Jaceuq 72:16 - Akha

¹⁶ Miˇ kʼahˬ laꞈ kʼoeˇ cehˇ za dui dui le luꞈ-uˇ. Gawˬ duˇ deuˬ-ahˇ cehˇ dehꞈ byah jiˇ-awˇ, Leˬbaˬnoˬ miˇ kʼahˬ loꞈ-ehˇ maˇ le luꞈ-uˇ. Deh ga-ahˇ yaˇ moꞈ dehꞈ gʼoeˬ taˬ-euˬ loꞈ-ehˇ, meuˬ deuˬ laꞈ kʼoeˇ tsawˇ haˬ behˇ dui dui luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Mirtsaq-euq khoertav, gawqjawq uqdu sanqlanqdar tiqbyan tiqlof javle taef-a. Arsiq arlu deuq Leqbaqnoq lof-aer nyaenyae-aer jav-awr; Meuq-anr jawr-eu deuq, mirtsaq-anr daef-eu yarmof lof-aer myaqlar baerlar taef-a.

Jaceuq 72:16 Iomraidhean Croise

1 Sahˬpaˬ 4:20

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.

Yawˇbaˆ 5:25

Nawˬ-euˬ zaˬ nawˬ-euˬ uˆ deuˬ deh ga-ahˇ dehꞈ-eu yaˇ moꞈ loꞈ-ehˇ myaˬ laˇ behˇ laˇ tehꞈ-a.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Jaceuq 104:16

Sahˬpaˬ Miˬyehˇ neh ka taˬ-euˬ aˇ bawˇ deuˬ pyeuꞈ-eu, Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ deuˬ, uˬ yehˇ tiˬ loꞈ za-eu meh.

Jaceuq 72:6

Sahˬ paˬ gʼaˬ deh ga-ahˇ yehˇ le-eu uˬ yehˇ-ahˇ duˇ luꞈ-uˇ. Miˇ tsaˬ-ahˇ yehˇ shehˬ le-eu uˬ yehˇ-ahˇ duˇ luꞈ-uˇ.

Iˇsaˬyaˇ 29:17

Tiˬ kʼehˇ laˇ kʼehˬ aˇ yamˬ laꞈ kʼoeˇ, aˇ bawˇ sahˬ kʼaˆ yaˇ mˇ deˬ-awˇ, yaˇ saˬ kʼehˬ ma jeˬ laˇ tehꞈ-a.

Iˇsaˬyaˇ 30:23

Naw maꞈ neh siˬ yoeˬ kʼaˇ sehˬ-euˬ gaˇ, Sahˬpaˬ Miˬyehˇ uˬ yehˇ bi yehˇ le-awˇ, bi dehꞈ muiˬ laˇ-eu laꞈ kʼoeˇ, dzaˬ la gʼo cehˇ za dui dui le-eu uˬ taꞈ, naw maꞈ-euˬ mawˇ nyoˬ jeˬ kaˇ deuˬ gʼaˇ duˬ, jeˬ zaˬ gaˆ kʼahˬ jeˇ dui dui tehꞈ-a.

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Iˇsaˬyaˇ 32:20

lawˇ gawˆ dawˬ peh ya ka dzaˬ ya ka dawˇ-awˇ, mawˇ neˇ hawˇ-eu mahˬ tahˬ laˆ pyehˬ taˬ-euˬ naw maꞈ, laˬ kʼaˬ cehˇ duˬ aˇ naˆ ni huiˬ-eu nga.

Iˇsaˬyaˇ 35:2

Kʼaˇ shuiꞈ deh yaˇ caˇ dawˬ caˇ-awˇ, laˬ kʼaˬ cehˇ-awˇ guˇ tehꞈ-a. Kʼaˇ shuiꞈ deh yaˇ kʼoeˇ Leˬbaˬnoˬ gawˬ jawˬ loꞈ-ehˇ, haw muiˬ dui dui laˇ-awˇ, Gaˬlaˬmeˬlaˇ gawˬ jawˬ hawˇ-eu Shaˬloˬ deh kʼawꞈ loꞈ-ehˇ, miˇ tsaˬ miˇ muiˬ muiˬ laˇ tehꞈ-a. Sahˬpaˬ Miˬyehˇ-euˬ yaw shehꞈ kʼahˬ sehˇ, huiˬ-eu mahˇ-eu jeˬ hawˇ-eu baoˬ-ahˇ, yawˬ gʼaˬ na luꞈ ya mawˇ tehꞈ-a.

Yeˬlaˬmiˇ 33:22

Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 4:4

Ehˇ kʼawꞈ, dawˬ mehˬ mehˬ gaˇ ya gaˬ-euˬ tsawˇ haˬ gʼawˬ mya ni jah laˇ-awˇ, jah-eu tsawˇ haˬ ngaˬ heˇ gʼaˬ byah laˇ-euˬ meh.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

Panmaeq 7:9

Kʼoeˇ naˇ, ngaˇ paˇ haw gʼeh ngeh, tsawˇ haˬ tiˬ gʼaˬ-iˬ maˬ gui jiˇ coeˇ ni myaˬ-eu tsawˇ haˬ aˇ maꞈ tiˬ maꞈ-ahˇ ya mawˇ-euˬ ma. Aˬ yawꞈ maꞈ-aˬ, miˇ tsaˬ tsawˇ jeuˬ tsawˇ ca dawˬ tawˆ luꞈ-ahˇ taꞈ-eu tsawˇ haˬ deuˬ pyeuꞈ-awˇ, pyuˇ deuˬ ni gʼeh-eu pehˇ kʼahˬ pehˇ mahˇ dm-awˇ aˬ laꞈ-ahˇ daoˇ uˬ pyaˬ yuˇ luꞈ-awˇ, dzoeˬ dzaˬ nuiˇ mahˬ hawˇ-eu Yawˇzaˬ-euˬ mehˬ shi yawꞈ luꞈ-eu meh.