Jaceuq 78:22 - Akha

²² Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ jah-ehˇ, aˬ yawꞈ ka kʼoꞈ nehˬ laꞈ tehꞈ-a lehˇ maˬ jah-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aqjeq mirnae aernar-aq, aqyawfmaf, Miqyaer-anr maqjan-aer, Aqyawf-euq kakhof-eu jeq-anr maqghoe-aq.

Jaceuq 78:22 Iomraidhean Croise

2 Sahˬpaˬ 17:14

Ehˇ kʼawꞈ, aˬ yawꞈ maꞈ maˬ naˇ haˇ geuꞈ-ehˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ jah-eu deuˬ pyeuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, nui ma gʼahˇ dui dui-eu meh.

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Iˇsaˬyaˇ 7:9

Iˇsaˬleˬlaˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Saˬmaˬliˆ meuˬ taꞈ-ehˇ maˬ paˇ kʼaˆ dzehˬ-ehˇ, Saˬmaˬliˆ meuˬ kʼawꞈ sahˬ paˬ Peˬkah aˬ yawꞈ-euˬ mawˇ do taꞈ-ehˇ maˬ paˇ kʼaˆ dzehˬ nya-aˇ. “Nawˇ jah-eu nui ma maˬ ziꞈ naˇ, aˇ yamˬ gʼawˬ myahˇ ni maˬ gmˬ-aˇ”

Zeˬpaˬniˇ 3:2

Dawˬ muiˬ tmˇ-eu maˬ gʼoˆ geuꞈ-ehˇ, mehˬ gaˇ tsoˆ gaˇ maˬ naˇ haˬ-a. Sahˬpaˬ Miˬyehˇ-ahˇ maˬ gʼoe-ehˇ, Miˬyehˇ dawˬ peh maˬ nyiˬ laˇ-a.

Dawˬmehˬ 1:32

Ngaˇ kʼoeˇ loꞈ-ehˇ ehˇ-euˬ kʼawꞈ, Sahˬpaˬ Miˬyehˇ-ahˇ naw maꞈ maˬ jah-a.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

1 Yoˇhaˬ 5:10

Miˬyehˇ-euˬ Zaˬmaˇ-ahˇ kʼaˇ jah-eu tsawˇ haˬ-euˬ nui ma laꞈ kʼoeˇ, Miˬyehˇ neh saˇ kiˇ kamˬ taˬ-euˬ jeˬ ahˇ-eu meh. Ehˇ kʼawꞈ, Miˬyehˇ-ahˇ maˬ jah-eu tsawˇ haˬ-aˬ, Miˬyehˇ jaˬ myawꞈ myawꞈ-euˬ meh lehˇ bi doˆ laˇ ni jahˇ gaˇ duˇ-eu meh. Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ gaˇ kawˆ ehˇ taˬ-euˬ dawˬ-ahˇ aˬ yawꞈ maˬ jah-a.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.