Jaceuq 72:8 - Akha

⁸ Aˬ yawꞈ-euˬ miˇ kʼahˬ iˬ ma laˆ shaˆ kʼoeˇ dzeˇ heu dzeˇ tuˆ-awˇ, Uˇpaˬlaˇ lawˇ baˬ-ahˇ neh mˬ dzeˇ miˇ dzeˇ keuˆ ni jeˇ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqyawf, iqmalavshav heudzer-anr nae khoerdzer-anr keuvni hawr-eu, Lawrbaq-anr nae mqdzer mirdzer-anr keuvni uvlanr taef-a.

Jaceuq 72:8 Iomraidhean Croise

1 Sahˬpaˬ 5:1

Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

Jaceuq 2:8

Nawˇ ngaˬ-ahˇshaˇhaw sheˇ. Miˇtsaˬtsawˇjeuˬ dawˬtawˆhawˇ-eu, Miˇkʼahˬ mˬdzeˇmiˇdzeˇkeuˆni, nawˬ-ahˇngaˇ biꞈjiˇnehˬ-eu ma.

Jaceuq 80:11

Gʼahˇ ceh-euˬ iˬ ma laˆ shaˆ-ahˇ keuˆ ni laˆ cawˬ gʼeh-awˇ, Uˇpaˬlaˇ lawˇ baˬ-ahˇ keuˆ ni cawˬ keuˆ taˬ-euˬ meh.

Jaceuq 89:25

Aˬ yawꞈ-euˬ miˇ kʼahˬ bi huiˬ bi jeˇ laˇ-awˇ, Gʼahˇ ceh-euˬ iˬ ma laˆ shaˆ-ahˇ neh Uˇpaˬlaˇ lawˇ baˬ-ahˇ keuˆ ni bi jaˆ ma.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Doˆ-iˇ 23:31

Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.

Zaˬkaˬliˇ 9:10

Sahˬpaˬ Miˬyehˇ ehˇ-eu, “Iˇsaˬleˬlaˆ-euˬ guiˇ laˆ lawˬ, Yeˬluˇsaˬlehˬ-euˬ guiˇ dziˬ mahˬ, dawˬ tawˆ luꞈ ngaˇ yuˇ byoˆ jiˇ-awˇ, Guiˇ deuˆ gaˇ geuꞈ-eu kaˆ myaˬ deuˬ, dawˬ tawˆ luꞈ ngaˇ laˆ cawˆ jiˇ ma. Naw maꞈ-ahˇ uˆ lahˇ-eu sahˬ paˬ, miˇ kʼahˬ tsawˇ jeuˬ-ahˇ tsaˬ leˇ-awˇ, laˆ shaˆ nyiˬ dzeˇ uˆ lahˇ gʼmˇ-awˇ, Uˇpaˬlaˇ lawˇ baˬ-ahˇ neh naˇ, mˬ dzeˇ miˇ dzeˇ dzoeˬ keuˆ tehꞈ-a.”

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”