Jaceuq 73:19 - Akha

¹⁹ Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Or-oq, aqyawfmaf tiqpov taef-aer bi lavcawv-awr; Aqyawfmaf, guv-awr gav-eu jeq nae yabi puivdzaqjir taef-a.

Jaceuq 73:19 Iomraidhean Croise

Yawˇbaˆ 15:21

Guˆ-eu gaˆ-eu teˇ saˇ aˬ yawꞈ-euˬ naˬ bawˇ-ahˇ ya gaˬ-awˇ, kʼahˬ lahˇ kʼaˇ maˬ za ma lehˇ noeˬ ngeh, tahˇ joe joe gaˇ ya daˬ tehꞈ-a.

Yawˇbaˆ 18:11

Guˆ-eu gaˆ-eu jeˬ aˬ yawꞈ-euˬ tiˬ jawˬ loꞈ luꞈ-awˇ aˬ yawꞈ kuiˇ toꞈ kʼaˇ ciˬ gaˇ caw teh luꞈ meh.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Jaceuq 58:9

Aˬ yawꞈ maꞈ-ahˇ maˬ siˬ leˇ mi naˆ-ehˇ, yaˇ moꞈ loꞈ-ehˇ bi myaˬ dzeh jiˇ tehꞈ-a. Miˬyehˇ nui ma pehˇ-eu laꞈ kʼoeˇ, aˬ yawꞈ maꞈ yaw dehꞈ-ehˇ jawˇ gaˇ myaˬ dzeh nehˬ tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Dawˬ tsoˆ 9:12

Tsawˇ haˬ tiˬ gʼaˬ-iˬ yawˬ ha-euˬ aˇ yamˬ aˇ law maˬ siˬ nya-a. Lahˇ ju-ahˇ paꞈ leˇ-euˬ aˇ jiˇ hawˇ-eu ngaˬ myahˬ-ahˇ paꞈ leˇ-euˬ ngaˬ shaˬ loꞈ-ehˇ, maˬ noeˬ miˇ-ahˇ aˬ dui kʼoeˇ taˆ yaw doeˇ jeˬ keuˆ le nya-eu meh.

Iˇsaˬyaˇ 30:13

Naw maꞈ iˬ baˇ huiˬ dui dui meh. Tsawˬ nga taˬ-euˬ meuˬ lahˇ lahˇ goˇ loꞈ-ehˇ, ja pyuˬ ni coˬ pyaˆ coˬ shaˆ jiˇ tehꞈ-a.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Daˬyeˬlaˇ 5:6

Aˬ yawꞈ-euˬ myaˆ pyawˬ pyuˇ pya ni pyeuꞈ-iˇ-awˇ, guˆ dui dui-iˇ-euˬ miˇ neh, aˬ kuiˇ pawˬ tsuiꞈ yaw dzuˬ dzuˬ-eu meh.

Bawˇtsahˬ 16:21

“Tsawˇ haˬ heu deuˬ nehˬ-ehˇ maˬ yawꞈ ni naˇ kʼah paw jiˆ kʼoꞈ-awˬ. Aˬ yawꞈ maꞈ-ahˇ ngaˇ tiˬ poˆ tehꞈ-ehˇ laˆ cawˆ nehˬ ma.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Panmaeq 18:10

Aˬ yawꞈ maꞈ-aˬ, aˬ yawꞈ-euˬ shaˬ zahˬ ya caw pi gaˇ guˆ-eu miˇ neh gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ ehˇ-eu, “Aˇ naˆ ni guˆ laˇ paˬ-ehˇ gʼeh-eu nga. Aˇ naˆ ni zahˬ leˇ paˬ-ehˇ gʼeh-eu nga. Baoˬ huiˬ dui dui-eu Baˬbuˇloˬ-oˇ, nawˇ-aˬ, naˬ liˬ tiˬ laꞈ laꞈ kʼoeˇ tehꞈ-ehˇ bi kʼehˬ byoˆ leꞈ-euˬ ngaˇ.”

1 Saˬmeuˬlaˆ 25:38

Tseˇ nah ehˇ gʼaˬ ni byah laˇ ngeh, Sahˬpaˬ Miˬyehˇ neh Naˬbaˬlaˇ-ahˇ bi shiˇ-euˬ meh.

1 Saˬmeuˬlaˆ 28:20

Saˬmeuˬlaˆ kʼoeˇ loꞈ-ehˇ ehˇ gaˇ Sawˇluˆ ya gaˬ ngeh, guˆ dui dui-eu miˇ neh, tiˬ poˆ tehꞈ-ehˇ coꞈ-iˇ-awˇ, ja sheu ni miˇ tsa ga-eu meh. Tiˬ nah tiˬ miˇ tiˬ jeˬ-iˬ maˬ dzaˬ ni jawˇ-awˇ, gʼaˬ baˬ dui dui-eu meh.