu bymˇ ngaˇ yuˇ doˆ ngeh, naˇ haˬ muiˬ-eu dawˬ kawˬ deuˬ ngaˬ-euˬ nui ma laꞈ kʼoeˇ byah luꞈ meh. Sahˬ boꞈ boꞈ nya dui dui-eu gʼaˬ-euˬ sahˬ duˇ loꞈ-ehˇ, ngaˬ-euˬ mehˬ laˇ-ahˇ caˇ dawˬ yoeˇ le luꞈ meh.

Jaceuq 5:1

Sahˬpaˬ Miˬyehˇ-oˇ, ngaˬ-euˬdawˬ-ahˇnaˇhaˬlaꞈ-awˇ, ngaˇ mahˇ-eu teˇsaˇ gaˬnehˬlaꞈ.

Jaceuq 50:1

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ-awˇ, mˬ dzeˇ miˇ dzeˇ keuˆ ni keuˆ-eu meh.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 55:1

Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ taˬ byehˇ dzeh nehˬ laꞈ.

Jaceuq 60:1

Miˬyehˇ-oˇ, nawˇ nga maꞈ-ahˇ byehˇ dzeh-awˇ, nga maꞈ-euˬ taˆ bi byaˆ-iˇ-euˬ meh. Nawˇ nga maꞈ-ahˇ nui ma pehˇ-eu meh. Ehˇ kʼawꞈ nymˬ-mˇ nga maꞈ-ahˇ haw cawˬ nehˬ laꞈ-awˬ.

Jaceuq 69:1

Miˬyehˇ-oˇ, ngaˬ-ahˇ ka kʼoꞈ nehˬ laꞈ-awˬ. Ngaˬ-euˬ kawˬ lahˇ-ahˇ keuˆ ni iˇ cuꞈ dahˬ keuˆ taˬ-euˬ meh.

Jaceuq 77:20

Moˇseˬ hawˇ-eu Aˬloˬ-ahˇ nawˇ gʼoe-awˇ, yawˇ bo-eu yaw sahˇ loꞈ-ehˇ, nawˬ-euˬ tsawˇ haˬ deuˬ-ahˇ nawˇ sheuˬ gʼeh-euˬ meh.

Jaceuq 78:52

Kʼoeˇ naˇ, yawˇ bo-eu yaw sahˇ loꞈ-ehˇ, aˬ yawꞈ-euˬ tsawˇ haˬ-ahˇ aˬ yawꞈ sheuˬ doˆ gʼeh-awˇ, kʼaˇ shuiꞈ deh ga gʼahˇ ceh sheuˬ gʼeh-euˬ meh.

Jaceuq 78:67

Ehˇ kʼawꞈ, Yoˇsehˆ-euˬ zaˬ deuˬ uˆ deuˬ-ahˇ maˬ ha geuꞈ-ehˇ, Eˇpaˬleˬ tsawˇ jeuˬ-ahˇ aˬ yawꞈ maˬ tseˇ doˆ-a.

Jaceuq 80:19

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 80:3

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 80:7

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 94:1

Sahˬpaˬ Miˬyehˇ-oˇ, nawˇ-aˬ, kʼehˬ nehˬ kʼaˆ nehˬ-eu Miˬyehˇ meh. Nawˇ nui ma pehˇ-eu jeˬ bi mawˇ-awˬ.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Yeˬsaˬgeˬlaˇ 1:13

Jeˬluˇbeˬ kʼoeˇ oeˬ mawˇ yaw kaˬ-ahˇ, maˬ naˬ leˇ ni iˇ luꞈ-eu miˬ dzaˬ doꞈ luꞈ-eu tsiˇ kʼmˬ-ahˇ duˇ-eu tiˬ jeˬ ahˇ-eu meh. Miˬ lmˇ kʼoeˇ mˬ myawꞈ pyehˬ doˆ-eu meh.

Yeˬsaˬgeˬlaˇ 10:4

Sahˬpaˬ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ jawˇ gaˇ neh tuˇ laˇ-awˇ, Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ le-euˬ meh. Kʼoeˇ ngeh, Uˬ duˬ tahˬ nymˇ nymˇ ma-ahˇ mˬ dmˇ byah-awˇ, pu ka tiˬ byah ni yaw shehꞈ bya-eu meh.

Yeˬsaˬgeˬlaˇ 34:23

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ tehꞈ-ehˇ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-ahˇ bo-eu yawˇ bo-eu yaw sahˇ bi geuꞈ ma.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Daˬyeˬlaˇ 9:17

Miˬyehˇ-oˇ, ngaˇ guiˬ lahˬ shaˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ naˬ bawˇ ciˬ kʼmˇ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, cawˆ-iˇ taˬ-euˬ Uˬ duˬ tahˬ nymˇ nymˇ ma paˇ laˆ muiˬ kʼoꞈ nehˬ laꞈ.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.