Jaceuq 78:4 - Akha

⁴ Sahˬpaˬ Miˬyehˇ-euˬ baoˬ hawˇ-euˬ aˬ yawꞈ neh mˇ-euˬ huiˬ-eu gaˇ deuˬ gaˇ kawˆ maˬ ehˇ, aˬ yawꞈ neh mˇ-euˬ zahˬ dui dui leˇ paˬ-ehˇ gʼeh-euˬ gaˇ deuˬ maˬ ehˇ, aˬ dui-euˬ zaˬ deuˬ-ahˇ maˬ ja mehˬ-ehˇ maˬ byehˇ ni, nahˬ ziˇ-ahˇ aˬ dui ja mehˬ yaꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqdui, aqyawf maf-euq zaqdeuq uvdeuq-anr nae maq zaftaq. Ya’we Miqyaer-anr jaceuq paq-aer ghae-eu deuq, Aqyawf-euq ghaq hawr-eu zanqler paq-aer ghae-eu aqyawf nae mr-euq gar, Maeqnan paw cantae laf-eu nanqzir-anr ja’naeq ma.

Jaceuq 78:4 Iomraidhean Croise

Yawˇbaˆ 15:18

Tsawˇ gahˇ ahˇ-eu deuˬ neh aˬ yawꞈ maꞈ-euˬ aˬ poeˬ aˬ bawˇ deuˬ jawˇ gaˇ dzaw nya taˬ-euˬ gaˇ kawˆ deuˬ, tiˬ jeˬ-iˬ maˬ zaꞈ taˬ ni ngaˬ-ahˇ mehˬ jiˇ nehˬ laꞈ-euˬ meh.

Jaceuq 26:7

Zahˬdui dui leˇpaˬ-ehˇgʼeh-eu, nawˬneh mˇtaˬ-euˬgaˇdeuˬ-ahˇ, guiˬlahˬhuiˬ-eu dawˬcaˇ-eu ma.

Jaceuq 9:14

Yeˬluˇsaˬlehˬmehˬshi yawꞈ-awˇ, gaˇkawˆheu dzawˇmehˬ-eu laꞈkʼoeˇ, nawˬ-ahˇbi ja ceuˬnehˬlaꞈ-awˬ. Nawˇka kʼoꞈnehˬlaꞈ-euˬ miˇ neh, ngaˇlaˬkʼaˬcehˇ nui kʼahˇshiˇma.

Doˆ-iˇ 12:26

‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ ngeh,

Doˆ-iˇ 13:14

Mehˬ hu paw dehꞈ daˆ leꞈ ngeh, ‘Bawˬ-iˬ heu hmˬ-euˬ dawˬ tsuiꞈ aˬ jeˬ-a’ lehˇ, naw maꞈ-euˬ aˬ li deuˬ naw maꞈ-ahˇ naˇ haˬ laˇ naˇ, heu loꞈ-ehˇ ehˇ kʼoꞈ nehˬ-awˬ. ‘Iˇjiˇtuˆ miˇ kʼahˬ laꞈ kʼoeˇ, nga maꞈ aˬ cawˬ zaˬ kʼaˆ geuꞈ luꞈ ngeh, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, nga maꞈ-ahˇ sheuˬ doˆ nehˬ laꞈ-euˬ meh.,

Doˆ-iˇ 13:8

Bawˬ-iˬ jahˇ-eu aˇ dahˬ beh ngeh jawˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le ngeh Sahˬpaˬ Miˬyehˇ neh naw maꞈ-ahˇ mˇ nehˬ-euˬ guiˬ lahˬ-ahˇ noeˬ keuˆ-eu laꞈ kʼoeˇ, heu loꞈ-ehˇ ya mˇ ya shaˇ-eu gaˇ kawˆ, naw maꞈ-euˬ aˬ li deuˬ-ahˇ dzawˇ nehˬ-awˬ.

Iˇsaˬyaˇ 38:19

Dehꞈ luꞈ-eu tsawˇ haˬ deuˬ nawˬ-ahˇ ja ceuˬ-euˬ meh. Ngaˇ caˇ luꞈ-eu loꞈ-ehˇ caˇ-awˇ ja ceuˬ-eu meh. Nawˇ saˇ jaˇ ziꞈ-eu gaˇ kawˆ heu, aˬ da deuˬ zaˬ-ahˇ ya ja mehˬ tehꞈ-a.

Yawˇlaˆ 1:3

Naw maꞈ-euˬ aˬ buˇ aˬ li-ahˇ, gaˇ kawˆ kʼoeˇ naw maꞈ ja nehˬ-awˬ. Tiˬ jo tiˇ jo ja ka gʼeh-awˇ, tiˬ tsuiꞈ tiˇ tsuiꞈ mehˬ ka luꞈ-uˇ.

Dawˬmehˬ 11:19

Naw maꞈ-euˬ zaˬ deuˬ-ahˇ zahˇ dawˬ kʼoꞈ dawˬ kʼoeˇ deuˬ mehˬ nehˬ tsoˆ nehˬ-awˬ. Naw maꞈ iˇ kahˇ jawˇ ngeh maˬ ehˇ, gaˇ mahˇ kaˬ gaˇ iˇ ngeh maˬ ehˇ, gʼaˬ naˬ naˬ ngeh maˬ ehˇ, gaˇ mˇ ngeh maˬ ehˇ, zahˇ dawˬ kʼoꞈ dawˬ gaˇ kawˆ ja uˇ ja uˇ-ehˇ jawˇ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

Dawˬmehˬ 6:7

Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.