Jaceuq 71:18 - Akha

¹⁸ Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nymq-mr ngar mawqle-awr uqduq pyurle-euq mir-a. Nawq-euq ghaq-euq garkawv, ngar heuzir-anr maq dzawrnaeq ghaq-aer, Nawq-euq baoq-euq garkawv ngar, nanqshaev deuq dawqtawv luf-anr, Maq dzawrnaeq ghaq-euq khoerkeuvni, Miqyaer-or! Ngaq-anr taq byaerdzae naeqlaf.

Jaceuq 71:18 Iomraidhean Croise

Aˇ dahˬ 27:1

Iˇtsaˆ mawˬ dui dui laˇ-awˇ myaˆ nuiˆ maˬ mawˇ nya-ehˇ pyeuꞈ laˇ ngeh, aˬ yawꞈ-euˬ aˬ li aˬ yuiꞈ gʼaˬ pyeuꞈ-eu Iˇsawˇ-ahˇ bi kuˇ laˬ-iˇ-awˇ, “Aˬ li-oˇ” lehˇ aˬ yawꞈ kuˇ ngeh, “Ngaˇ heu gaˇ jawˇ ma da-oˇ” lehˇ, Iˇsawˇ oˬ toˬ nehˬ-euˬ meh.

Jaceuq 22:31

SahˬpaˬMiˬyehˇ-euˬtsawˇjeuˬ-ahˇ, aˬyawꞈka kʼoꞈnehˬ-euˬgaˇkawˆ, aˬkaˇdehꞈle-eu deuˬ-ahˇ kʼawꞈ, aˬyawꞈmaꞈja mehˬnehˬtehꞈ-a.

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Jaceuq 71:9

Nymˬ-mˇ ngaˇ mawˬ laˇ-euˬ miˇ neh taˬ byehˇ dzeh nehˬ laꞈ. Ngaˇ gʼaˬ baˬ le-euˬ miˇ neh myaˆ haw maˬ cawˬ-ehˇ taˬ gʼeh nehˬ laꞈ.

Jaceuq 78:4

Sahˬpaˬ Miˬyehˇ-euˬ baoˬ hawˇ-euˬ aˬ yawꞈ neh mˇ-euˬ huiˬ-eu gaˇ deuˬ gaˇ kawˆ maˬ ehˇ, aˬ yawꞈ neh mˇ-euˬ zahˬ dui dui leˇ paˬ-ehˇ gʼeh-euˬ gaˇ deuˬ maˬ ehˇ, aˬ dui-euˬ zaˬ deuˬ-ahˇ maˬ ja mehˬ-ehˇ maˬ byehˇ ni, nahˬ ziˇ-ahˇ aˬ dui ja mehˬ yaꞈ ma.

Jaceuq 78:6

Tiˬ ziˇ saiˇ tiˬ ziˇ kʼoeˇ loꞈ-ehˇ mehˬ ka leꞈ nya ni, aˬ yawꞈ kʼoeˇ loꞈ-ehˇ mehˬ yaꞈ tsoˆ yaꞈ-euˬ meh.

Doˆ-iˇ 13:8

Bawˬ-iˬ jahˇ-eu aˇ dahˬ beh ngeh jawˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ le ngeh Sahˬpaˬ Miˬyehˇ neh naw maꞈ-ahˇ mˇ nehˬ-euˬ guiˬ lahˬ-ahˇ noeˬ keuˆ-eu laꞈ kʼoeˇ, heu loꞈ-ehˇ ya mˇ ya shaˇ-eu gaˇ kawˆ, naw maꞈ-euˬ aˬ li deuˬ-ahˇ dzawˇ nehˬ-awˬ.

Iˇsaˬyaˇ 46:4

Ngaˇ naw maꞈ-euˬ Miˬyehˇ pyeuꞈ-awˇ, naw maꞈ mawˬ le-awˇ uˬ duˬ pyuˇ le ngeh keuˆ ni, naw maꞈ-ahˇ ngaˇ bo saˆ haw piˇ nehˬ ma. Naw maꞈ-ahˇ beh-euˬ gʼaˬ ngaˇ ma. Naw maꞈ-ahˇ ngaˇ haw piˇ nehˬ ma. Naw maꞈ-ahˇ ngaˇ ngehˬ gʼeh-awˇ ka kʼoꞈ ma.

Iˇsaˬyaˇ 51:9

Sahˬpaˬ Miˬyehˇ nawˇ noeˬ laˇ-awˇ nga maꞈ-ahˇ ka kʼoꞈ-awˬ. Nawˬ-euˬ baoˬ-ahˇ gʼoe-awˇ nga maꞈ-ahˇ ka kʼoꞈ nehˬ laꞈ-awˬ. Aˇ hu nawˬ-euˬ baoˬ bi mawˇ-euˬ loꞈ-ehˇ nymˬ-mˇ bi mawˇ laꞈ-awˬ. Laˆ shaˆ byaˆ yahˬ Laˬhaˇ-ahˇ byehˆ nmˆ nehˬ-euˬ gʼaˬ nawˇ meh.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

1 Saˬmeuˬlaˆ 4:15

Eˇliˆ-aˬ, gʼoeˬ tseˇ yehꞈ kʼoꞈ kʼawˆ laˇ-awˇ, myaˆ nuiˆ maˬ mawˇ nya-ehˇ pyeuꞈ laˇ taˬ-euˬ meh.

1 Saˬmeuˬlaˆ 4:18

Tsawˇ haˬ kʼoeˇ gʼaˬ Dawˬ ma saˇ jaˇ Bahˬ keuˆ gaˇ kawˆ dzawˇ ngeh, gʼoˆ kʼehˬ dawˬ peh jaˆ-eu nuiˇ duˬ-ahˇ nuiˇ luꞈ-eu Eˇliˆ sehˇ pyaˆ-ehˇ coˬ-iˇ-euˬ meh. Aˬ yawꞈ mawˬ dui dui laˇ-awˇ, tsuˇ dui dui-eu miˇ neh, kawˬ lahˇ coˬ kʼehꞈ-awˇ shiˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu oeˬ tseˇ kʼoꞈ geuꞈ-euˬ meh.