Jaceuq 78:51 - Akha

⁵¹ Iˇjiˇtuˆ nymˇ jiˇ yawˬ nymˇ na luꞈ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ jiˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Haqmav-euq saeqghawv-euq lafkhoer, ghaq nae za-euq huqbaw aqyuif pyeuf-eu, Irjirtuv-euq huqbaw zaqyo dawqtawv luf-anr lavsaefjir naeq-euq mae.

Jaceuq 78:51 Iomraidhean Croise

Aˇ dahˬ 10:6

Haˬmaˇ-euˬ aˬ li deuˬ pyeuꞈ-eu Kuˇshaˆ, Iˇjiˇtuˆ, Liˆbyaˇ, Kaˬnaˬ, aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 49:3

Ngaˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-oˇ, nawˇ ngaˬ-euˬ gʼaˬ pyeuꞈ-awˇ, Ngaˬ li dawˬ tawˆ luꞈ laꞈ kʼoeˇ nawˇ kʼahˬ sehˇ jaˆ dzehˬ-awˇ, gʼaˬ kʼaˆ dzehˬ-eu gʼaˬ meh.

Jaceuq 105:23

Kʼoeˇ naˇ, Iˇjiˇtuˆ miˇ kʼahˬ-ahˇ Yaˬkoˆ iˇ-awˇ, miˇ kʼahˬ kʼoeˇ kʼahˬ-ahˇ jawˇ-euˬ meh.

Jaceuq 105:27

Miˬyehˇ neh bi mˇ-euˬ huiˬ-eu gaˇ aˬ yawꞈ nyaꞈ mˇ-awˇ, Iˇjiˇtuˆ miˇ kʼahˬ laꞈ kʼoeˇ kʼaˆ jeˬ-ehˇ gʼeh-eu jeˬ mˇ mehˬ-euˬ meh.

Jaceuq 105:36

Iˇjiˇtuˆ nymˇ jiˇ yawˬ jiˇ na luꞈ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, aˬ yawꞈ bi shiˇ jiˇ-euˬ meh.

Jaceuq 106:22

Kʼoeˇ gaˇ aˬ yawꞈ neh mˇ-euˬ jeˬ aˇ naˆ ni gamꞈ leˇ paˬ-ehˇ gʼeh-eu nga. Iˬ ma laˆ shaˆ yaw neˇ dawˬ peh aˬ yawꞈ neh jahˇ-euˬ jeˬ, aˇ naˆ ni zahˬ leˇ paˬ-ehˇ gʼeh-eu nga.

Jaceuq 135:8

Iˇjiˇtuˆ miˇ kʼahˬ laꞈ kʼoeˇ dehꞈ beh beh le-euˬ zaˬ hawˇ-eu jeˬ zaˬ dawˬ tawˆ luꞈ-ahˇ, aˬ yawꞈ sehꞈ dzeh-euˬ meh.

Jaceuq 136:10

Iˇjiˇtuˆ tsawˇ haˬ dehꞈ beh beh le-euˬ aˬ li aˬ yuiꞈ deuˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 13:15

Iˇjiˇtuˆ sahˬ paˬ nui ma gʼahˇ-awˇ, nga maꞈ-ahˇ maˬ pyehˬ nehˬ laꞈ ni jawˇ ngeh, Iˇjiˇtuˆ miˇ kʼahˬ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, Sahˬpaˬ Miˬyehˇ sehꞈ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ-ahˇ kʼawꞈ, aˬ yawꞈ sehꞈ-euˬ meh. Kʼoeˇ miˇ neh, dehꞈ beh beh le-euˬ jeˬ zaˬ aˬ buˬ deuˬ Sahˬpaˬ Miˬyehˇ-ahˇ aˬ dui ya lawˇ nehˬ-awˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ dui ya zeuˇ kʼoꞈ geuꞈ-eu meh.

HeˬByehˇ 11:28

Baˬsaˬkaˬ Bawˬ-iˬ gʼeh-awˇ Iˇsaˬleˬlaˆ tsawˇ haˬ deuˬ-euˬ dehꞈ beh beh le-euˬ aˬ li deuˬ-ahˇ Shiˇ-eu jeˬ-euˬ Mˬ taˆ gʼaˬ kʼehˇ neh maˬ bi sehꞈ-eu gʼaˇ duˬ, aˬ yawꞈ dawˬ biꞈ-awˇ laˇ gʼoˆ-ahˇ shiˬ bi byaˆ shehˬ-euˬ kʼoeˇ-aˬ, jah-eu jeˬ baˬ da neh meh.