Jaceuq 72:3 - Akha

³ Miˇ kʼahˬ laꞈ kʼoeˇ baw le za le-awˇ, yaw tsaˬ yaw dawˇ jeˬ-ahˇ siˬ nya luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsaq-awr dawr-eu baqda’nae, gawqjawq deuq, tsawrhaqzaq-anr hawr-eu, Gawqdur durzaq deuq-anr nuisar of-eu jeq bi keuvle taef-a.

Jaceuq 72:3 Iomraidhean Croise

Jaceuq 65:12

Jeˬ zaˬ gaˆ kʼahˬ-ahˇ jeˬ zaˬ tiˬ teuˇ jawˇ-awˇ, gawˬ jawˬ baˬ gʼa-ahˇ laˬ kʼaˬ cehˇ-eu jeˬ byah luꞈ meh.

Jaceuq 72:16

Miˇ kʼahˬ laꞈ kʼoeˇ cehˇ za dui dui le luꞈ-uˇ. Gawˬ duˇ deuˬ-ahˇ cehˇ dehꞈ byah jiˇ-awˇ, Leˬbaˬnoˬ miˇ kʼahˬ loꞈ-ehˇ maˇ le luꞈ-uˇ. Deh ga-ahˇ yaˇ moꞈ dehꞈ gʼoeˬ taˬ-euˬ loꞈ-ehˇ, meuˬ deuˬ laꞈ kʼoeˇ tsawˇ haˬ behˇ dui dui luꞈ-uˇ.

Iˇsaˬyaˇ 45:8

Gʼaˬ leˇ-eu jeˬ mˬ kʼoeˇ taˆ neh, uˬ yehˇ yehˇ-eu loꞈ-ehˇ ngaˇ pyehˬ ka gaˇ, miˇ tsaˬ kʼawˬ pymˬ pah-awˇ ciˬ kʼmˇ geuꞈ ngeh, buˬ-iˇ law-iˇ-eu jeˬ hawˇ-eu yaw tsaˬ yaw dawˇ, aˇ yehˆ loꞈ-ehˇ poˬ laˇ tehꞈ-a. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loꞈ-ehˇ pyeuꞈ laˇ ni mˇ ma.”

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Iˇsaˬyaˇ 60:17

“Guiˬ shuiˇ dah zaˇ nawˬ-ahˇ ngaˇ shuiˇ yuˇ laꞈ nehˬ-awˇ, shmˇ hawˇ-eu daˇ kawˬ-euˬ dah zaˇ, pyuˇ hawˇ-eu guiˬ shuiˇ yuˇ laꞈ-awˇ, kʼaˬ lo-euˬ dah zaˇ shmˇ yuˇ laꞈ nehˬ ma. Nawˬ-ahˇ uˆ lahˇ-eu deuˬ nawˬ-ahˇ maˬ paˇ kʼehˬ ni, yaw tsaˬ yaw dawˇ hawˇ-eu tsaˬ leˇ tsahˇ leˇ-eu jeˬ laꞈ kʼoeˇ, nawˬ-euˬ kʼoeˇ taˆ uˆ lahˇ ni ngaˇ jahˇ ma.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.