Jaceuq 73:27 - Akha

²⁷ Nawˬ-ahˇ byehˇ dzeh-eu tsawˇ haˬ deuˬ aˬ diˇ aˬ maˇ ya luˬ ya seˇ-iˇ tehꞈ-a. Nawˬ-ahˇ saˇ jaˇ maˬ ziꞈ-eu tsawˇ haˬ deuˬ-ahˇ nawˇ laˆ luˬ laˆ seˇ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Hawsher-eq, nawq-anr nae garmanr kaq-eu gar jawr-eu deuq yacawv-ir taef-a. Nawq-anr sarjax maqzif-aer khar byaerdzae-euq tsawrhaq dawqtawv luf-anr, Nawr lavcawv-eu mae.

Jaceuq 73:27 Iomraidhean Croise

1 Laˬsaˬbaˬ 10:13

Sawˇluˆ-aˬ, Sahˬpaˬ Miˬyehˇ-ahˇ saˇ jaˇ maˬ ziꞈ-eu miˇ neh ya shiˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, shiˇ dzeuˇ-euˬ tsawˇ haˬ deuˬ-euˬ yaw sahˇ-ahˇ gʼoe-awˇ yaw dehꞈ dehꞈ-euˬ meh.

Iˇsaˬtaˆ 9:30

Sahˬ boꞈ kʼoeˇ taꞈ-aˬ, Yuˇdaˆ tsawˇ haˬ dawˬ tawˆ luꞈ-ahˇ boꞈ nehˬ-euˬ sahˬ boꞈ tiˬ taꞈ pyeuꞈ-awˇ, sahˬ paˬ Dzeuˬsehˆ uˆ lahˇ-eu miˇ kʼahˬ tiˬ yaˇ nyiˬ tseˇ shiꞈ kʼahˬ luꞈ-ahˇ pyehˬ byah gʼeh-euˬ meh. Sahˬ boꞈ kʼoeˇ taꞈ laꞈ kʼoeˇ nui saˇ oꞈ-eu jeˬ Yuˇdaˆ tsawˇ haˬ deuˬ kʼoeˇ taˆ keuˆ le luꞈ-uˇ lehˇ boꞈ taˬ-euˬ meh.

Jaceuq 106:39

Aˬ yawꞈ maꞈ maˬ muiˬ-eu jeˬ mˇ-euˬ baˬ da neh, yawˬ haˇ yawˬ ha maˬ shawˇ ni laˆ pyeuꞈ-awˇ, Miˬyehˇ-ahˇ saˇ jaˇ puiˬ-euˬ meh.

Jaceuq 119:155

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, ka kʼoꞈ-eu jeˬ maˬ za nya-a.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Yeˬlaˬmiˇ 12:2

Aˬ yawꞈ maꞈ-ahˇ nawˇ ka dehꞈ-awˇ ciˇ tahˬ bi iˇ-euˬ meh. Aˬ yawꞈ maꞈ mehˇ laˇ-awˇ aˇ siˬ siˬ laˇ-euˬ meh. Aˬ yawꞈ maꞈ-euˬ mehˬ boeˬ nawˬ-ahˇ ja muiˬ luꞈ kʼawˬ, nui ma laꞈ kʼoeˇ nawˬ-ahˇ maˬ noeˬ keuˆ-a.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Bawˇtsahˬ 15:39

Dawˬ sheuˇ kʼoeˇ-aˬ, naw maꞈ gʼaˇ duˬ bi noeˬ mawˇ-eu jeˬ pyeuꞈ tehꞈ-a. Aˬ myah luꞈ dawˬ sheuˇ kʼoeˇ-ahˇ naw maꞈ kʼaˇ mawˇ ngeh, ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ noeˬ mawˇ-awˇ naˇ haˬ geuꞈ-eu laꞈ kʼoeˇ, naw maꞈ-euˬ nui kʼahˇ maˬ mˇ-ehˇ, ngaˬ-ahˇ maˬ byehˇ dzeh ni dehꞈ tehꞈ-a.

Eˇpeˇsu 2:13

Ehˇ kʼawꞈ, nymˬ-mˇ-aˬ, Ka li shiˇ dah-euˬ baˬ da neh, gaˇ mahˇ kaˬ-eu tsawˇ haˬ pyeuꞈ-eu naw maꞈ Yeˬsuˇ Ka li laꞈ kʼoeˇ dawˬ peh peh laˇ-euˬ meh.

Eˇpeˇsu 2:17

Ka li oe-awˇ Miˬyehˇ-ahˇ gaˇ mahˇ kaˬ-eu naw maꞈ-ahˇ maˬ ehˇ, Miˬyehˇ-ahˇ peh-eu Yuˇdaˆ tsawˇ haˬ deuˬ-ahˇ maˬ ehˇ, tsaˬ leˇ dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ mehˬ le-euˬ meh.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.