Jaceuq 78:25 - Akha

²⁵ Kʼoeˇ ngeh, mˬ taˆ gʼaˬ kʼehˇ-euˬ dzaˇ aˬ yawꞈ maꞈ ya dzaˬ-awˇ, aˬ yawꞈ maꞈ kʼaˇ loˬ-eu jeˬ Miˬyehˇ biꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Tsawrhaqzaq, mqtav ghaqkhaer-euq dzar yadzaq-awr; Aqyawf, aqyawf maf-anr dzaq-eu jeq tiqbyan tiqlof bifnaeq-euq mae.

Jaceuq 78:25 Iomraidhean Croise

Jaceuq 103:20

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, aˬ yawꞈ-euˬ ehˇ dawˬ naˇ haˬ-eu, gʼaˬ kʼaˆ-awˇ baoˬ huiˬ-eu mˬ taˆ gʼaˬ kʼehˇ deuˬ-oˇ, Sahˬpaˬ Miˬyehˇ-ahˇ ja ceuˬ-awˬ.

Jaceuq 105:40

Aˬ yawꞈ maꞈ shaˇ dzaˬ-eu loꞈ-ehˇ kʼahˬ zaˬ laˬ ma pyehˬ gʼeh leꞈ-awˇ, nui kʼahˇ tiˬ shiˇ ya dzaˬ dehˆ ni, mˬ taˆ neh dzaˬ dzaˬ dawˇ dawˇ biꞈ ka leꞈ-euˬ meh.

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Maꞈtehˬ 14:20

Aˬ yawꞈ maꞈ dawˬ tawˆ luꞈ tiˬ dehˆ dzaˬ gʼaˬ-awˇ, maˬ dzaˬ jiˇ-ehˇ dzeˇ laˇ-euˬ deuˬ-ahˇ zaˬ lahˇ deuˬ paˇ gʼoˆ uiˬ ngeh, kʼaˆ puˬ tseˇ nyiꞈ puˬ byah laˇ-euˬ meh.

Maꞈtehˬ 15:37

Tsawˇ haˬ dawˬ tawˆ luꞈ tiˬ dehˆ dzaˬ-euˬ uˬ taꞈ, dzehˬ laˇ-euˬ deuˬ-ahˇ zaˬ lahˇ deuˬ paˇ gʼoˆ uiˬ ngeh, kʼaˆ puˬ shiꞈ puˬ byah laˇ-euˬ meh.