Jaceuq 7:2 - Akha

² Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Maqngeur nar-aq, ngaq-anr bidzeur-ir naeqlaf-eu tiqghaq-iq maqjawr-aer, Aqyawfmaf, arlaqjaqshir lof-aer ngaq-anr gheupav gheushav-awr, caeqpyaq caeqsharjir naeqlaf taef-a.

Jaceuq 7:2 Iomraidhean Croise

2 Saˬmeuˬlaˆ 14:6

Ngaˇ aˬ li nyiˬ li jawˇ-awˇ, tiˬ nah keuˆ laˇ ngeh, aˬ yawꞈ nyaꞈ nmˇ deh yaˇ-ahˇ ceh dzaˬ-euˬ meh. Kaˬ piˇ nehˬ-eu gʼaˬ maˬ jawˇ-eu miˇ neh, tiˬ gʼaˬ neh yawˬ gʼaˬ yawˬ-ahˇ sehꞈ-euˬ meh.

Yawˇbaˆ 10:7

Ngaˇ iˬ baˇ maˬ ahˇ-eu gaˇ kawˆ hawˇ-eu, tsawˇ haˬ tiˬ gʼaˬ-iˬ nawˬ-euˬ laꞈ-ahˇ neh ngaˬ-ahˇ maˬ ka kʼoꞈ nya-eu gaˇ kawˆ nawˇ siˬ nya meh.

Jaceuq 10:9

Byoe-ahˇdzuˇzaꞈ-awˇloꞈluꞈ-eu, aˇlaˬjaˬshiˇtiˬmawˇloꞈ-ehˇ, iˇshaˬzaˬdeuˬ-ahˇ loꞈluꞈ-awˇ, tsawˬkawꞈ-awˇ baꞈahˇdzaˬ-eu meh.

Jaceuq 11:1

SahˬpaˬMiˬyehˇ ngaˇgʼoe duˬma. Ngaˬ-ahˇheu loꞈ-ehˇ ehˇ-eu deuˬ, aˇnaˆni dzawˬ-eu tsawˇhaˬnga. “Aˇjiˇguˆ-awˇzaw-eu loꞈ-ehˇ, gawˬjawˬpaw zaw daˆbyoˆleꞈ-awˬ.

Jaceuq 16:1

Miˬyehˇngaˬ-ahˇhaw piˇnehˬlaꞈ. Nawˬ-ahˇngaˇtahˬshaˇlaˇ-eu ma.

Jaceuq 17:12

Aˇlaˬjaˬshiˇloꞈ-ehˇshahˇ-awˇ, gʼeu paˆgʼeu shaˆ-eu gʼeh-eu meh.

Jaceuq 22:13

Shaˬjiˇmehꞈlaˇ-awˇjoeˬluꞈ-eu, haiˬ-eu aˇlaˬjaˬshiˇ loꞈ-ehˇ, kʼaˬmeh mˇnga-awˇloꞈ-eu meh.

Jaceuq 31:2

Ngaˬ-euˬshaˇdawˬ-ahˇ naˇhaˬ-awˇ, yaw kawˇ-ehˇ ka kʼoꞈle nehˬlaꞈ. Ngaˬ-euˬgʼoe duˬlo guˇhawˇ-eu, ziꞈdah ni gʼeh-eu taˆloꞈ-ehˇ, ngaˬ-ahˇhaw teˬhaw piˇnehˬlaꞈ.

Jaceuq 35:15

Ehˇkʼawꞈngaˇsahˬtiꞈtiꞈngeh nah, yawꞈmaꞈlaˬkʼaˬcehˇ-eu laꞈkʼoeˇ, ngaˬ-euˬtiˬjawˬga bymˇle-awˇ, ngaˬ-ahˇaˬjaꞈjaꞈhaw-eu meh. Maˬsiˬmaˬsuˇ-eu deuˬ oe-awˇ, maˬnaˬleˇni tehˆlaˇ-eu meh.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Jaceuq 59:2

Haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Aˬ cawˬ-ahˇ sehꞈ-eu deuˬ-euˬ laꞈ-ahˇ, ngaˬ-ahˇ bi dzeuˇ-iˇ laꞈ.

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Iˇsaˬyaˇ 38:13

Aˇ laˬ jaˬ shiˇ neh shaˬ yoeˬ bi kawꞈ nmˆ-euˬ loꞈ-ehˇ, uˬ ciꞈ miˇ lah-ehˇ gawˇ-awˇ ngoeˇ-euˬ ma. Miˬyehˇ ngaˬ-ahˇ ziˇ bi jiˇ le miˇ-a lehˇ noeˬ-euˬ ma.

Dawˬmehˬ 33:20

Gaˆ-euˬ gaˇ kawˆ Moˇseˬ ehˇ-eu, “Yawꞈ maꞈ miˇ kʼahˬ bi jeˇ laˇ ni, Miˬyehˇ mˇ-euˬ gaˇ ja ceuˬ-awˬ. Aˬ laꞈ kawꞈ tsehˆ dzeh nehˬ-eu lehˇ, uˬ duˬ gʼeu yawˆ dzeh nehˬ-eu lehˇ, aˇ laˬ jaˬ shiˇ loꞈ-eu loꞈ-ehˇ, Gaˆ tsawˇ haˬ deuˬ loꞈ luꞈ-eu meh.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

1 Beˬtuˆluˆ 5:8

Yaw beuˇ beuˇ-ehˇ dehꞈ-awˇ, yaw zoˇ zoˇ-ehˇ haw tsoˆ taˬ-awˬ. Naw maꞈ-ahˇmuiˇ-eu Nehꞈ sahˬ paˬ-aˬ, tsawˇ haˬ-ahˇ kawꞈ sehꞈ dzaˬ-eu lehˇ joeˬ joeˬ-ehˇ cah-eu aˇ laˬ jaˬ shiˇ loꞈ-ehˇ naw maꞈ-ahˇ shahˇ luꞈ meh.

Yaˇ kʼaˬ daˇ 18:28

Tsawˇ haˬ kʼoeˇ deuˬ-ahˇ ka kʼoꞈ nehˬ-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, Siˇdoˬ meuˬ-ahˇ neh gaˇ mahˇ kaˬ gaˇ aˬ yawꞈ maꞈ jawˇ-awˇ, aˬ cawˬ nehˬ-ehˇ cawˬ cawˬ taꞈ-eu laꞈ kʼoeˇ iˇ tawꞈ laˇ tawꞈ-eu maˬ jaˆ-eu miˇ neh meh. Meuˬ kʼoeˇ meuˬ-aˬ, Behˬleˬhawˇbaˆ meuˬ dawˬ peh deh kʼawꞈ-ahˇ jaˆ-eu meh. Daˬ tsawˇ haˬ deuˬ meuˬ kʼoeˇ meuˬ-ahˇ paˇ tsoˆ muiˬ-awˇ jawˇ-euˬ meh.