Jaceuq 78:42 - Akha

⁴² Aˬ yawꞈ-euˬ huiˬ-eu baoˬ-ahˇ aˬ yawꞈ maꞈ ngehˇ-awˇ, muiˇ-eu deuˬ-euˬ laꞈ-ahˇ neh ka kʼoꞈ nehˬ-euˬ aˇ nah-ahˇ ngehˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aqyawfmaf, aqyawf-euq baoq huiq-eu aqlaf-anr hawr-eu, Aqyawf maf-anr muir-eu deuq-anr nae, Aqyawf nae kakhof naeq-euq arnan-anr ngaer-euq mae.

Jaceuq 78:42 Iomraidhean Croise

Jaceuq 106:21

Iˇjiˇtuˆ miˇ kʼahˬ-ahˇ kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ Miˬyehˇ-ahˇ, aˬ yawꞈ maꞈ ngehˇ-euˬ meh.

Jaceuq 78:11

Aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu, aˬ yawꞈ neh mˇ-euˬ gaˇ deuˬ-ahˇ aˬ yawꞈ maꞈ ngehˇ-euˬ meh.

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 14:12

Heu loꞈ-ehˇ pyeuꞈ laˇ tehꞈ-a lehˇ, aˬ dui maꞈ maˬ doˆ le mi naˆ-ehˇ, nawˬ-ahˇ nga maꞈ maˬ ehˇ-aˬ loˇ. Iˇjiˇtuˆ miˇ kʼahˬ laꞈ kʼoeˇ bi jawˇ yaꞈ nehˬ laꞈ-awˬ. Iˇjiˇtuˆ tsawˇ haˬ deuˬ-euˬ zaˬ kʼaˆ geuꞈ yaꞈ ma lehˇ, nawˬ-ahˇ nga maꞈ ehˇ nehˬ-euˬ maˬ ngeuˇ-a loˇ. Kʼoeˇ gaˇ jawˇ-awˇ aˬ cawˬ-euˬ zaˬ kʼaˆ ya geuꞈ-eu-aˬ, heu gaˇ, bawˇ tsahˬ bawˇ dahˇ-ahˇ oe-awˇ ya shiˇ-eu naˆ maˬ tseˇ zaˬ dzehˬ tehꞈ-a.”

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Yeˬlaˬmiˇ 32:21

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, nga maꞈ-ahˇ muiˇ-eu deuˬ-ahˇ nawˇ laˆ guˆ nehˬ-awˇ, nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ nehˬ-euˬ meh.

Yaˇ kʼaˬ daˇ 8:34

Aˬ yawꞈ maꞈ-euˬ jawˬ jawˬ-ehˇ jawˇ luꞈ-eu muiˇ-eu deuˬ dawˬ tawˆ luꞈ-euˬ laꞈ-ahˇ neh aˬ yawꞈ maꞈ-ahˇ ka kʼoꞈ-euˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ maˬ tahˬ ni byehˇ-euˬ meh.