Jaceuq 78:59 - Akha

⁵⁹ Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁹ Miqyaer heu-anr yagaq ngae, nuima paerlar-awr, Irsaqleqlav-anr nuidav yawkhav-aer dav-eu mae.

Jaceuq 78:59 Iomraidhean Croise

Jaceuq 106:40

Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ nui daˆ daˆ-euˬ meh.

Jaceuq 11:4

Uˬduˬtahˬnymˇyaw shawˇlaꞈkʼoeˇ, SahˬpaˬMiˬyehˇjawˇluꞈ-eu meh. Dzoeˬdzaˬnuiˇmahˬmˬ-ahˇjaˆ-awˇ, tsawˇhaˬzaˬ-ahˇhaw-eu laꞈkʼoeˇ, yawꞈmaꞈkʼaˇmˇkʼaˇshaˇ-eu jeˬ, yawˬjeˬna luꞈsiˬnya luꞈmeh.

Ngoeˇ dawˬ 2:7

Aˬ yawꞈ-ahˇ lawˇ-euˬ lawˇ duˬ-ahˇ, Sahˬpaˬ Miˬyehˇ byehˇ dzeh nehˬ-awˇ, yawꞈ-euˬ hawˇ nymˇ lahˇ gawˬ taˬ-euˬ, bi laˆ cawˆ byoˆ jiˇ-eu gʼaˇ duˬ, muiˇ-eu deuˬ-ahˇ a nehˬ-euˬ meh. Uˬ duˬ tahˬ-eu zahˇ sahˇ kʼoꞈ bawˬ-iˬ, gʼeh ngeh guˇ-euˬ teˇ saˇ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ, yawꞈ maꞈ gʼaˬ leˇ-euˬ guˇ-eu meh.

Uˬ duˬ 20:23

Kʼoeˇ gaˇ jawˇ-eu tsawˇ haˬ deuˬ-euˬ zahˇ sahˇ kʼoꞈ-ahˇ naw maꞈ taˬ caw teh. Miˇ kʼahˬ kʼoeˇ kʼahˬ-ahˇ naw maꞈ uˇ leˇ nya ni, lawˇ ciꞈ zaˬ kʼoeˇ deuˬ-ahˇ ngaˇ teh dzeh-eu lehˇ gʼeh-eu ma. Aˬ yawꞈ maꞈ maˬ muiˬ maˬ jaˬ-eu jeˬ tehꞈ-ehˇ mˇ-eu miˇ neh, aˬ yawꞈ maꞈ-ahˇ ngaˇ nui ma byuˇ laˇ taˬ-euˬ ma.

Uˬ duˬ 26:44

Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-euˬ miˇ kʼahˬ-ahˇ aˬ yawꞈ maꞈ jawˇ luꞈ ngeh, aˬ yawꞈ maꞈ-ahˇ byehˇ tsehˆ tsehˆ-awˇ, laˆ cawˆ byoˆ nehˬ-eu jeˬ ngaˇ maˬ mˇ. Kʼoeˇ loꞈ-ehˇ jahˇ naˇ, ngaˬ neh aˬ yawꞈ maꞈ nehˬ-ehˇ saˇ jaˇ dzaˬ taˬ-euˬ jeˬ aˇ saˬ saˬ gaˇ duˇ tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Dawˬmehˬ 32:19

“Sahˬpaˬ Miˬyehˇ kʼoeˇ gaˇ mawˇ ngeh, nui ma pehˇ dui dui -eu laꞈ kʼoeˇ, yawꞈ-euˬ aˬ buˇ aˬ li deuˬ-ahˇ, myaˆ maˬ haw cawˬ ni byehˇ-euˬ meh.