Jaceuq 77:12 - Akha

¹² Nawˬ neh mˇ yaꞈ-euˬ gaˇ dawˬ tawˆ luꞈ-ahˇ ngaˇ paˇ shaˇ noeˬ poˆ ma. Nawˬ-euˬ huiˬ-eu gaˇ kʼoeˇ deuˬ-ahˇ, ngaˇ ciˬ cuˇ ni shaˇ noeˬ-awˇ gʼaˬ yuˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar, nawq nae khar mryaf-euq gardeuq-euq garkawv khawf, dzardzivdziv ma. Nawq nae mr-euq deuq-euq garkawv sharnoeq sharsawx ma.

Jaceuq 77:12 Iomraidhean Croise

Jaceuq 104:34

Ngaˇ laˬ kʼaˬ cehˇ-eu jeˬ aˬ yawꞈ jawˇ gaˇ neh doˆ le-euˬ miˇ neh, ngaˬ-euˬ caˇ dawˬ-ahˇ aˬ yawꞈ nui ma tsaˬ luꞈ-uˇ.

Jaceuq 105:2

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ, aˬ cawˬ-ahˇ dzawˇ nehˬ-awˬ.

Jaceuq 105:5

Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.

Jaceuq 119:52

Sahˬpaˬ Miˬyehˇ-oˇ, aˇ hu nawˬ neh yaˇ kʼaˬ daˇ-euˬ gaˇ ngaˇ noeˬ keuˆ-awˇ, ngaˇ nui saˇ za-eu ma.

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Jaceuq 145:11

Nawˇ uˆ lahˇ-eu jeˬ baoˬ yaw shehꞈ kʼahˬ sehˇ huiˬ-eu gaˇ kawˆ aˬ yawꞈ maꞈ ja-awˇ, nawˬ-euˬ baoˬ gaˇ kawˆ ja tehꞈ-a.

Jaceuq 145:4

Nawˬ neh mˇ-euˬ gaˇ deuˬ-ahˇ, tiˬ ziˇ saˇ-iˬ tiˬ ziˇ ja ceuˬ tehꞈ-a. Nawˬ neh mˇ-euˬ huiˬ-eu gaˇ deuˬ-ahˇ ja gaˬ tehꞈ-a.

Jaceuq 71:24

Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Dawˬmehˬ 6:7

Zahˇ dawˬ kʼoꞈ dawˬ kʼoeˇ deuˬ naw maꞈ-euˬ zaˬ deuˬ uˆ deuˬ-ahˇ mehˬ nehˬ tsoˆ nehˬ-awˬ. Iˇ kahˇ jawˇ ngeh maˬ ehˇ, gaˇ mahˇ kaˬ gaˇ ya -iˇ ngeh maˬ ehˇ, gʼaˬ naˬ naˬ luꞈ ngeh maˬ ehˇ, gaˇ mˇ luꞈ ngeh maˬ ehˇ, zahˇ dawˬ kʼoꞈ dawˬ kʼoeˇ deuˬ-ahˇ gui poˆ poˆ-awˬ.

Dawˬmehˬ 7:18

Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ jahˇ nehˬ-euˬ gaˇ noeˬ keuˆ-awˬ.

Dawˬmehˬ 7:19

Naw maꞈ-euˬ myaˆ-ahˇ ya mawˇ duˬ-euˬ guˆ dui dui laˇ paˬ-ehˇ gʼeh-eu jeˬ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ, huiˬ-eu baoˬ hawˇ-eu gʼaˬ, heu deuˬ-ahˇ gʼoe-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bi buˬ-iˇ laꞈ-euˬ gaˇ noeˬ keuˆ-awˬ. Iˇjiˇtuˆ tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ-euˬ loꞈ-ehˇ, iˬ nah naw maꞈ guˆ luꞈ-eu tsawˇ haˬ dawˬ tawˆ luꞈ-ahˇ aˬ yawꞈ laˆ luˬ laˆ seˇ nehˬ tehꞈ-a.