Jaceuq 75:7 - Akha

⁷ Yaˇ kʼaˬ daˇ-euˬ gʼaˬ Miˬyehˇ pyeuꞈ-awˇ, tiˬ deuˬ-ahˇ nawˬ awˆ-awˇ, tiˬ deuˬ-ahˇ gʼeu tuˇ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aerkhawf, yarkhaq dar-eu ghaq-aq, Miqyaer mae; Aqyawf, tiq ghaq-anr yurka-awr, tiq ghaq-anr ciqgor naeq-eu mae.

Jaceuq 75:7 Iomraidhean Croise

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Saˬmeuˬlaˆ 6:21

Daˬbiˇ ehˇ-eu, “Sahˬpaˬ Miˬyehˇ-euˬ Iˇsaˬleˬlaˆ tsawˇ jeuˬ-ahˇ bi sheuˬ gʼeh-eu gʼaˇ duˬ, nawˬ da hawˇ-eu nawˬ da-euˬ nymˇ jiˇ-ahˇ maˬ tseˇ doˆ ni, ngaˬ-ahˇ tseˇ doˆ-euˬ gʼaˬ pyeuꞈ-eu Sahˬpaˬ Miˬyehˇ-ahˇ, ngaˇ gaˇ nyeh nyeh-awˇ ciˬ huiˬ ciˬ mahˇ nehˬ-euˬ ma. Mehˬ hu paw dehꞈ daˆ leꞈ ngeh kʼawꞈ, ngaˇ gaˇ nyeh nyeh nyeh-ehˇ Sahˬpaˬ Miˬyehˇ-ahˇ ciˬ huiˬ ciˬ mahˇ ma.

Jaceuq 147:6

Nui nahˬ nui yu ahˇ-eu deuˬ-ahˇ aˬ yawꞈ gʼeu tuˇ-awˇ, haiˬ-eu tsawˇ haˬ deuˬ-ahˬ miˇ tsa nawˬ pahˬ nehˬ-eu meh.

Jaceuq 50:6

Miˬyehˇ tsaˬ-eu dawˇ-eu gaˇ kawˆ hawˇ-eu, yaˇ kʼaˬ daˇ-eu gʼaˬ pyeuꞈ-eu gaˇ kawˆ, mˬ saˇ kiˇ kamˬ luꞈ-eu meh.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Daˬyeˬlaˇ 2:37

Sahˬ paˬ-oˇ, nawˇ-aˬ, sahˬ paˬ dawˬ tawˆ kʼoeˇ taˆ huiˬ dzehˬ-eu sahˬ paˬ pyeuꞈ-eu meh. Mˬ taˆ Miˬyehˇ neh nawˬ-ahˇ baoˬ hawˇ-eu gʼaˬ biꞈ-euˬ uˬ taꞈ, aˬ cawˬ taˬ huiˬ taˬ mahˇ-eu jeˬ kʼawꞈ biꞈ-euˬ meh.

Daˬyeˬlaˇ 5:18

“Dawˬ tawˆ kʼoeˇ taˆ huiˬ-eu Miˬyehˇ neh nawˬ da-ahˇ huiˬ dui dui-eu sahˬ paˬ tiˬ gʼaˬ bi pyeuꞈ laˇ-awˇ, baoˬ yaw shehꞈ kʼahˬ sehˇ biꞈ nehˬ-euˬ meh.

Luˇkaꞈ 1:52

Dzoeˬ dzaˬ sahˬ paˬ yaw gʼeh deuˬ-ahˇ, nuiˇ mahˬ-ahˇ neh gʼeu ka nehˬ-awˇ, nui nahˬ nui yu ahˇ-eu deuˬ-ahˇ, yaw goˇ-ahˇ ciˬ daˆ nehˬ-eu meh.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

1 Saˬmeuˬlaˆ 15:23

Aˬ yawꞈ-ahˇ puiˬ-eu jeˬ-aˬ, jaˬ nehꞈ pyehˬ-eu naˆ ni doeˇ-awˇ, nui ma gʼahˇ-eu jeˬ-aˬ, miˬ yehˇ nui gʼaˬ-ahˇ uˬ duˬ tahˬ-eu naˆ ni iˬ baˇ huiˬ-eu meh. Sahˬpaˬ Miˬyehˇ-euˬ dawˬ-ahˇ nawˇ byehˇ dzeh-euˬ miˇ neh, nawˬ-ahˇ sahˬ paˬ lehˇ maˬ paˇ sawˇ nehˬ ni, aˬ yawꞈ gʼeh nawˬ-ahˇ byehˇ dzeh-euˬ meh.”

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”