Jaceuq 78:8 - Akha

⁸ Miˬyehˇ-ahˇ jah-eu maˬ ziꞈ-ehˇ, Miˬyehˇ-ahˇ saˇ jaˇ maˬ ziꞈ-eu uˬ taꞈ, aˬ yawꞈ-eu ehˇ dawˬ maˬ naˇ haˬ ni aˬ yawꞈ-ahˇ puiˬ-eu, aˬ yawꞈ maꞈ-euˬ aˬ poeˬ aˬ bawˇ kʼoeˇ deuˬ-ahˇ ma duˇ ni, aˬ yawꞈ maꞈ dehꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoer-aq, aqyawf maf-anr, aqyawf maf-euq aqpoeq deuq lof-aer, Maqbi durlar-eu gharduq mae. Aqyawf maf-euq tsawrtsuif-aq, nuima taq-eu maqtsaq-aer; Aqyawf maf-euq saflar, Miqyaer-anr sarjax maqzif-eu uqtaf, Miqyaer-euq aerdawq maq narhaq geuf-aer puiq-euq tsawrtsuif mae.

Jaceuq 78:8 Iomraidhean Croise

2 Sahˬpaˬ 17:14

Ehˇ kʼawꞈ, aˬ yawꞈ maꞈ maˬ naˇ haˇ geuꞈ-ehˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ jah-eu deuˬ pyeuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, nui ma gʼahˇ dui dui-eu meh.

2 Laˬsaˬbaˬ 12:14

Leˬhawˇbamˬ-aˬ, yaw haiˬ jeˬ tehꞈ-ehˇ mˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ nui kʼahˇ aˬ yawꞈ maˬ poˆ-a.

2 Laˬsaˬbaˬ 19:3

Ehˇ kʼawꞈ, nawˬ-euˬ laꞈ kʼoeˇ yaw muiˬ jeˬ ahˇ-a siˬ. Aˬ jeˬ miˇ neh ehˇ naˇ, miˇ kʼahˬ zaˬ deuˬ uˬ duˬ tahˬ luꞈ-eu Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ dawˬ tawˆ luꞈ-ahˇ nawˇ laˆ cawˆ jiˇ-awˇ, Sahˬpaˬ Miˬyehˇ-euˬ nui noeˬ-ahˇ nawˇ caw teh-euˬ meh.”

2 Laˬsaˬbaˬ 20:33

Ehˇ kʼawꞈ lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ aˬ yawꞈ maˬ laˆ cawˆ-ehˇ, miˇ kʼahˬ zaˬ deuˬ aˬ yawꞈ maꞈ-euˬ aˬ poeˬ aˬ bawˇ deuˬ-euˬ miˬ yehˇ jawˇ gaˇ, nui ma gʼawˇ mawˇ dawˬ tawˆ luꞈ noeˬ paˇ-awˇ maˬ gʼoꞈ poˆ laˇ-a.

2 Laˬsaˬbaˬ 30:19

“Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, maˬ shawˇ-eu tsawˇ haˬ pyeuꞈ kʼawꞈ nui ma keuˆ dui dui-awˇ nawˬ-ahˇ uˬ duˬ tahˬ luꞈ-eu tsawˇ haˬ heu deuˬ-ahˇ, nawˇ gʼawˬ shaˬ gaˬ-eu laꞈ kʼoeˇ iˬ baˇ pyehˬ nehˬ-awˬ.”

2 Laˬsaˬbaˬ 30:7

Aˬ yawꞈ kʼawꞈ naw maꞈ jawˇ paw gʼoꞈ le tehꞈ-a. Yawˬ ha-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ maˬ ziꞈ-eu naw maꞈ-euˬ aˬ da deuˬ hawˇ-eu naw maꞈ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ loꞈ-ehˇ taˬ gʼeh. Aˬ yawꞈ maꞈ-ahˇ aˬ yawꞈ yaw kʼaˆ kʼaˆ-ehˇ kʼehˬ nehˬ-euˬ naw maꞈ ya mawˇ-euˬ meh.

Yawˇbaˆ 11:13

Yawˇbaˆ-oˇ, nawˬ-euˬ nui ma dawˇ coe ni taˬ-awˇ, Miˬyehˇ jawˇ paw aˬ laꞈ cawˬ ja-awˬ.

Jaceuq 106:7

Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.

Jaceuq 68:6

Nymˇ maˬ jaˆ-eu deuˬ-ahˇ nymˇ jiˇ bi baw laˇ-awˇ, tawˬ-ahˇ uˇ-eu deuˬ-ahˇ laˬ kʼaˬ cehˇ-eu jawˇ duˬ-ahˇ sheuˬ doˆ nehˬ-eu meh. Ehˇ kʼawꞈ, aˬ yawꞈ-ahˇ puiˬ-eu tsawˇ haˬ deuˬ-aˬ, bawˇ tsahˬ bawˇ dahˇ-ahˇ ya jawˇ-eu meh.

