Jaceuq 72:2 - Akha

² Nawˬ-euˬ tsawˇ haˬ deuˬ-ahˇ dawˇ coe ni aˬ yawꞈ yaˇ kʼaˬ daˇ-awˇ, shaˬ zaˬ zahˬ zaˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya laˇ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf, nawq-euq tsawrhaq-anr tsaq-awr dawr-eu lafkhoer yarkhaq dar-awr, Irshaqzaq-anr dawr-awr tsaq-eu lafkhoer darnaeq taef-a.

Jaceuq 72:2 Iomraidhean Croise

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

1 Sahˬpaˬ 10:9

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Iˇsaˬleˬlaˆ miˇ kʼahˬ kʼoeˇ taˆ nawˬ-ahˇ sahˬ paˬ bi geuꞈ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-eu jeˬ mˬ maˬ maˬ byaˆ zaˇ ziˇ ziꞈ-eu miˇ neh, yaw tsaˬ yaw dawˇ laꞈ kʼoeˇ zahˇ dawˬ kʼoꞈ dawˬ-ahˇ tsaˬ ni aˬ yawꞈ maꞈ kʼoeˇ taˆ bi uˆ lahˇ-eu gʼaˇ duˬ, aˬ yawꞈ nawˬ-ahˇ sahˬ paˬ bi pyeuꞈ laˇ-euˬ nga.”

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Dawqdaq 29:14

Sahˬ zaˬ zahˬ zaˬ-ahˇ gʼawˬ shaˬ gaˬ-eu laꞈ kʼoeˇ haw piˇ-eu sahˬ paˬ dzoeˬ dzaˬ ziꞈ-eu meh.

Iˇsaˬyaˇ 32:1

Haw yawˬ. Yaw tsaˬ yaw dawˇ laꞈ kʼoeˇ uˆ lahˇ-eu sahˬ paˬ tiˬ gʼaˬ doˆ le tehꞈ-a. miˇ kʼahˬ-ahˇ haw-eu pyaˆ-eu aˬ yuiꞈ aˬ tsu deuˬ kʼawꞈ, yaw sui yaw dawˇ laꞈ kʼoeˇ haw pyaˆ tehꞈ-a.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 33:15

Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, yaw tsaˬ yaw dawˇ tsawˇ haˬ tiˬ gʼaˬ-ahˇ sahˬ paˬ bi geuꞈ-eu gʼaˇ duˬ ngaˇ tseˇ doˆ ma. Sahˬpaˬ kʼoeˇ gʼaˬ-aˬ, miˇ kʼahˬ kʼahˬ lah ni kʼoeˇ taˆ yaw tsaˬ yaw dawˇ jeˬ mˇ tehꞈ-a.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.