Jaceuq 72:4 - Akha

⁴ Sahˬ paˬ gʼaˬ shaˬ zaˬ zahˬ zaˬ deuˬ-ahˇ dawˇ coe ni yaˇ kʼaˬ daˇ luꞈ-uˇ. Iˇ shaˬ zaˬ deuˬ-ahˇ aˬ yawꞈ caw ba nehˬ-awˇ, aˬ yawꞈ maꞈ kʼoeˇ taˆ nawˬ dzaˬ kʼaˆ dzaˬ-eu deuˬ-ahˇ, aˬ yawꞈ kʼehˬ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqyawf, tsawrhaqzaq-euq irshaqzaq-anr dawr-awr tsaq-eu jeq nae yarkhaq dar-awr; Aqyawf, shaqzaq zanqzaq-euq zaqdeuq-anr bibuq-ir-awr; Nawqdzaq khavdzaq-eu deuq-anr nawqmeur nawqloerjir naeq taef-a.

Jaceuq 72:4 Iomraidhean Croise

Yawˇbaˆ 19:2

“Aˬ jeˬ miˇ neh naw maꞈ ngaˬ-ahˇ dawˬ ngehˬ ngehˬ-awˇ maˬ tsehˆ leˇ ni kʼehˬ luꞈ kʼaˆ luꞈ te.

Yawˇbaˆ 34:24

Aˬ yuiꞈ aˬ tsu deuˬ-ahˇ yuˇ dzeh-awˇ nui gʼaˬ bi daˆ leˇ-eu gʼaˇ duˬ, aˬ yawꞈ pyehˆ tseˇ pyehˆ tseˇ-ehˇ jawˇ-eu maˬ loˬ-a.

Jaceuq 109:31

Aˬ jeˬ miˇ neh ehˇ naˇ, shaˬ zaˬ zahˬ zaˬ-ahˇ aˬ yawꞈ haw piˇ-awˇ, shiˇ gaˇ keuˆ ni kʼaˆ dzaˬ-eu deuˬ-euˬ laꞈ-ahˇ ka kʼoꞈ doˆ nehˬ-eu meh.

Jaceuq 2:9

Yawꞈmaꞈ-ahˇ shmˇkahˬneh zuiˆ-awˇ, diˬkʼehꞈdiˬkʼoeˆnehˬ-eu uˬtaꞈ, mui deuˇ deh paˆdzeh-eu loꞈ-ehˇ, deh meuˇ deh loeˇ-awˇ bi ga-awˬ.’ ”

Jaceuq 94:5

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ aˬ yawꞈ maꞈ nawˬ tehˬ-awˇ, nawˬ-ahˇ taꞈ-eu tsawˇ haˬ deuˬ kʼoeˇ taˆ kʼaˆ dzaˬ-eu meh.

Dawqdaq 20:26

Tsawˇ gahˇ byah-eu sahˬ paˬ tsawˇ doeˇ baw shawˇ doˆ-awˇ, laˆ lawˬ aˇ beuˆ neh lehˬ-eu meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Iˇsaˬyaˇ 42:3

Daˇ gʼahˬ taˬ-euˬ aˇ toꞈ aˇ kahˬ aˬ yawꞈ maꞈ ngawˬ kʼehꞈ-ehˇ, miˆ-iˇ luꞈ-eu tsiˇ kʼmˬ aˬ yawꞈ maˬ baw miˆ ni, dawˬ tawˆ kʼoeˇ taˆ yaw tsaˬ yaw dawˇ jeˬ bi keuˆ le-eu meh.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Zaˬkaˬliˇ 11:11

Kʼoeˇ miˇ neh, dawˬ ma saˇ jaˇ kʼoeˇ hmˬ kʼoeˇ ngeh nah cawˆ-iˇ-euˬ meh. Yawˇ gaꞈ-eu tsawˇ haˬ kʼoeˇ deuˬ ngaˇ mˇ gaˇ haw tsoˆ taˬ-awˇ, ngaˬ neh mˇ-euˬ jeˬ laꞈ kʼoeˇ Sahˬpaˬ Miˬyehˇ dawˬ ngehˬ luꞈ-eu nga lehˇ haw siˬ-euˬ meh.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 18:24

Bawˇlawˇpeh deuˬ-euˬ shiˬ, tsawˇ muiˬ tsawˇ jaˬ-euˬ shiˬ, miˇ tsaˬ heu-euˬ kʼoeˇ taˆ, kʼaˇ bi sehꞈ yoeˇ-euˬ shiˬ, nawˬ-euˬ laꞈ kʼoeˇ ya mawˇ-euˬ meh.”

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”