Jaceuq 71:17 - Akha

¹⁷ Nyiˇ ngeh neh nawˇ ngaˬ-ahˇ mehˬ nehˬ tsoˆ nehˬ laꞈ-awˇ, nawˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ, iˬ nah keuˆ ni ngaˇ ja luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Miqyaer-or! Nyir ngae nae nawr, ngaq-anr maeqnaeq tsovnaeq laf-awr, Nawq nae mr-euq zanqler paq-aer ghae-eu gardeuq-anr, iqnan keuvni ngar dawqdzawr mrluf-eu ma.

Jaceuq 71:17 Iomraidhean Croise

2 Saˬmeuˬlaˆ 4:9

Biˇyoˆ meuˬ-ahˇ jawˇ-eu Leˬmoˬ-euˬ aˬ li Leˬkaˆ hawˇ-eu Baˬnahˬ aˬ nyaꞈ nmˇ-ahˇ, Daˬbiˇ heu loꞈ-ehˇ ehˇ kʼoꞈ nehˬ-euˬ meh. “Shaˬ zahˬ guˆ gaˆ dawˬ tawˆ luꞈ laꞈ kʼoeˇ ngaˬ-ahˇ ka kʼoꞈ nehˬ laꞈ-euˬ gʼaˬ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ ehˇ-eu ma.

Jaceuq 119:102

Nawˬ-euˬ gʼawˇ mawˇ ngaˬ-ahˇ mehˬ nehˬ tsoˆ nehˬ laꞈ-euˬ miˇ neh, nawˬ neh mehˬ-euˬ dawˬ-ahˇ ngaˇ maˬ byehˇ dzeh.

Jaceuq 119:9

Zaˬ guˬ tiˬ gʼaˬ yaw muiˬ yaw shawˇ shawˇ-ehˇ aˬ joˆ-ehˇ ya dehꞈ nmˇ lehˇ ehˇ ngeh, nawˬ-euˬ zahˇ dawˬ kʼoꞈ dawˬ-ahˇ caw teh-awˇ ya dehꞈ-eu meh.

Jaceuq 26:7

Zahˬdui dui leˇpaˬ-ehˇgʼeh-eu, nawˬneh mˇtaˬ-euˬgaˇdeuˬ-ahˇ, guiˬlahˬhuiˬ-eu dawˬcaˇ-eu ma.

Jaceuq 66:16

Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Jaceuq 71:5

Sahˬpaˬ Miˬyehˇ-oˇ, nawˬ-ahˇ ngaˇ noeˬ tmˬ-eu ma. Nyiˇ ngeh neh nawˬ-ahˇ ngaˇ gʼoe-euˬ ma.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Dawˬmehˬ 4:5

“Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ, zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ ngaˇ mehˬ nehˬ tsoˆ nehˬ gʼaˬ-euˬ ma. Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ deuˬ-ahˇ naw maꞈ naˇ haˬ geuꞈ-awˬ.