Jaceuq 71:19 - Akha

¹⁹ Miˬyehˇ-oˇ, nawˬ-euˬ yaw tsaˬ yaw dawˇ jeˬ mˬ-ahˇ keuˆ ni tuˆ-awˇ, huiˬ-eu gaˇ deuˬ nawˇ mˇ yaꞈ-euˬ meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Miqyaer-or! Nawq-euq yawtsaq yawdawr jeq, zawr-aer gor-awr, Huiq-eu gardeuq nawr mryaf-euq mae. Nawq-anr dur-eu tiqghaq-iq maqjawr-a.

Jaceuq 71:19 Iomraidhean Croise

Yawˇbaˆ 5:9

Aˬ yawꞈ neh mˇ-euˬ huiˬ-eu gaˇ deuˬ-ahˇ aˬ dui maˬ siˬ duˬ nya-a. Aˬ yawꞈ neh mˇ-euˬ zahˬ leˇ paˬ-ehˇ gʼeh-eu jeˬ maˬ gui jiˇ coeˇ ni jaˆ-eu meh.

Jaceuq 139:6

Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.

Jaceuq 35:10

Ngaˬ-euˬpuˇnmꞈlaꞈkʼoeˇkeuˆni, SahˬpaˬMiˬyehˇ-ahˇehˇ-eu ma. “Nawˬ-ahˇduˇ-eu aˬsuˇjawˇta. Gʼaˬkʼaˆaˬda laꞈoˆshaˬ-eu, gʼaˬbaˬ-eu deuˬ-ahˇka kʼoꞈ-awˇ, nawˬdzaˬkʼaˆdzaˬgaˇdaˬluꞈ-eu, shaˬzaˬ-ahˇnawˇka kʼoꞈ-eu meh.”

Jaceuq 36:7

Miˬyehˇnawˇ gʼoeˇ-eu gaˬ-eu jeˬ, aˇnaˆni poeˬ-eu lawˬ-eu nga. Nawˬ-euˬaˬdahˇnaˇshmˇuˬmoˆ, tsawˇhaˬzaˬ awˆkʼaˇza-eu meh.

Jaceuq 57:10

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, mˬ-ahˇ keuˆ ni jaˆ-awˇ, nawˇ saˇ jaˇ ziꞈ-eu jeˬ, mˬ dmˇ-ahˇ tuˆ-eu meh.

Jaceuq 72:18

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ tehꞈ-ehˇ zahˬ leˇ paˬ-ehˇ gʼeh-eu gaˇ heu deuˬ mˇ-eu meh.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Dawqdaq 15:24

Zaˬ siˬ gaˇ ma dehꞈ-eu saꞈ laˇ, shiˇ-eu miˇ kʼahˬ jaw dzeuˇ-eu meh.

Dawqdaq 24:7

Dawˬ tsuiꞈ naꞈ-eu dawˬ daˬ-ahˇ aˬ dzawˬ aˇ gah deuˬ maˬ gʼoˆ shaw nya-a. Gaˇ kawˆ yaw huiˬ ja uˇ ngeh, aˬ yawꞈ dawˬ ngehˬ tsaˬ maˬ siˬ-a. -23-

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Iˇsaˬyaˇ 55:9

Mˬ hawˇ-eu miˇ beu-eu loꞈ-ehˇ, ngaˬ-euˬ nui noeˬ hawˇ-eu ngaˬ-euˬ gaˇ ma, naw maꞈ-euˬ nui noeˬ hawˇ-eu gaˇ ma naˆ maˬ tseˇ, huiˬ dzehˬ mahˇ dzehˬ-eu ma.

Yeˬlaˬmiˇ 10:7

Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.

Luˇkaꞈ 1:49

Iˬ nah neh naˇ aˬ cawˬ ngaˬ-ahˇ, laˬ kʼaˬ cehˇ-eu gʼaˬ lehˇ kuˇ meh. Aˬ jeˬ miˇ neh kuˇ ta ehˇ naˇ, Baoˬ huiˬ-eu Miˬyehˇ neh ngaˬ-ahˇ, huiˬ-eu jeˬ mˇ nehˬ laꞈ-euˬ meh. Aˬ yawꞈ tsawˇ myahˇ muiˬ meh shawˇ meh;

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.