Jaceuq 73:24 - Akha

²⁴ Nawˇ ngaˬ-ahˇ mehˬ-awˇ tsoˆ-awˇ sheuˬ gʼeh-eu laꞈ kʼoeˇ, aˇ saˬ saˬ laˇ ngeh nawˇ ngaˬ-ahˇ ciˬ huiˬ ciˬ mahˇ nehˬ laꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Nawr, ngaq-anr nawq-euq maeqbawq nae sheuqghae naeqlaf-awr; Arsaq saqlar ngae nawr, ngaq-anr yawshaef khanqsaer-euq lafkhoer, Hageuf naeqlaf taef-a.

Jaceuq 73:24 Iomraidhean Croise

Jaceuq 16:7

Ngaˬ-ahˇsheuˬgʼeh laꞈ-eu miˇneh, SahˬpaˬMiˬyehˇ-ahˇja ceuˬma. Ngaˬ-euˬsiˬnya-eu nui ma heu, uˬciꞈngaˬ-ahˇ bi noeˬ-eu meh.

Jaceuq 25:9

Nui nahˬnui yu ahˇ-eu deuˬ-ahˇ, tsaˬ-eu gaˇma-ahˇ sheuˬgʼeh-awˇ, yawꞈ-euˬnui noeˬ mehˬnehˬ-eu meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Jaceuq 49:15

Ehˇ kʼawꞈ Miˬyehˇ ngaˬ-ahˇ ka kʼoꞈ le-awˇ, shiˇ-eu jeˬ-euˬ baoˬ laꞈ kʼoeˇ, ngaˬ-ahˇ bi dzeuˇ-iˇ laꞈ tehꞈ-a.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Dawqdaq 8:20

Yaw tsaˬ yaw dawˇ gaˇ jawˬ-ahˇ ngaˇ cah-awˇ, yaw sui yaw dawˇ gaˇ ma-ahˇ ngaˇ iˇ-eu laꞈ kʼoeˇ,

Iˇsaˬyaˇ 30:21

Naw maꞈ gaˇ oˆ gaˇ taˆ cah lehˬ iˇ lehˬ ngeh, “Gaˇ ma heu gaˇ dahˇ meh. Gaˇ ma-ahˇ cah-awˬ” lehˇ, naw maꞈ-euˬ naˇ kʼah aˬ yawꞈ jawˇ-awˇ ehˇ tehꞈ-a.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Bawˇtsahˬ 9:22

Nyiˬ nah myahˇ-eu maˬ ehˇ, ba la tiˬ siˬ myahˇ-eu maˬ ehˇ, tiˬ kʼoꞈ myahˇ-eu maˬ ehˇ, kʼoeˇ myah maˬ tseˇ myahˇ-eu maˬ ehˇ, mˬ dmˇ kʼoeˇ Sehˬ gʼawˆ kʼoeˇ taˆ kʼaˇ naˬ luꞈ kʼoeˇ keuˆ ni, aˬ yawꞈ maꞈ maˬ luˆ-iˇ ni jawˇ-euˬ meh. Ehˇ kʼawꞈ, mˬ dmˇ kʼoeˇ kʼaˇ daˆ leˇ ngeh aˬ yawꞈ maꞈ luˆ-iˇ-euˬ meh.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Luˇkaꞈ 23:46

Kʼoeˇ ngeh, Yeˬsuˇ yaw kʼaˆ-ehˇ guˇ-awˇ, “Aˬda-oˇ, ngaˬ-euˬ saꞈ laˇ-ahˇ nawˬ-euˬ aˬ laꞈ laꞈ kʼoeˇ a nehˬ-eu ma” lehˇ ehˇ-eu meh. Kʼoeˇ loꞈ-ehˇ guˇ gʼaˬ ngeh, aˬ yawꞈ saꞈ tsehˆ leˇ-euˬ meh.

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Yoˇhaˬ 16:13

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Yoˇhaˬ 17:5

Miˇ tsaˬ tahˬ kʼawˇ maˬ beh mi naˆ-ehˇ, nawˬ neh ngaˬ-ahˇ biꞈ taˬ-euˬ yaw shehꞈ kʼahˬ sehˇ kʼoeˇ, nawˬ-euˬ mehˬ shi aˬ cawˬ-ahˇ bi mawˇ laꞈ-awˬ.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Dawˬmehˬ 18:2

Iˇsaˬleˬlaˆ tsawˇ jeuˬ nui deuˬ loꞈ-ehˇ, Leˬbiˇ tsawˇ haˬ tiˬ gʼaˬ-iˬ yawˬ ha-euˬ miˇ tsaˬ pehˇ tsahˇ maˬ ya bi baw-a. Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ-euˬ piˇ ma deuˬ ya geuꞈ-eu kʼoeˇ-aˬ, aˬ yawꞈ maꞈ-euˬ jeˬ biˇ meh.

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.