Jaceuq 78:37

Aˬ yawꞈ-ahˇ nui ma maˬ taꞈ-ehˇ, aˬ yawꞈ-euˬ dawˬ ma saˇ jaˇ-ahˇ maˬ ziꞈ-a.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Doˆ-iˇ 32:9

Tsawˇ haˬ heu deuˬ nui ma aˇ naˆ ni gʼahˇ-eu ngaˇ siˬ nya ma.

Doˆ-iˇ 33:3

Byaˬ byaˬ uiˇ hawˇ-eu mawˇ neˇ aˬ coeˇ yoeˇ-eu miˇ kʼahˬ-ahˇ naw maꞈ le-awˬ. Ehˇ kʼawꞈ, naw maꞈ nehˬ-ehˇ ngaˇ maˬ le. Aˬ jeˬ miˇ neh ehˇ naˇ, naw maꞈ nui ma gʼahˇ-eu miˇ neh, gaˇ pehˇ gaˇ laˆ naw maꞈ-ahˇ ngaˇ ya laˆ cawˆ gaˇ keuˆ tehꞈ-a.”

Doˆ-iˇ 33:5

Moˇseˬ-ahˇ Sahˬpaˬ Miˬyehˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-euˬ meh. “Naw maꞈ-aˬ, nui ma gʼahˇ-eu tsawˇ haˬ deuˬ pyeuꞈ-eu meh. Naw maꞈ nehˬ-ehˇ tiˬ kʼehˇ laˇ kʼehˬ aˇ yamˬ laꞈ kʼoeˇ ngaˇ ya le taꞈ law hawˇ kʼawꞈ, naw maꞈ-ahˇ ngaˇ ya laˆ cawˆ jiˇ gaˇ keuˆ tehꞈ-a. Nymˬ-mˇ naw maꞈ-euˬ aˇ poeˬ kʼaˆ-eu myawˬ guˇ deuˬ lehˆ doˆ-awˬ. Naw maꞈ-ahˇ aˬ joˆ-ehˇ jahˇ nehˬ paˬ nga lehˇ ngaˇ noeˬ tsehˆ ma.”

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Yeˬsaˬgeˬlaˇ 20:18

Kʼoeˇ naˇ, aˬ yawꞈ maꞈ-euˬ zaˬ deuˬ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. Naw maꞈ-euˬ aˬ poeˬ aˬ bawˇ deuˬ-euˬ zahˇ sahˇ kʼoꞈ-ahˇ taˬ caw teh. Aˬ yawꞈ maꞈ dehꞈ-euˬ loꞈ-ehˇ taˬ dehꞈ. Aˬ yawꞈ maꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu laꞈ kʼoeˇ, naw maꞈ yawˬ haˇ yawˬ ha maˬ muiˬ maˬ shawˇ ni taˬ mˇ.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

Dawˬmehˬ 31:27

Aˬ yawꞈ maꞈ nui ma aˇ naˆ ni gʼahˇ-awˇ, puiˬ mawꞈ-eu nui ma aˇ naˆ ni ahˇ-eu ngaˇ siˬ nya ma. Ngaˇ yaw dehꞈ dehꞈ luꞈ-eu aˇ yamˬ laꞈ kʼoeˇ, aˬ yawꞈ maꞈ Sahˬpaˬ Miˬyehˇ-ahˇ puiˬ-euˬ meh. Ngaˇ shiˇ dzeuˇ naˇ, kʼoeˇ naˆ maˬ tseˇ aˬ yawꞈ maꞈ paˇ puiˬ tehꞈ-a.

Dawˬmehˬ 4:4

Ehˇ kʼawꞈ, naw maꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-eu tsawˇ haˬ deuˬ iˬ nah keuˆ ni dehꞈ luꞈ meh.

Dawˬmehˬ 9:13

Ngaˬ neh dawˬ biꞈ-awˇ bi mˇ-euˬ jeˬ-ahˇ aˬ yawꞈ maꞈ byehˇ dzeh-awˇ, yawˬ ha gʼaˇ duˬ tahˬ pahˬ aˬ ma mawˇ kawˇ tehˆ-euˬ meh’ lehˇ ehˇ-eu meh.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Yawˇshuˆ 22:15

Giˇlaˆ miˇ kʼahˬ-ahˇ jawˇ-eu Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ jawˇ gaˇ aˬ yawꞈ maꞈ oe-euˬ meh.

1 Saˬmeuˬlaˆ 8:8

Iˇjiˇtuˆ miˇ kʼahˬ laꞈ kʼoeˇ aˬ yawꞈ maꞈ-ahˇ ngaˇ sheuˬ doˆ nehˬ laꞈ ngeh neh, aˬ yawꞈ maꞈ ngaˬ-ahˇ byehˇ dzeh-awˇ, miˬyehˇ nui deuˬ-ahˇ uˬ duˬ tahˬ-euˬ meh. Aˬ yawꞈ maꞈ ngaˬ-ahˇ aˇ hu neh jahˇ nehˬ laꞈ-euˬ jeˬ, nymˬ-mˇ nawˬ-ahˇ aˬ yawꞈ maꞈ paˇ jahˇ nehˬ luꞈ-eu meh.