Jaceuq 74:12 - Akha

¹² Ehˇ kʼawꞈ, Miˬyehˇ nawˇ-aˬ, aˇ dahˬ beh ngeh neh nga maꞈ-euˬ sahˬ paˬ pyeuꞈ-eu ma. Nga maꞈ-ahˇ nawˇ gʼawˬ mya poˆ ka kʼoꞈ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqjeq mirnae aernar-aq, Miqyaer-aq, arhuba nae ngaq-euq Sanqpaq ma. Mirtsaq-euq khoertav kakhof-eu gar mrluf-eu mae.

Jaceuq 74:12 Iomraidhean Croise

Jaceuq 44:4

Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

Jaceuq 5:3

Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 63:8

Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ tsawˇ jeuˬ ma. ngaˬ-ahˇ jaˬ myawꞈ maˬ myawꞈ-aˇ” lehˇ ehˇ-awˇ, aˬ yawꞈ maꞈ-ahˇ ka kʼoꞈ-euˬ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Gʼaˬkʼehˇ 7:7

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-euˬ tsawˇ jeuˬ koeˇ jeuˬ-ahˇ ngaˇ yaˇ kʼaˬ daˇ-awˇ, aˬ yawꞈ maꞈ-ahˇ miˇ kʼahˬ kʼoeˇ kʼahˬ laꞈ kʼoeˇ neh bi doˆ laˇ ma. Kʼoeˇ ngeh, jawˇ duˬ heu tsahˇ-ahˇ aˬ yawꞈ maꞈ ngaˬ-ahˇ uˬ duˬ tahˬ tehꞈ-a.’

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”