Jaceuq 77:18 - Akha

¹⁸ Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nawq-euq mqjeq-euq tersar jaqlaer laerzeuv-euq lafkhoer manrluf-awr, Mqmyawf myawf-awr mirtsaq-anr bi byalar-eu uqtaf, Mirtsaq tanqkhawr yawdzuq dzuq-awr nyaenyae-aer jav-eu mae.

Jaceuq 77:18 Iomraidhean Croise

2 Saˬmeuˬlaˆ 22:14

Mˬ taˆ jawˇ-eu Sahˬpaˬ Miˬyehˇ, Dawˬ tawˆ kʼoeˇ taˆ Huiˬ-eu kʼoeˇ gʼaˬ, mˬ jeˬ jeˬ-awˇ dawˬ ngehˬ-eu meh.

2 Saˬmeuˬlaˆ 22:8

Aˬ yawꞈ nui ma pehˇ-eu miˇ neh, miˇ tsaˬ tahˬ kʼawˇ nyeh jiˇ laˇ-awˇ, mˬ-euˬ dawˬ pehˬ yaˇ laˇ-euˬ meh.

Jaceuq 104:7

Iˇ cuꞈ-ahˇ nawˇ dehˬ ngeh iˇ cuꞈ cehˆ byoˆ-awˇ, nawˇ yaw kʼaˆ-ehˇ guˇ-awˇ dawˬ biꞈ ngeh cehˆ byaˆ jiˇ-eu meh.

Jaceuq 18:14

Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

Jaceuq 18:15

Sahˬpaˬ Miˬyehˇ-oˇ, muiˇ-eu deuˬ-ahˇnawˇpehˇlaˇ-awˇ, naˇmehˇnaˇsaꞈbaw gʼeh leꞈngeh, laˆshaˆdawˬdah mawˇjiˇlaˇ-awˇ, miˇtsaˬduˬpuˇneˇmyawˆni meh.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 97:4

Aˬ yawꞈ-euˬ mˬ jeˬ tsawˬ tehˆ miˇ tsaˬ-ahˇ yaw shehꞈ bya-awˇ, miˇ tsaˬ yaw dzuˬ dzuˬ-eu meh.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Haˬbaˬkuˆ 3:4

Mˬ myawꞈ myawꞈ ngeh bya-eu loꞈ-ehˇ, aˬ yawꞈ oe-eu yaw shehꞈ bya-awˇ, baoˬ tuˆ zaꞈ-euˬ aˬ laꞈ kʼoeˇ laꞈ, yaw shehꞈ bya cehˆ ni jaˆ-eu meh.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 18:1

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh paˇ zaꞈ ka le gaˇ ngaˇ ya mawˇ-euˬ ma. Aˬ yawꞈ-aˬ, huiˬ dui dui-eu uˆ lahˇ-eu baoˬ ahˇ-awˇ, aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ yawˬ gaˇ na luꞈ bya keuˆ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Yaˇ kʼaˬ daˇ 5:4

Sahˬpaˬ Miˬyehˇ-oˇ, Siˇyaˆ gawˬ jawˬ deuˬ-ahˇ nawˇ byehˇ yaꞈ ngeh, Eˬdoˬ miˇ kʼahˬ laꞈ kʼoeˇ neh nawˇ doˆ laˇ ngeh, miˇ tsaˬ tahˬ kʼawˇ luˆ luˆ-ehˇ nyeh laˇ-awˇ, mˬ kʼoeˇ taˆ neh uˬ yehˇ yehˇ le-euˬ meh. Mˬ dmˇ-ahˇ iˇ cuꞈ yoeˇ doˆ le-euˬ meh.