Jaceuq 79:7 - Akha

⁷ Aˬ jeˬ miˇ neh ehˇ naˇ, nawˬ-euˬ tsawˇ haˬ deuˬ-ahˇ aˬ yawꞈ maꞈ sehꞈ-awˇ, nawˬ-euˬ miˇ kʼahˬ-ahˇ aˬ yawꞈ maꞈ laˆ cawˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, aqyawfmaf, Yaqkov-anr kawfdzaq jir-awr; Aqyawfmaf, aqyawf-euq jawrduq jawrzar lavcawvjir naeq-euq mae.

Jaceuq 79:7 Iomraidhean Croise

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.

Jaceuq 80:13

Zaꞈ teˬ deuˬ aˬ gaꞈ baw duˆ kʼoeˇ nawˬ pahˬ-awˇ, bawˇ tsahˬ jeˬ zaˬ deuˬ ga uiˬ-awˇ dzaˬ-eu meh.

Iˇsaˬyaˇ 64:9

Kʼoeˇ baˬ da neh nui ma pehˇ-eu aˇ dzehˬ taˬ dzeuˇ nehˬ laꞈ. Nga maꞈ-euˬ iˬ baˇ-ahˇ mˬ maˬ maˬ byaˆ zaˇ ziˇ taˬ paꞈ tawꞈ laꞈ. Nga maꞈ nawˬ-euˬ tsawˇ haˬ pyeuꞈ-eu miˇ neh, nga maꞈ-ahˇ gʼawˬ shaˬ gaˬ nehˬ laꞈ.

Iˇsaˬyaˇ 9:12

Nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ hawˇ-eu, nahˇ ma ga kʼehˬ paw jawˇ-eu Piˇliˇtiˆ tsawˇ haˬ deuˬ, Iˇsaˬleˬlaˆ miˇ kʼahˬ-ahˇ kawꞈ dzaˬ-eu lehˇ, kʼaˬ meh mˇ nga taˬ tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ jiˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Yeˬlaˬmiˇ 50:7

Kʼaˇ mawˇ le-eu deuˬ aˬ yawꞈ maꞈ-ahˇ kawꞈ sehꞈ dzaˬ-awˇ, aˬ yawꞈ maꞈ Sahˬpaˬ Miˬyehˇ-ahˇ mˇ bahˬ-euˬ miˇ neh, kʼoeˇ loꞈ-ehˇ jahˇ nehˬ-eu iˬ baˇ maˬ ahˇ-aˇ lehˇ, muiˇ-eu deuˬ ehˇ-eu meh. Aˬ yawꞈ maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ maꞈ kʼawꞈ ziꞈ-eu tsaˬ tehꞈ-a lehˇ, muiˇ-eu deuˬ ehˇ-eu meh.

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.