Biblia Todo Logo
Bìoball air-loidhne

- Sanasan -




Jaceuq 79:1 - Akha

1 Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Faic an caibideil Dèan lethbhreac

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

1 Miqyaer-or! Aqcawq tsawrjeuq, nawq-euq jeqbir-anr urle taq-euq mae. Aqyawfmaf, nawq-euq shawr-eu uqduq tanqnymr nymrma-anr, Maqshawrni bipyeuf-ir-awr; Aqyawfmaf, Yeqlursaqlaeq-anr lavpyav lavshavjir yaf-euq mae.

Faic an caibideil Dèan lethbhreac




Jaceuq 79:1
25 Iomraidhean Croise  

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ deuˬ, Baˬbuˇloˬ miˇ kʼahˬ-ahˇ aˬ yawꞈ yuˇ gʼeh-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ zmˬ-eu gʼaˇ duˬ, sahˬ paˬ Sawˇlaˬmoˬ neh jahˇ taˬ yaꞈ-euˬ shuiˇ keu ka dawˬ tawˆ luꞈ-ahˇ, Neˬbuˬkaˬneˬzaˬ neh laˆ kʼehꞈ laˆ kʼoeˆ jiˇ-euˬ meh.


Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.


Uˬ duˬ tahˬ nymˇ nymˇ ma hawˇ-eu meuˬ aˬ yawꞈ-ahˇ, sahˬ paˬ-euˬ hawˇ nymˇ deuˬ hawˇ-eu kʼaˇ muiˬ kʼaˇ jaˬ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ miˬ dzaˬ keuˬ dzeh jiˇ-awˇ, meuˬ meuˬ lahˇ laˆ byaˆ-euˬ meh.


Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ-awˇ, mˬ dzeˇ miˇ dzeˇ keuˆ ni keuˆ-eu meh.


Aˬ yawꞈ yawˇ bo luꞈ gaˇ kuˇ kʼoꞈ laꞈ-awˇ, Miˬyehˇ-euˬ tsawˇ haˬ deuˬ-ahˇ bo-eu yawˇ bo-eu yaw sahˇ bi geuꞈ-eu lehˇ, Iˇsaˬleˬlaˆ tsawˇ jeuˬ-euˬ sahˬ paˬ ka nehˬ-euˬ meh.


Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.


Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.


Muiˬ-eu shawˇ-eu nawˬ-euˬ tsawˇ haˬ pyeuꞈ-eu nga maꞈ, muiˇ-eu deuˬ neh tiˬ kʼehˬ tiˬ yamˬ bi teh doˆ-awˇ, nawˬ-euˬ muiˬ-eu shawˇ-eu jawˇ duˬ kʼoeˇ-ahˇ, aˬ yawꞈ maꞈ tsawˬ nawˬ nawˬ-euˬ meh.


“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.


Kʼoeˇ ngeh, Baˬbuˇloˬ tsawˇ haˬ deuˬ sahˬ paˬ-euˬ hawˇ nymˇ hawˇ-eu miˇ kʼahˬ zaˬ-euˬ nymˇ deuˬ keuˬ dzeh-awˇ, Yeˬluˇsaˬlehˬ meuˬ-euˬ meuˬ meuˬ lahˇ deh byaˆ-euˬ meh.


‘Nga maꞈ daˬ ga-awˇ shaꞈ dawˇ dui dui nya. Uˬ duˬ tahˬ nymˇ nymˇ ma laꞈ kʼoeˇ jaˆ-eu muiˬ-eu shawˇ-eu jawˇ duˬ-ahˇ aˬ cawˬ tsawˇ jeuˬ uˇ laˇ-euˬ miˇ neh, tiˬ pawꞈ-iˬ gaˇ dahˇ maˬ paˇ tsoeˬ miˇ-a’ lehˇ naw maꞈ ehˇ luꞈ meh.


Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.


Yawꞈ-euˬ pyuˇ shuiˇ myawˬ gahˬ kʼoeˇ taˆ, muiˇ-eu deuˬ aˬ laꞈ cawˬ leꞈ-awˇ, lawˇ ciꞈ zaˬ maˬ ya le-a lehˇ, Sahˬpaˬ Miˬyehˇ daˇ tsehˆ taˬ-euˬ, muiˬ-eu shawˇ-eu jawˇ duˬ laꞈ kʼoeˇ, aˬ cawˬ tsawˇ jeuˬ deuˬ le uˇ gaˇ, aˬ yawꞈ myaˆ nuiˆ ya mawˇ-euˬ meh.


Aˬ yawꞈ maꞈ-ahˇ Miˬyehˇ ehˇ nehˬ-eu, “Uˬ duˬ tahˬ nymˇ nymˇ ma-euˬ pu ka tsawˇ haˬ sehꞈ byah gʼeh-eu laꞈ kʼoeˇ, Uˬ duˬ tahˬ nymˇ nymˇ ma-ahˇ laˆ jawꞈ nehˬ-awˬ. Tsawˇ haˬ sehꞈ-eu dawꞈ leˇ-awˬ.” Kʼoeˇ ngeh, aˬ yawꞈ maꞈ meuˬ laꞈ kʼoeˇ jawˇ-eu tsawˇ haˬ deuˬ-ahˇ sehꞈ-eu aˇ dahˬ beh-euˬ meh.


Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.


Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.


Ehˇ kʼawꞈ, uˬ duˬ tahˬ nymˇ-euˬ laꞈ nyiˇ pu ka guiˇ ga ceuˬ-ahˇ maˬ dza haw ni bi jaˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Muiˬ-eu shawˇ-eu Meuˬ-ahˇ ba la oeˬ tseˇ nyiꞈ siˬ byah ni tsawˬ nawˬ nawˬ le-eu aˬ cawˬ tsawˇ jeuˬ deuˬ gʼaˇ duˬ taˬ taˬ-euˬ jawˇ duˬ pyeuꞈ-eu meh.


Lean sinn:

Sanasan


Sanasan